 |
| الديرما رولر |
بسم الله الرحمن الرحيم
كيف الأحوال صبايا
أخبار صحتكم وبشرتكم أيه؟
موضوع النهاردة من زمان بفكر أنزله وما بعرف ليه مش بنزلوا
أخيراااا أتشجعت نتكلم فيه
موضوعنا عن الديرما رولر.
طبعا حلم كل النساء أيا كان العمر بشرة صحية متوهجة نقية خالية من المشاكل من غير آثار حب الشباب أو الندبات أو بقع الشمس أو تجاعيد.
وطبعا العلم بيتقدم بسرعة شديدة ومجال البشرة كل يوم في جديد، في الأول كان التقشير الكيميائي العميق اللي بيشيل طبقات الجلد ولكن كان ليه آثار جانبية.
وبعدها صنفرة البشرة هي ماكينة بتزيل طبقات الجلد طبقة طبقة لحد ما توصل لمستوى معين من الجلد بس هي عملية مؤلمة وبيكون ليها آثار جروح وبتم غالبا تحت تأثير البنج
وبعدها الجلد بيأخذ وقت طويل ليستعيد لونه وشكله الطبيعي بعد العملية.
وبعدها وصلنا لليزر التقشيري هو شبه عملية الصنفرة بس مطور أكثر بكثير وأدق في إزالة الجلد ولكن مشكلته لازالت الوجع والوقت الطويل.
لحد ما وصلنا لأحدث تقنية وهي FRACTIONAL LASER وده سبب طفرة كبيرة في علاج التجاعيد وآثار الحبوب ونضارة البشرة
بس طبعا كلنا عارفين إن الليزر ماديا غالي وبيحتاج لعيادات خاصة ودكتور محترف وشاطر
وتطورت الأفكار لحد ما وصلوا لاختراع جميل وسهل الاستخدام والتداول في البيت بدون الحاجة لمتخصص أو عيادات أو علاجات عميقة وهو الديرما رولروكمان سهل الحصول عليها وسعرها في المتناول ومتوفرة في أكثر من مكان.
النهاردة هنتكلم سوا عن الآتي:
كل ما تود معرفته عن الديرما رولر
مميزات وعيوب الديرما رولر
مقاسات الديرما رولر
اختيار مقاس الديرما رولر الصحيح للعلاج
الطريقة الصحيحة لاستخدام الديرما رولر
دي العنوانين اللي هنتكلم فيها النهاردة إن شاء الله عذرًا لو هنطول في تدوينة اليوم بس أوعدكم إننا نغطي كل حاجة عن الديرما رولر.
أولا ما هي الديرما رولر؟
ديرما يعني بشرة
رولر يعني بكرة- كرة-عجلة.
وده واضح من شكلها هي عبارة عن عجلة مليئة بالأبر الصغيرة الدقيقة (سنون) قابلة للدوران بنمشي بيها على بشرتنا .
والطرف التاني أيد بنمسك بيها الديرما وسهل نتحكم ونحركها على بشرتنا.
يتراوح طول السنون من 0.25 مم إلى 3 مم
ولكن كل طول إبر مخصص لمشاكل معينة وأكثر من 1.5 مم يستخدم من قبل الأطباء المتخصصين مش لينا أحنا خالص.
فكرة عمل الديرما رولر:
تعتمد فكرة الديرما رولر ببساطة على إحداث جروح بسيطة وسطحية في خلايا البشرة الخارجية (جروح لا ينتج عنها ندبات أو علامات)
وبالتالي الجروح دي بتكون مثل إشارة أو محفز للكولاجين الغير نشط لتحفيزه على الخروج وتنشيط الخلايا والبدء في إنتاج بروتينات مغذية تساعد على الانقسام والانتشار وبالتالي تعوض البشرة عن الجروح البسيطة وتعمل على شد البشرة وتجديدها.
مميزات الديرما رولر:
سهلة الاستخدام في المنزل
متوفرة على العديد من المواقع مثال أمازون - إيباي - سوق - نون - جوميا بأسعار معقولة ومناسبة
مناسبة لكل أنواع البشرة
استخدامها ليس فقط لبشرتنا للوجه في علاج التصبعات ،والندبات ،وآثار حب الشباب ،والتجاعيد، ولكن كمان مناسبة للجسم (مقاسات الأبر أكبر) لعلاج السيلوليت والأسترتش ماركس
ويمكن استخدامها للشعر لعلاج فروة الرأس وتساقط الشعر وتحفيز نمو الشعر والثعلبة.
كيف تستخدم الديرما رولر للوجه بطريقة صحيحة:
زي ما قولتلكم نقدر من خلال الديرما رولر نحصل على نتائج هائلة للبشرة بس لما نستخدمها صح فتعالوا ببساطة هقولكم نستخدمها إزاي وهقولكم نصائح للحصول على أفضل نتائج
1- من الأول نبدأ كده على نظافة لابد من من إزالة أي ميكب من البشرة ثم غسيل الوجه جيدًا بالغسول أو الصابونة
وده لأن الديرما رولر هيسبب فتحات وجروج في البشرة مش معقول ندخل بقى مكياج أو بشرتنا تبقى مش نضيفة وندخل لطبقات البشرة الداخلية!!.
2-غسل الديرما رولر وتعقيمها بالكحول قبل وبعد الاستخدام لعدم التعرض لعدوى بكتيرية من استخدامها.
 |
| طريقة استخدام الديرما رولر |
3-نضع كريم مخدر على بشرتنا علشان نقلل من إحساسنا بالألم والوخز
ممكن كريم بريدوكايين ونتركه على بشرتنا من نص ساعة لساعة أو كريم EMLA اللي في الصورة ونتركه حوالي نص ساعة لحد ما نحس بالتنميل نبدأ بقى الديرما.
 |
| المخدر قبل الديرما رولر |
4- نأخذ بالنا نبعد عن الأماكن اللي فيها الملتهبة علشان وشنا هيبقى ملتهب شوية أصلا أوالمناطق المصابة أو اللي فيها حبوب أو عدوى بكتيرية علشان مناخدش البكتيريا من مكانها وننقلها لباقي الوجه.
5-نبدأ نحرك الديرما على المناطق اللي محتاجة معالجة مثل نقص النضارة أو التصبغات أو آثار الحروق أو آثار حب الشباب والندوب، نتحرك بشكل أفقي أولا وبعد ما نخلص كل المكان بشكل أفقي نتحرك بشكل رأسي على نفس المكان
يعني هنتحرك على المكان الواحر أفقي ورأسي بس بالترتيب.
6- بعد ما نخلص جلسة الديرما وتحفيز الوجه في كل الإتجاهات هنستخدم سيرم مناسب لينا أ ممكن نحط السيرم ونمشي بيه على بشرتنا في كل الإتجاهات بالطريقة اللي قولنا عليها علشان نساعده ونوصله أسرع للخلايا العميقة، ويفضل سيرم فيتامين سي لإنه هيساعدنا جدا في النضارة وتحفيز الكولاجين الجديد
هنا كنت بستخدم سيرم فيتامين سي من ذا أورديناري وهو عبارة عن فيتامين سي وكمان الفا أربيوتين اللي بيساعد جدا في التفتيح، وناس من صحباتي بيستخدموا سيرم BEESLINE وهو من مكوناته فيتامين سي وحاجات ثانية كثير وجميل جدا معاهم ونتائجه جيدة جدًا
وهنا هتلاقوا كل حاجة عن فيتامين سي بالتفصيل وأنواعه (للإطلاع اضغط هنا).
وهنا هتلاقوا كل حاجة عن فيتامين سي بالتفصيل وأنواعه (للإطلاع اضغط هنا).
 |
| أفضل سيرم بعد الديرما رولر |
7- نغسل الديرما رولر بعد الاستخدام علشان الدم مينشفش في الديرما بتاعتنا نقط دم نتيجة الجروح في البشرة ده شئ طبيعي، وبعدها نعقمها بالكحول نرش عليها ونشيلها في الكافر بتاعها تاني للجلسة التالية.
8- نتجنب استخدام الديرما ذهابًا وإيابًا على نفس المكان بدون توقف. (الأصح إننا نمشي في إتجاه مثلا ذهاب بدون عودة وليكن من اليمين لليسار وبعدها نرفع الديرما رولر عن بشرتنا ونرجع تاني على نفس المكان في نفس الإتجاه مرة ثانية من اليمين لليسار وهكذا عدة مرات على نفس المكان ولكن في إتجاه واحد).
من الخطأ استخدامها من اليمين لليسار والعودة من اليسار لليمين بدون توقف!!!
9- بلاش نضغط على الديرما رولر بقوة نضغط بس ضغطة خفيفة برفق يعني علشان منسببش جروج كبيرة في بشرتنا إحنا في البيت مش دكاترة ديرما دكاترة الجلدية فقط هما اللي عارفين لما بيضغطوا بقوة بيكون إزاي وطبعا اللي عاوز من الديرما رولر نتيجة أحسن ومش هيعرف يعملها في البيت يبقى جلسة عن دكتور جلدية هتكون وافية جدا.
10- بلاش نستخدم اي مكيب لمدة 24 ساعة بعدها بشرتنا هتكون ملتهبة ومحمرة ومتحسسة شوية، نسيبها تستفاد من السيرم وجلسة العناية بالديرما
ويفضل نعمل الجلسة بليل ونضع سيرم فيتامين سي لنتحرك البشرة ترتاح من الالتهابات ويهدئ الإحمرار.
عيوب الديرما رولر:
يبدو أمر طبيعي بعد الجلسة إننا نلاقي إحمرار والتهاب في الجلد وممكن فيه ناس بعض التورم وبعض الجروح أو الخدوش البسيطة نتيجة إحتكاك الإبر بالبشرة.
بعدها بكام ساعة الجلد هيرجه للونه الطبيعي ويقل الإحمرار بس لو مستخدمة مقاس إبر كبير هيأخذ وقت أطول شوية.
بس بشرتنا بتأخذ وقت ممكن يومين أو أكثر عقبال ما ترجع لطبيعتها تاني حتى تلتئم وتبدأ إنتاج الخلايا الجديدة.
بس بشرتنا بتأخذ وقت ممكن يومين أو أكثر عقبال ما ترجع لطبيعتها تاني حتى تلتئم وتبدأ إنتاج الخلايا الجديدة.
متى تبدأ نتائج الديرما رولر في الظهور؟
هقولكم حاجة من تجربتي هتحسوا بالنتيجة على حسب المشكلة اللي بتعانوا منها
يعني لو بس محتاجين نضارة ممكن تبدأوا تحسوا بالفرق من الجلسة الثالثة او بعد كده بشوية
بس لو مثلا مشكلة في التصبغات مش أقل من 6-8 جلسات ديرما علشان تبدأوا تحسوا بالفرق
ولو المشكلة في الندوب وآثار حب الشباب ممكن تأخذ وقت أطول مننا يعني 10-12 جلسة وتبدأوا تشوفوا فروقات وضحة.
_____________________
دلوقتي عاوزة أعملكم مقارنة بسيطة بين نوعين استخدمتهم من الديرما رولرز وانتو يا بنات طبعا كل واحد وتجربته واللي بيريحه:
أو الديرما الذهبي والديرما اللي لونها على أورجواني| موف شوية كده.
المقارنة بين DRS & ZGTS
مين أحسن نوع ديرما رولر
 |
| أفضل نوع ديرما رولر |
الديرما رولر DRS 540
لاحظت وأنا بستخدمها بنات إن أطراف الإبر لونها مش ماسي ومش حادة حسيتها مسطحة شوية ومن تحت الأبر أعرض من فوق
فكرت في الأول إنه عادي
لما استخدمتها لقيتها مش بتخترق الجلد بالكاملوبالتالي مش هتحفز الخلايا ولا حاجة ومش هوصل للنتيجة اللي أنا مستنياها
ولأنها مش بتخترق الجلد بالكامل مش هتحسوا بالألم والوخز هيكون خفيف جدا جداا حتى مش هتلاقوها بتسبب خدوش او جروح علشان كده كنت بشوفهم بيقولوا عليها أكثر عددًا للإبر ولكم أقل إيلامًا.
ولو حبيت إني أخليها تدخل وتخترق الجلد بالكامل للأسف لازم ضغط شديد وده ممكن يأذي البشرة أكثر ما يفيدها او تسبب جروح داخل انسجة الجلد
وحاولت ألاقي إي دراسة معمولة إن عدد السنون ده في النوع ده من الديرما يخضع للمواصفات ولا لا ملقتش حاجة
فأعتقد إنها ممكن تكون تقليد للديرما الطبية الأصلية.
حادة جدا ورفيعة من اولها لآخرها
بتوجع أكثر شوية صراحة بس المخدر اللي بنستخدمه الأول مش بيخيلنا نحس أوي بتحس بس بوخر خفيف كده
بضغط عليها برفق مش بحتاج أضغط عليها بقوة
بتخترق الجلد بسهولة
أنا أرشحها جدا جدا أحسن بالنسبالي وتجربتي من DRS
يمكن عدد السنون بيكون أقل بس المهم الفعالية والتأثير واختراق الجلد.
دائما جيبوا من مكان ثقة واتأكدوا من المنتج.
فأعتقد إنها ممكن تكون تقليد للديرما الطبية الأصلية.
تجربتي مع الديرما رولر ZGTS
الإبر لونها ماسيحادة جدا ورفيعة من اولها لآخرها
بتوجع أكثر شوية صراحة بس المخدر اللي بنستخدمه الأول مش بيخيلنا نحس أوي بتحس بس بوخر خفيف كده
بضغط عليها برفق مش بحتاج أضغط عليها بقوة
بتخترق الجلد بسهولة
أنا أرشحها جدا جدا أحسن بالنسبالي وتجربتي من DRS
يمكن عدد السنون بيكون أقل بس المهم الفعالية والتأثير واختراق الجلد.
وبسمع دائما ترشيحات قوية لنوع DR ROLLER بس مجربتوش الصراحة
دائما جيبوا من مكان ثقة واتأكدوا من المنتج.
دلوقتي وقت السؤال المهم
اختار مقاس إبر الديرما رولر إزاي؟
البشرة الحساسة
الإكزيما
حب الشباب النشط
حرق شمس حديث
حروق
جروح
الصدفية
أهم وآخر تنبيه عاوزة أقوله لكم الديرما رولر استخدام شخصي لفرد واحد فقططط يعني مش أنا وأختي أو انا وصاحبتي لا طبعا كل شخص لازم يكون له واحدة مخصوص
ثانيا اهتموا بالتعقيم كويس جدا والروتين بعدها والسيرم اللي معاها
خلصنا اليوم
أتمنى اكون وضحت كل حاجة لو ليكم أي سؤال أكتبوه
دمتم بحب يا جميلات..
اختار مقاس إبر الديرما رولر إزاي؟
مقاسات الديرما رولر:
بصوا جمعتلكم في الصورة دي معظم المشاكل اللي بتواجهنا وايه أحسن مقاس لكل مشكلة علشان يكون سهل عليكم تحتفظوا بالصورة وتختاروا المقاس الصح.
 |
| مقاسات إبر الديرما رولر |
بس عاوزة أكد على حاجة بلاش نستخدم للوجه مقاس أكثر من 1 مم المقاسات الأكبر من واحد بتكون لجسمنا، ولو محتاجين مقاس كبير للوجه الأفضل يكون تحت إشراف الطبيب بدل ما نسبب صدمة لبشرتنا أو مشكلة.
الحالات التي يجب تجنب استخدام الديرما رولر فيها؟
البشرة الحساسة
الإكزيما
حب الشباب النشط
حرق شمس حديث
حروق
جروح
الصدفية
أهم وآخر تنبيه عاوزة أقوله لكم الديرما رولر استخدام شخصي لفرد واحد فقططط يعني مش أنا وأختي أو انا وصاحبتي لا طبعا كل شخص لازم يكون له واحدة مخصوص
ثانيا اهتموا بالتعقيم كويس جدا والروتين بعدها والسيرم اللي معاها
خلصنا اليوم
أتمنى اكون وضحت كل حاجة لو ليكم أي سؤال أكتبوه
دمتم بحب يا جميلات..