 |
| كنافة بالكريمة والمكسرات |
بسم الله الرحمن الرحيم
كل عام وأنتم في أحسن حال
رمضان كريم عليكم وعلى عوائلكم جميعا
رمضان السنة دي مختلف عن كل سنة
بس لعله خير أنه يكون فرصة نقعد في البيت أكثر
للصلاة وقراءة القرآن وكمان جانب المطبخ ده أساسي في كل رمضان
الأكلات والحلويات والسهرة والقعدة
ومن أشهر حلى رمضان هي الكنافة
هنقول النهاردة سوا وصفة ممتازة للكنافة بالكريمة بطعم غني ومقادير مظبوطة
يلا نبدأ
المقادير:
نص كيلو كنافة
كوب زبدة مذابة
سكر مطحون (سكر بودر)
مكونات الكريمة:
3 أكواب لبن
3 معالق نشا
علبتين كريمة
3 معالق كريم شانتيه
2 معلقة سكر
مكونات الشربات أو القطر (حسب ما بتسموه)
كوب ونص ماء
كوبين سكر
نص ليمونة
معلقة فانيليا صغيرة سائلة
يلا نبدأ الطريقة
أولا
نحضر الشربات والكريمة قبل ما نبدأ في الكنافة
لأن الشربات لازم يكون بارد وقت ما تكون الكنافة ساخنة والكريمة كمان تكون بردت.
طريقة تحضير الشربات/القطر
كوب ونص ماء
كوبين سكر على النار لحد الغليان
بعد الغليان نضيف نصف ليمونة معصورة ومعلقة فانيليا صغيرة سائلة بتعطي طعم جميل
ونتركهم على نار هادية
القوام المناسب للشربات وسط (لا غليظ ولا خفيف) ونتركه يبرد
طريقة تحضير الكريمة
على البارد نضيف اللبن وعليه النشا
ونبدأ بالتقليب على البارد وبعدها على نار متوسطة وبعدها نضيف السكر و كريم الشانتيه البودر ونكمل تقليب
ولما نبدأ نحس أن القوام بدأ يتقل نضيف الكريمة بتاعتنا ونكمل تقليب لحد ما نوصل للقوام المناسب
ونتركه يبرد.
 |
| كنافة بحشوة الكريمة الغنية |
كده خلصنا الكريمة والشربات نبدأ في الكنافة
نقطع الكنافة قطع صغيرة جداااا
أنا بقطعها في الكبة
وبعدها نضيف عليها السكر المطحون ونقلبها كويس (السكر المطحون بيساعدني تأخد اللون الذهبي الجميل في الفرن)
ونضيف الزبدة المذابة ونقلبها كويس جدا ونمزجها مع الكنافة كويس جدا
في القالب بتاع الكنافة أو الصينية
هندهنها الأول بزبدة علشان ما تلتصقش
وبعدها نضيف نص كمية الكنافة بتاعتنا ونضغط عليها كويس جدا علشان تكون متماسكة ونعليها من ناحية جوانب الصينية (نعملها جوانب) علشان الكريمة الحشو بتاعتنا متطلعش بره
وممكن نضيف رشة مكسرات على الكريمة هيبقى الطعم أغنى.
بعد ما ضغطناها كويس
نضيف الكريمة المحضرة سابقا (هتكون باردة)
ملحوطة نركز كمية الكريمة في الوسط ونقللها الكمية في الأطراف علشان متطلعش بره الكنافة وتلزق في الصينية
وبعدها نضيف النص الثاني من الكنافة ونضغطه بالراحة جيدا
وندخلها الفرن مسخن مسبقا على حرارة 180-200 درجة
ولما نلاقي الأطراف بدأت تلون نقلب الكناقة في صينية ثانية
علشان الجزء العلوي يبقى تحت ويأخد نفس اللون.
بس خلاص
لما نطلعها من الفرن
نضيف ليها الشربات البارد ونقلب الوشين علشان يتشربوا كويس لأن الكريمة هتعمل عازل مش هتخلس الشربات يوصلها كلها
فلازم نقلبها على الوشين ونوزع الشربات كله كويس علشان ميبقاش فيه جزء طري وجزء ناشف
يس خلاص
هتاكلوا أطعم كتافة بالقشطة
والتزيين عليكم لوز- فستق- سوداني -مشكل - زي ما تحبوا ومزاجكم
دمتم جميلات
هنى وعافية
 |
| كنافة بالكريمة الغنية |