MermaidCharming MermaidCharming

آخر الأخبار

جاري التحميل ...

طرق علاج حروق الشمس وأفضل واقي شمس وكريم تفتيح بشرة | HOW TO AVOID SUNBURNS



بسم الله الرحمن الرحيم
كيف أحوالكم صبايا
وكيف أخبار الصيف والمصيف والطلعات  والبحر
موضوع اليوم عن الشمس و كيف نتجنب آثار الشمس الضارة وكيفية علاج حروق الشمس  واختيار واقي الشمس المناسب

محتوى الموضوع: أنواع أشعة الشمس
                        أهمية واقي الشمس 
                        معامل الحماية من الشمس SPF
                        الطريقة الصحيحة لاستخدام واقي الشمس
                        أفضل أنواع واقي الشمس للبشرة الدهنية والمختلطة والجافة والعادية
                        علاج حروق الشمس
                        أفضل كريمات التفتيح 
                        ماسكات طبيعية سريعة لتفتيح فوري للبشرة




أولا هنتكلم بشكل مبسط 

أنواع أشعة الشمس


فيه منها 3 أنواع
أشعن تحت الحمراء INFRARED RAYS  ودي اللي بتسبب الحرارة والسخونة
الأشعة المرئية WHITE RAYS الضوء الأبيض
الاشعة تحت البنفسجية ULTRAVIOLET RAYS ودي منها الضار والنافع مفيدة إنها لما بتوصل لبشرتنا بتساعدنا إننا نكون فيتامين D3 وده لما بنتعرض للشمس وقت مؤقت وفترات قصيرة مش ساعات طويلة

أما لما بنتعرض للشمس لساعات طويلة للأسف بيقع علينا الضرر من الأشعة الفوق بنفسجية UV

 أشعة الشمس الفوق بنفسجية UV RAYS
فيه نوعين منها UV a   والنوع ده بيخترق الجلد بدرجة كبيرة والسبب وراء ظهور التجاعيد وعلامات تقدم السن
                   UV b  والنوع ده هو السبب وراء الحروق والإسمرار

عادة الأشعة الفوق بنفسجية لما بنتعرض لها لوقت وساعات طويلة بتسبب تحفيز إفراز وإنتاج الميلانين (صبغة البشرة) كرد فعل من البشرة للجماية من أشعة الشمس وده اللي بيسبب التصبغات والإسمرار لو اتعرضنا للشمس من غير واقي
وكمان البشرة كرد فعل وقائي من الشمس بتكون طبقات جلد جديدة وده بيسبب زيادة في سمك البشرة وبيكون السبب في تكون التجاعيد
لذا واقي الشمس لا جدال على أهميته ولا تهاون في استخدامه بنات

لذا أصحاب البشرات الحنطية لابد من واقي الشمس درجة الحماية +30
وأصحاب البشرات الحنطية لابد من واقي شمس درجة حمايته +50
تعالوا اكلمكم إذا كان الفرق كبير بين معامل الحماية 30 & 50

بس الأول طيب تعالوا اكلمكم عن معامل الحماية من الشمس بيتحسب ازاي 
وهل مثلا SPF 100 أحسن من SPF 80 
 , SPF80 أحسن من SPF 50 وهكذا ولا أيه الحكاية ؟

ثانيا 

معامل الحماية من الشمس SPF


معامل الحماية ده يخص الحماية من الأشعة فوق البنفسجية B 
عادة البشرة بدون وضع أي واقي شمس عليها بتأخد حوالي 20 دقيقة لحدوث الإجمرار والتأثر بالشمس
وواقي الشمس إذا كان معامل الحماية به SPF15
ده معناه إنه بيضاعف الوقت اللي البشرة تقدر تقاوم فيه أثر الإحمرار من الشمس اللي هو قولنا عليه 20 دقيقة بيضاعفوا 15 مرة 
يعني تعادل 15*20  
يعني تقريبا نطريا تقدر تحمي البشرة حوالي  ساعات

