MermaidCharming MermaidCharming

آخر الأخبار

جاري التحميل ...

الهالات السوداء أسبابها وعلاجها | طريقة عمل سيرم الكافيين في البيت لعلاج الهالات بالفيديو | CAFFEINE SERUM DIY VIDEO

سيرم الكافيين لعلاج الهالات السوداء والانتفاخات

صباح الجمال صبايا
كيف أحوالكم جميعا

موضوع النهاردة موضوع قديم جدا عندي ودائما بكسل أو بتشغل أنزله بس بما إني نشطة شوية الأيام دي على الانستجرام ونزلته فقولت لازم أنزله هنا لإن هنا المرجع الأول والأخير بالنسبالي
أصبجت مرتبطة بالتدوين هنا جدا
هنتكلم اليوم عن الهالات السوداء والعناوين الآتية بالتفصيل

سبب الهالات السوداء

التخلص من الهالات السوداء طبيعيا

سيرم الكافيين لعلاج الهالات السوداء




الهالات السوداء

هي دوائر أسفل العينين لونها أغمق من لون الجلد الطبيعي عادة لما بتظهر بتوحي إن الإنسان متعب ومرهق ولها أسباب كثير


أسباب الهالات السوداء

هي عادة بتظهر نتيجة ضيق الأوعية الدموية في المنطقة حول العين عن باقي البشرة وبالتالي يتسبب في تراكم الميلانين (الصبغة) ما يسمى بفرط التصبغ وأيضا بسبب إن الجلد في المكان ده أرق جدا من باقي جلد بشرتنا.
وممكن الأسباب الآتية تكون سبب مباشر للهالات:

قلة النوم
شرب الكثير من المنبهات والكافيين
الضغط والتوتر النفسي
الحساسية واحتقان الأنف
التعرض للشمس
قلة شرب الماء والسوائل
نقص نسبة الحديد
التدخين
فرك منطقة حول العين بكثرة


علاج الهالات السوداء طبيعيا

أولا كده لازم نفرق إن فيه نوعين من الهالات
النوع الاول الهالات الوراثية
ودي صعب علاجها وبتحتاج طبيب مختص وبيتم علاجها عادة بحقن البلازما أو حقن كولاجين أو طريقة العلاج اللي يشوفها الطبيب مناسبة للحالة

النوع الثاني الهالات البسيطة اللي ذكرنا أسبابها أعلاه.
ويمكن علاجها بشكل بسيط ولكن يحتاج التزام واستمرار

نبدأ بالعلاجات الطبيعية للهالات السوداء

1- كمادات الشاي الأخضر

بعد ما نشرب باكيت الشاي الأخضر نضعه في التلاجة لمدة ساعة أو اثنين وبعدها نضع باكيت الشاي الأخضر حول العين لمدة 20-30 دقيقة
النتيجة : راحة وترطيب لمنطقة حول العين

2- وممكن نخلط الشاي الاخضر مع عصير النعناع الفريش
ونضع في الخليط قطع من القطن وبعدها نضعها في الثلاجة لمدة ساعتين
وبعدها نضعها على العين لمدة 20-30 دقيقة


3- شرائح البطاطس

بتقلل جدا من الهالات السوداء
نقطع البطاطس لشرائح ونتركها في الثلاجة وبعدها نضع شرائح البطاطس على العينين


4- زيت اللوز الحلو أو زيت جنين القمح

نقوم بعمل مساج لمنطقة حول العين بنقطتين من الزيت
زيت اللوز او زيت جنين القمح من الزيوت الغنية بمضادات الأكسدة وفيتامين E مما يساعد على تقليل والتخلص من الهالات السوداء وترطيب منطقة حول العين.


4- القهوة

موجود سيرم حاليا من البراند الكندي THE ORDINARY بالكافيين وبيتم تسويقه إنه بيعالج الهالات ويقلل من الانتفاخات حول العين
حقيقة أنا مجربتش منه ولكن لقيت يوتيوبرز أجانب كثير منزلين طريقة لسيرم القهوة لعلاج الهالات والانتفاخات
هنزلكم الفيديو هنا وكمان هتلاقوه على اكونت انستجرام
بس الأول من فوائد الكافيين إنه غني جدا بمضادات الاكسدة اللي بتقلل من التلف اللي ممكن يصيب الجلد نتيجة التعرض للعوامل الخارجية وكمان قابض للأوعية الدموية وبيقلل الانتفاخات حول العين جدا




أخيرا هقولكم اهتموا جدا بالترطيب حول العين لا الجفاف ممكن بزود الهالات جدااا ولو عندكم سبب من الاسباب اللي ذكرناها نحاول نعالجه لإنه لما نعالج السبب أكيد هتقل الهالات السوداء
هقولكم على واحد من احلى كريمات العين لعلاج الهالات جربته من فترة وارشحه بقوة جدا يا ريت كنت احتفظت بالعلبة أصورلهاكم  دي صورة ليه من البيدج بتاعتهم على الفيس بوك هو كريم MEDITOPIC K-ONE
من مكوناته فيتامين K & E& A ومادة ال ESYRL اللي بتخفف من الانتفاخات
استخدمته في فترة كانت الهالات عندي زيادة عن الطبيعي بتاعي من قلة النوم والضغط
والمفأجاة إني بعد أسبوعين تقريبا بدات احس فرق في شكل عيني وبعد شهر حسيت الهالات قلت بشكل ملحوظ فعلا وكمان ترطيبه جميل
 وحتى لما وقفته لقيت إن الهالات مرجعتش تاني ودي أكثر حاجة جميلة إن تأثيره مش وقتي أو مؤقت وقلل جدا من الهالات وراضية جدا معاه بالنتيجة أنا الهالات عندي مش وراثية يا بنات والعادي بتاعي إن الهالات مش قوية
سعره غالي شوية بس بيقعد مدة طويلة جدا لإن نقطة منه صغيرة بتكفي جدا وبيكون عليه هروض في الصيدليات
كريم MEDITOPIC لعلاج الهالات السوداء والانتفاخات

وفيه كمان كريم عندهم حاليا سيرم أسمه HYAFILL وده لعلاج الخطوط الرفيعة ممكن حول العين أو العلامات التعبيرية حول الفم والمكون الرئيسي فيه الهيالورنيك أسيد وسمعت عنه ريفيوهات إيجابية كثير بس لسه مستخدمتوش
لما استخدمه هقولكم ريفيو عنه.

خلصنا كلامنا اليوم
أتمنى لكم الصحة والعافية والجمال
دمتم جميلات


موضوعات قد تهمك 

ماسكات للتخلص من الهالات السوداء

فائدة الكافيين| القهوة في تطويل الشعر































عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming