بسم الله الرحمن الرحيم
صباحكم/ مساءكم ملئ رايق بالصحة والعافية
كيف أحوالكم في الأوضاع الحالية صبايا
بدأت ترجع الحياة تدريجيا بس بشكل مختلف عن السابق.
حبيت اليوم أشاركم روتين تنظيف بشرة عميق وحمام بخار بعمله بشكل مستمر تقريبا شهريا بالخطوات دي كلها وكل البنات ممكن تعمل نفس الخطوات بس الاختلاف هيكون في المنتجات حسب نوع بشرتنا.
يلا نبدأ:
روتين كامل للعناية بالبشرة الدهنية والمختلطة.
المنتجات اليوم مناسبة جدا لأصحاب البشرة المختلطة والدهنية
بستخدم البخار مرة في الشهر ومرة بعدها بأسبوعين بكرره بس من غير البخار
بجانب الترطيب والروتين اليومي قبل ما ننام.
يلا نبدأ
أولا تنظيف البشرة:
نمسح أي بواقي ميكب أو مكياجبعدها نغسل بشرتنا بالغسول المناسب لنوع بشرتنا كويس جدا
وممكن تتعرفوا هنا على أنواع البشرة والروتين المناسب لكل نوع بشرة (للاطلاع اضغط هنا)
 |
| ماء الميسيلار لإزالة المكياج |
 |
| غسول بوتس بالشاي الأخضر للبشرة الدهنية والمختلطة |
ثانيا حمام البخار
ممكن نستخدم جهاز البخار اللي في الصورة أو أي جهاز بخار لمدة 10-15 دقيقةلحد ما نلاقي مسامات الوجه كلها اتفتحت وبشرتنا لونها أحمر شوية
ولو مش موجود عندنا جهاز البخار في إناء طهي يكون واسع نغلي ماء كويس جدا وبعدها نعرض وجهنا للبخار لمدة 10 دقائق
نأخد بالنا بس يبقى فيه مسافة كافية بين الوجه والبخار علشان نتفادى أنه يسبب لبشرتنا حرق
ممكن نضيف للبخار نعناع أو لافندر
 |
| حمام بخار لتفتيح مسام البشرة |
ثالثا إزالة الرؤوس السوداء
ممكن نستخدم اللزقات الجاهزة لإزالة الرؤوس السوداء ومتاحة للبيع في الصيدلياتأو نستخدم الأبرة المخصصة اشترتها من THE BODY SHOP
بضعط بالجزء المدور ده على الرؤوس السوداء في منطقة الأنف والT ZONE بتوجع شوية بس نتيجتها جميلة
وممكن كمان أضغط على الرؤوس البيضاء أو السوداء اللي في منطقة الذقن/ CHAIN
وهقولكم بديل سهل لو الأبرة دي مش موجودة معاكم
بنسة الشعر السوداء دي اللي في الصورة
ممكن نستخدمها الجزء المدور ده اللي نضغط بيه على الرؤوس جميلة نتيجتها ومفيش بنت مش موجود عندها بنس شعر
 |
| إبرة إزالة الرؤوس والبثور البيضاء والسوداء |
رابعا السنفرة/ FACE SCRUB
برشح دايما المقشر يكون يا صبايا حبيباته ناعمة بلاش الحبيبات الكبيرة أو الخشنة لأنها ممكن تسبب حفر في الوجه وتجرح البشرةوالصنفرة بتكون مرتين مثلا في الشهر وحاليا الاتجاه كله ناحية التقشير الكيميائي وليس الفيزيائي (المقشرات العادية)
ممكن نكررها مرة كل أسبوعين
تجنبوا الأفراط في الاستخدام لأنها ممكن تسبب تهيج وتحسس البشرة
ممكن نستخدم سكرب جاهز وأنا بحب جدا ST IVES من أفضل المنتجات اللي جربتها
واسكراب FLAKE AWAY من براند THE SOAP AND GLORY
وكمان بحب جدا BOOTS اللي في الصورة
ونبدأ في فرك البشرة في حركات دائرية بشكل خفيف على بشرتنا
 |
| مقشر بوتس بالشاي الأخضر والفحم للبشرة الدهنية والمختلطة |
خامسا ماسك للبشرة
ممكن تلاقوا هنا وصفات ماسكات حلو جدا (للاطلاع أضغط هنا)وممكن ماسك MINT JULEP MASQUE
من براند QUEEN HELENE من على موقع أيهيرب
هتلاقوا ريقيو مفصل عنه على الانستجرام واختصارا من أكثر الماسكات المناسبة للبشرة الدهنية والمختلطة بينظف المسام من القلب ويزيل الأوساخ والسموم ويترك البشرة بصحة ولمعان ويخلصنا من الدهون الزائدة
أو شيت من SIMPLE كان جميل جدا
وممكن ماسك النيتوناج بينظف البشرة جدا ويتركها مثل بشرة الأطفال
 |
| SIMPLE FACIAL TISSUE |
المزيد : شرح طريقة الطلب من أيهيرب بدون واسطة والدفع عند الاستلام
وفيه ماسك انا بحبه جدا وبعتمد عليه جدا جدا وهو
ماسك للبشرة الدهنية والمختلطة
معلقة طمي+شاي أخضر+معلقة زبادي+معلقة ماء ورد
ممكن أبدل الطمي واستخدم الشوفان
وأوقات بضيف معلقة صغيرة من العسل الأبيض
فوائد الماسك
يزيل الدهون الزيادة
بيشد البشرة
يترك البشرة متألقة وناعمة SOFT
وبيغذي البشرة جدا
نترك الماسك على بشرتنا حوالي 20-25 دقيقة
وبعدها ننظف بشرتنا
سادسا التونر
بقطنة تونر على بشرتنا علشان نتأكد من غلق المسامات وموازنة PH البشرة.وممكن مكعب ثلج صغيرة نمشي بيه على بشرتنا
 |
| تونر لتقليل مسامات البشرة مناسب لجميع أنواع البشرة |
سابعا الترطيب
نستخد السيرم بتاعناأنا بحب جدا HYALURONIC ACID SERUM
بستخدمه بشكل يومي لفوائده المهولة في الترطيب وعلاج ومقاوة التجاعيد وعلامات تقدم البشرة وقد ايه بيدي نفخة طبيعية جميلة للبشرة مش بشرة مريضة او شاحبة
هتلاقوا كل الكلام عن الهيالورنيك أسيد وايه أفضل الأنواع هنا (للاطلاع اضغط هنا)
حاليا بجرب هيالورنيك أسيد من ذا أوردينري
هبقى أقول نتيجة تجربتي معاه
وبعد ما تمتص البشرة السيرم
نستخدم المرطب بتاعنا المناسب لبشرتنا
ومرطب الشفاف ولو فيه كمان كريم عين يبقى خلصنا.
 |
| مرطب NATURE REPUBLIC للبشرة الدهنية والمختلطة |
 |
| مرطب نيتروجينا للشفاه |
 |
| مرطب لمنطقة حول العين |
أحساس الانتعاش بعد الروتين العميق رهيب والنتيجة رائعة مش محتاجة تروحي لصالون تعملي تنظيف بشرة بالمواظبة عليه
وأن البشرة نظيفة ورايقة ومرتاحة
بكرر الروتين السابق الكامل بعد أسبوعين
بس من غير حمام البخار
بغسل بشرتي أبدأ سكرب للبشرة وبعدها باقي الروتين السابق المعتاد
أحيانا مش بستخدم السكرب وبستخدم
THE ORDINARY PEELING SOLUTION
وهتلاقوا عنه ريفيو وشرح مفصل على الانستجرام
يستخدم في إزالة طبقة الجلد الميتة ويساعد البشرة لو فيها تصبغات آثار قديمة لحبوب
هقولكم عنه بالتفصيل قريبا في تدوينة مفصلة او ريفيو سريع على الانستجرام الخاص بالمدونة
نصائح سريعة للحفاظ على بشرتنا:
النوم فترة كافيةشرب ماء كافي حتى في فصل الشتاء
لما نعمل تنظيف بشرة عميق نبعد أننا نضع مكياج هذا اليوم ونترك البشرة ترتاح
ضرورة استخدام واقي من الشمس بمعدل حماية كبير دائما في فصل الصيف والشتاء مش في الصيف بس صبايا
الشمس كتير بتدمر البشرة
نحاول ناحد منها الجميل ونتفادى الأشعة المضرة ببشرتنا.
المزيد: كيفية التخلص من آثار حروق الشمس (اضغط هنا)
هتلاقوا ريفيوهات تفصيلية لكل المنتجات و اكثر على الانستجرام تابعونا وشاركونا هناك .
كده تميت تدوينة اليوم عن
الروتين الكامل العميق لتنظيف وترطيب البشرة المختلطة والدهنية بدون الحاجة للصالونات ومراكز التجميل.
أتمنى أكون ضيفت جديد أو وضحت الخطوات بشكل بسيط ومفصلأتمنى أكون أتذكرت كل شئ
دمتم جميلات
واستمتعوا بكل تفاصيلكم...