وهكذا لو معامل الحماية 30
30*15 يعني نظريا تقي البشرة من الاشعة الفوق بنفسجية لمدة 10 ساعات 

ولكن ممكن نقول إن معامل الحماية 15 يمنع 93% من UVB
وإن معامل الحماية 30 يقي بنسبة 97% من UVB
ومعامل الحماية 50 يمنع 98% من UVB

وأكثر من نسبة SPF 50 معامل الحماية 50 ده كله كلام مش واقعي ومفيش حاجة بتمنع 100% من UVB أو بتقدم حماية كاملة من أشعة الشمس

يعني معامل الحماية 100 و 80 ده كلام تجاري فقط ومش حقيقي والحماية الفعالة بصورة صحيحة من الشمس هو 30 ولكن بعض الشركات كنوع من التسويق والحملات الإعلانية ولإحتياجات السوق بتزود بعض التركيبات ليصبح معامل الحماية 50
ولكن الكلام ده مش دقيق وقريبا الأسواق كلها هتبقى أكثر معامل جماية فيها 30

وعاوزة أقولكم حاجة واقي الشمس مش للوجه فقط ده لأي جزء معرض من بشرتنا للشمس يعني الإيدين أو الارجل كله كله
ممكن نشتري لبشرتنا نوع غالي ومحترم ولإيدينا توع ثاني من براند أقل لو المشكلة في أسعار واقي الشمس.

نصيحة مهمة 
اختاروا واقي الشمس يكون بيحمي من الأشعة فوق البنفسجية A & B 
لأن الأشعة A أكثر اختراقا للجلد والسبب وراء عجز وشيخوخة البشرة.

ثالثا 

طريقة استخدام واقي الشمس الصحيحة:


1- نغسل بشرتنا جيد جدا من الزيوت والتراب وبواقي مستحضرات التجميل (يعني نضع الكريم على بشرة نظيفة)

2- نضع كمية مناسبة من واقي الشمس (بيحسبوها بره بدقة يا بنات إن لكل سم مربع من البشرة 2 جم من واقي الشمس أو مثلا ما يعادل الكمية المناسبة للوجه وأول الرقبة معلقة صغيرة من واقي الشمس وطبعا ده صعب نطبقه فعلشان كده بقولكم ضعوا كمية وافية ومناسبة من واقي الشمس مش نقطتين وخلاص وأرجع أقول بسمر ليه وواقي الشمس ده مش فعال ومش كويس!!)


3- نضع واقي الشمس قبل التعرض للشمس بمدة 20-30 دقيقة


4- واقي الشمس بيتجدد كل ساعتين للحصول على أقصى وأفضل نتائج منه وده ضروري جدا لإنه مش هيثبت أكثر من كده
لو هننزل ماء بحر او SWIMMING POOL محتاجين نستخدم الانواع المقاومة للماء WATER RESISTANT لأن الأنواع العادية بيروح مفعولها من الماء الكثير أو العرق الكثير.

طيب عرفنا سوا كده كل الكلام عن أشعة الشمس 
جه الدور على اختيار نوع واقي الشمس المناسب على حسب كل نوع بشرة 

أفضل واقي شمس للبسرة الدهنية والمختلطة والجافة والعادية


جمعتلكم أفضل الأنواع فيه شركات كثير أوي متميزة وبتصنع فورميلا مناسبة جدا وبتغطي كل أنواع البشرة ومن أشهرهم 
LAROCHE POSAY 
AVENE 
VICHY
URIAGE
والصورة دي كنت نزلتها على حساب الانستجرام تجميع لأفضل الأنواع في السوق بأسعار مختلفة وشركات كمان محلية وجودة متطورة لمنافسة الشركات المتقدمة
فمفيش حجة لأي بنت إنها مستخدمش واقي شمس لإن فيه اسعار كثير ومنتجات كويسة ودايما هتلاقوا عروض في الصيدليات



طيب لو علمنا كل الحاجات دي وللأسف بشرتنا التهبت واحمرت من الشمس 
ممكن نستخدم ايه ينقذ الموقف ؟

علاج حروق الشمس

أهم حاجة في حالة إننا بشرتنا التهب من الشمس نستخدم حاجة تقلل الالتهاب وتهدي البشرة مثل
نصيحة: بلاش أي تقشير أو أسكراب وبشرتنا ملتهبة

جل صبار 
SERIO CREAM
ZINCODERM CREAM

أو ممكن نستخدم AFTER SUN LOTION 
وده بيساعد الخلايا إنها تطرد أشعة الشمس الزيادة وإن الأشعة الزيادة ما تتخبطش مع بعضها وتضر الخلايا أكثر والبشرة
ودي أفضل وأشهر الأنواع الموجودة 






أفضل كريمات تفتيح البشرة

طيب لو لقينا بشرتنا أسمرت ومحتاجين نرجعها للونها الأصلي نستخدم واحد من كريمات التفتيح دي 
هتساعدنا جدا نرجع للون بشرتنا 

تفتيح البشرة العادية ممكن نستخدم:

MELATEX CREAM
ACM CREAM
STARVILLE WHITTIENG CREAM


ولو بشرتنا مختلطة أو دهنية ممكن نستخدم


BIODERMA WHITE OBJECTIVE مرة مساءًا

REXOL ULTRA WHITENING مرة مساءًا وصباحا

طيب لو محتاجين مني ترشيح لمنتج يكون واقي شمس وفي نفس الوقت تفتيح 
علشان نتفادى إننا نستخدم واقي الشمس وبعدها نستخدم منتج تفتيح

واحد من أحسن المنتجات اللي بيجمع الحماية من الشمس والتفتيح معا

ISIS NEOTONE RADIANCE 


طبعا مش هننسى الناس اللي بتحب الماسكات الطبيعية وبتعتمد عليها للتفتيح هقولكم على ماسكات حلوة ومتجربة للتفتيح 
بس أهم حاجة تبقوا متأكدين إن معندكمش حساسية من المكونات

ماسكات طبيعية لتفتيح البشرة الفوري:


ماسك دقيق الأرز واللبن:

يحتوي دقيق الأرز على مواد مضادة للالتهابات ومبيضة للبشرة وبتساعد على تهدئة البشرة واللبن بيساعد على ترطيب البشرة وتنعيمها

طريقة الماسك:
3 معالق كبيرة من دقيق الأرز (نطحن الأرز لحد ما يتحول لبودر - دقيق)
اخلط 2-3 ملاعق من اللبن 
واخلطهم سوا حتى تتكون عجينة لينة خفيفة 
نترك الماسك على بشرتنا جوالي 20-30 دقيقة
ونغسل بشرتنا بعدها ونرطبها جيدا

ماسك الترمس والعسل:

معلقة ترمس مطحون
معلقة صغيرة من العسل
معلقة زبادي 
وتخلط المكونات معا ونضع الماسك على بشرتنا لمدة 15-20 دقيقة ثم نغسل بشرتنا بعدها ونرطبها جيدا بعدها


ماسك الشوفان:

3 معالق كبيرة من الشوفان المطحون
2 معلقة ماء ورد
معلقة زبادي 
نخلطهم معا جيدا حتى يتكون عجينة خفيفة 
نضع الماسك لمدة 15 دقيقة ثم نشطفه ونرطب البشرة بعدها جيدا.

يمكن استخدام الماسك مرة أسبوعيا يا بنات 
كده وصلنا لنهاية موضوع اليوم 
يارب يكون غطناه بشكل كويس من كل النواحي واللي عنده أي أسئلة يبعتلنا هنا أو انستجرام 
دمتم جميلات 


موضوعات قد تهمك

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming