MermaidCharming MermaidCharming

آخر الأخبار

جاري التحميل ...

الفطيرة التركية الهشة بحشوة الدجاج/CHICKEN TURKISH PIE

فطيرة تركية بالدجاج

بسم الله الرحمن الرحيم
كيف الأحوال
رمضانكم كريم يتعاد عليكم دايما بالخيرات

استكمالا لقائمة طعام رمضان ووصفات رمضان
هنعمل سوا النهاردة وصفة جميلة وسهلة وطعمهت فعلا خرافي
وصفة اليوم الفطيرة التركية بحشوة الدجاج
هنعملها بعجينة هشة جداااا قطنية وطعم أكثر من رائع

المقادير:
مقادير العجين:
كوب لبن دافي
معلقة خميرة فورية
معلقة سكر
ربع كوب زيت
كوبين دقيق
معلقة صغيرة ملح

الحشوة:
400 جرام دجاج قطع صغيرة
فلفل كبي ألوان/ أخضر
طماطم
بصلة مفرومة فرم ناعم
3 فصوص ثوم مفرومين
ملح /فلفل/ بهارات مشكلة/كاري
زيتون
جبنة موتزاريلا/ أو جبن مشكلة
ممكن نضيف للحشوة (جزر مبشور- بقدونس)
حشوة الفراخ للفطيرة التركية

للوجه: حبة البركة - سمسم

الطريقة:
أولا نبدأ بالعجين
في كوب نضيف معلقة السكر ومعلقة الخميرة وكوب اللبن الدافئ ونتركهم 10دقائق أو ربع ساعة ليتفاعلوا معا ونتأكد من جودة الخميرة

في بولة العجن نضيف الكوبين الدقيق
ثم معلقة الملح الصغيرة
ثم كوب اللبن المذاب فيه الخميرة والسكر
ثم نضيف ربع كوب الزيت
ونبدأ العجن مش أقل من عشرة دقائق (كل ما زادت مدة العجن كل ما كانت العجينة أحلى و أهش)
ثم نتركها في مكان دافئ لمدة 45 دقيقة-ساعة لتختمر ويتضاعف حجمها

في الوقت ده نجهز الحشوة
في طاسة ساخنة
نضيف معلقة زيت ثم البصل المفروم الناعم والثوم
ونقلبهم جيدا ثم قطع الدجاج ونرش عليها فلفل أسمر ونتركها تستوي
بعدها نضيف الملح والبهارات المشكلة
وبعدها الفلفل الاخضر وتقلبهم سويا تقلبيتين وأول ما يذبل حاجة بسيطة
نضيف الطماطم ونتركهم سويا على نار هادئة وبكده نكون جهزنا الحشوة
وطبعا اختياري الحشوة اللي تحبوها وتزودوا أو تقللوا من المكونات على حسب مزاجكم.
حشوة الفراخ اللذيذة

بعد اختمار العجين
هنقسمها نصين
النص الأول هنفرده في الصينية بتاعتنا ونعمل ليه اطراف علشان نقفلها
وبعدين نضيف الحشوة بتاعتنا
النص الأول من الفطيرة التركية

ونضيف عليها الزيتون القطع وكمان الجبنة الموتوازيلا أو مشكل الجبن
وبعدها النصف الثاني من العجين ونقفل الأطراف معا ونرش على الوش جبنة و حبة البركة وسمسم
الفطيرة التركية

وعلى فرن ساخن مسبقا على حرارة 180
بتاخد تقريبا ربع ساعة وكل واحد وحرارة الفرن الخاص بيه (بنطفي عليها لما نلاقي الاجناب غيرت لونها كده تبقى استوت من تحت).
وبعدها تحت الشواية 5 دقايق تأخد اللون الذهبي الحلو.
كده خلصنا وصفة النهاردة
وأوعدكم بطعم خرافي وعجينة طرية وهشة وطعمها شهي جدا
الفطيرة التركية بطعم خيالي

وده شكلها من جوه 
والحمد لله اتنسفت على الفطار والصورة خير دليل 


دمتم جميلات
هنى وعافية..

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming