MermaidCharming MermaidCharming

آخر الأخبار

جاري التحميل ...

فوائد ماء الأرز للشعر والبشرة /RICE WATER USES FOR HAIR AND SKIN

فوائد ماء الأرز للشعر والبشرة
Photo by Bilguun Bayarmagnai from Pexels

بسم الله الرحمن الرحيم
صباح/ مساء الجمال
يارب تكونوا  جميعا بخير
أتمنى  تقترحوا عليا  موضوعات نتكلم فيها سوا عندي فقر في الأفكار الأيام دي فساعدوني بقى يا صبايا.

هنتكلم النهاردة في موضوع جميل جدا و يعتبر من أسرار الجمال الأسيوي
طبعا ناس كثير مننا بتعجبهم جدا الممثلات و المود يلز الكوريين و الأسيويين و قد ايه بشرتهم بتبان صافية FLAWLESS مع أني مش بصدق أبدا أن فيه حد مبيعانيش مع بشرته في مشكلة ما.
المهم بس أننا نتقبلها ونتعامل معاها عادي ونصدق في مبدأ الكمال لله  وكل واحد حلو بطريقته أحنا نحاول نتعامل مع مشاكلنا و نحسن من مظهرنا لنفسنا وراحتنا النفسية بس مش نهاية الكون يا بنات. المهم الدماغ.

يلا نبدأ في موضوعنا علشان مطولش عليكم
هنتكلم عن ماء الأرز و فوائده للبشرة و الشعر وقد أيه في دول شرق آسيا اعتمدوا عليه في روتينهم هقولكم كل حاجة عنه و أزاي نحضره و نحفظه

الأرز من أشهر الأكلات في دول شرق آسيا و بيعتمدوا عليه بشكل كبير لأنه مفيد جدا للصحة (مصدر طاقة) ومش بس كده ده أقحموه كمان في عالم التجميل بقوة و ده لأنه غني جدا بالفيتامينات زي B , C , E وعالي جدا في قيمته الغذائية و غني بالأحماض الأمينية كل ده يخليه عامل من عوامل الجمال و العناية في آسيا.
وكان في دولة في آسيا على ما اعتقد اليابان كنت قريت أن النساء استعملوه في تطويل شعرهم و لمعانه.

طريقة تحضير ماء الأرز
بصوا فيه طريقتين طريقة على الساخن (نغليه) و طريقة على البارد من غير (غلي)

الطريقة الأولى:

نجيب كوب من الأرز ونغسله الأول كويس جداااا من أي تراب فيه و بعدين نضيف للأرز النضيف المغسول 3 أكواب ماء و نبدأ نطبخه في حلة أو مقلاة من غير ما نغطيه.
ولما يطبخ  هنقوم بتصفية الماء الزيادة اللي فيه و نسيبها تبرد و نقوم بالحفظ في زجاجة  مجكمة الغلق و ممكن نحتفظ بيها في الثلاجة مدة تصل لأسبوع. ونرج جيدا قبل الاستخدام و نخففه شوية.

الطريقة الثانية:

كوب من الأرز ننقعه في ماء  لمدة نص ساعة 30 دقيقة و بعدها نحرك الأرز ينزل فوائده  والنشا  الزائد على قد ما نقدر و نصفيه بعدها و نحتفظ بماء الأرز في زجاجة محكمة الغلق وممكن نحتفظ بيها لمدة 5 أيام. و نرجها قبل الاستخدام.


يلا نبدأ كلامنا بالبشرة:
فوائد ماء الأرز للبشرة:

من أهم وأحلى استخداماته أنه بيشد البشرة جدا و بينعمها علشان كده ممكن نستخدمه كتونر لبشرتنا أكتر من رائع
نستخدم قطن  و نمسح بيها الوجه بعد غسله بالغسول المناسب و سنلاحظ الفرق علطول. بشكل ملحوظ ماء الأرز نتيجته سريعة في أسابيع.نبدأ نستشعر الفرق
  تونر فعال جدا ومش غالي وكمان سيساعد أنه يقلل من حجم المسام الواسعة.

يفتح البشرة جدا و يغذيها بشكل واضح  وينعمها ويقلل من البقع ويزيل  الشوائب و الرؤوس من بشرتنا
ممكن ندلك بشرتنا بماء الأرز بأنامل الأصابع و نتركها تجف لوحدها في الهواء

يستخدم كمان في علاج حب الشباب عن طريق قطنة بماء الأرز و نضعها على أماكن الإصابة يخفف من التهابها

غني بمضادات الأكسدة اللي بتساعد على تجديد وحماية خلايا البشرة.


نتكلم عن فوائد ماء الأرز للشعر 

بالبحث وجدت أن ماء الأرز يحتوي على مادة أسمها إينوزيتول و المادة دي مفيدة للشعر في تقوية بصيلات الشعر و تعطي لمعان قوي وواضح للشعر.


وبما أنه غني بالأحماض الأمينية و الفيتامينات فسيساعدنا جدا في التحسين من حالة الشعر و نسيج الشعر نفسه ويجدده و يقلل من التساقط و يسرع من نمو الشعر ويقوي جذوره ويساعد على تطويل الشعر.
يساعد في اننا نحصل على شعر صحي جميل.
ولأنه غني بالبروتينات بيساعد في علاج التقصف.
ويساعد عل التخلص من قشرة الشعر.
و هنلاحظ  كمان  اللمعان القوي للشعر الأسيوي  وقوة الشعرة نفسها و انها مش متهالكة (طبعا دي طبيعة وجينات هناك مش هنختلف يعني  على كده ولوعملنا كده مش هيبقى شعرنا أسيوي فجأة  لا طبعا خلينا نقول كلام عاقل
أحنا بنحاول نتعلم منهم طرق العناية اللي تناسبنا و نحسن بيها شعرنا أو بشرتنا ونوصل بيهم لحالة غنية و صحية)

السؤال طريقة استخدام ماء الأرز للشعر ؟

يستخدم ماء الأرز زي البلسم أو بديل للبلسم

(ممكن نضيف على ماء الأرز زيت لافندر أو زيت جرجير زيت من الزيوت المغذية)
بعد غسل الشعر بالشامبو ندلك فروة الرأس بماء الأرز و نتركه حوالي ربع ساعة و نغسله
أو نستخدمه زي البلسم مضاف عليه الزيوت (اختياري) و ندلك بيه الشعر و الفروة ونتركه ربع ساعة 15 دقيقة  ونغسله بعدها جيد جدا

هتلاحظوا يا بنات نتائج  و فروقات قوية
كمان نقدر يبقى عندنا منتج قوي لتنعيم بشرنا و شدها  وفي نفس الوقت نقوي شعرنا من مكون في البيت وفي مطبخنا (مفيش بيت مش موجود فيه الأرز)
مش لازم يناسبنا كلنا وكلنا النتائج تبقى جميلة 
بس الأكيد انه هيناسب شريحة كبيرة بينا ويتبسطوا بالنتيجة

يارب اللي يجرب يبعتلي و يقولي النتائج و أنا كمان أشارك معاكم تجربتي أنا حاليا بجربه في بشرتي المرحلة القادمة  شعري

دمتم جميلات صبايا







































عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming