MermaidCharming MermaidCharming

آخر الأخبار

جاري التحميل ...

طريقة حمام الزيت الساخن لتغذية الشعر/ HAIR BATH OIL

 حمام زيت ساخن للشعر

بسم الله الرحمن الرحيم

يسعد أيامكم بنات
كيف أحوالكم
تدوينة النهاردة صغيرة مش زي العادة بحب اتكلم معاكم كتير صراحة
 أحنا بقالنا كام موضوع بنتكلم سوا عن الزيوت الطبيعية و قد ايه مفيدة و حمام الزيت
 طيب بس ولا مرة اتكلمنا ازاي نعمل حمام زيت ساخن لشعرنا

فالنهاردة كلامنا عن الطريقة الصحيحة لحمام الزيت الساخن و فايدته للشعر


زي ما حكيت معاكم صبايا قبل كده إني عمري ما كنت من محبين الزيوت الطبيعية  و اعتقد فيه زيي كتير كده بس علشان فى الفترة الأخيرة بدات استخدمهم و اعتمد عليهم بقوة فبقيت بقرأ عن الزيوت كتير و ايه حلو و ايه مفيد و اعمل أزاي حمام زيت و الكلام ده فبحاول معاكم أنقلكم كل اللي اعرفه و انتوا كمان قولولي أيه احسن الزيوت و بتهتموا لأزاي بشعركم

فيه زيوت كتير أوي مغذية للشعر و بتفرق جدا زي :
زيت اللوز الحلو - زيت الجوجوبا- زيت جوز الهند - زيت الزيتون - زيت الأفوكاردو- زيت  الجوجوبا- زيت الخروع وغيرهم

و القيمة مضاعفة بقى لو استخدمناها صح و حاولنا نستغلها أحسن استغلال زي نعمل حمام زيت صح او نعمل ماسكات بشكل مستمر و نغذي شعرنا و نهتم بيه

تعالوا اقولكم فائدة حمام الزيت الساخن لشعرنا ايه ؟


بيساعد حمام الزيت على تغذية فروة اراس و بالتالي بيساهم فى حل مشاكلها

و أساس الشعر الصحي فروة صحية
بيغذى بصيلات الشعر
بيقلل من تساقط الشعر
و بيخفف من تقطف الأطراف و ضعفها

طيب أزاى نعمل حمام زيت ساخن 


هقولكم طريقة سهلة جدا ومش مكلفة خالص لحمام الزيت الساخن 

بس لو عندنا البروكاب هيبقى أسهل وأنجز 
بس لو معندناش مش مشكلة هنعمله بسهولة 

- أولا نحضر خلطة الزيوت بتاعتنا سواء هنستخدم زيت واحد أو هنعمل مثلا خليط من الزيوت

مثلا ممكن نستخدم خليط زيت جوز الهند و زيت الجوجوبا و زيت الزيتون (الخليط ده معذي جدا للشعر الجاف التالف ) وطبعا ممكن اي زيوت تانية او زيت واحد منهم

وممكن زيت الخروع مع الثوم هقولكم طريقته:

ننقع ثوم مهروس مع زيت خروع لمدة يومين وبعدها نصفي الزيت من بواقي الثوم وبعدها نعمل مساج للشعر و الفروة بالزيت 
مغذي جدا للشعر و بيقلل تساقط الشعر يا بنات 
وغيره بقى من خلطات الزيوت اللي بتعتمدوا عليها 

- ثانيا نضع الخليط بتاعنا في حمام ماء دافىء على نار هادية لمدة دقيقتين

محتاجين الزيت بتاعنا دافىء مش ساخن خدوا بالكم يعني حرارته نقدر نسحملها عند اللمس بنات 

- ثم  نضعه على شعر نظيف مفهوش اى زيوت او دهون


 - و نبدا نوزع الخليط على شعرنا و على الفروة جيد جدا و نعمل مساج لفروة شعرنا بحركات دائريو لمدة 5 دقايق و ياريت يا سلام  لو عملناه فى وضع معكوس وضع ال INVERSION METHOD اللى هو رأسنا لتحت

وفيه موضوع كامل على الأنفرجين ميثود وازاي بيفرق في تطويل الشعر بشكل ملحوظ (اضغط هنا)

- و بعدها نكون محضرين فوطة ساخنة نكون مسخننها بالسشوار بتاعنا و نحطها على شعرنا

لحد ما شعرنا يسحب كل درجة الحرارة اللى فى الفوطة

- وبعدين نغطى شعرنا بأي غطا بلاستيك للشعر SHOWER CAP لمدة ساعة - ساعتين

أو ممكن نلف شهرنا بالبلاستيك الشفاف (PLASTIC CELLING) اللي بنلف بيه الأكل

و بعدها نغسل شعرنا بالشامبو المناسب جيد جدا علشان نتخلص من كل الزيت و نستخدم البلسم

و نرطب شعرنا و خلاص كده

دي اسهل طريقة لحمام زيت دافىء لشعرنا لاقصى استفادة

ممكن نكرر حمام الزيت اسبوعيا مرة أو مرتين

دمتم جميلات و دام دعمكم ..

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming