MermaidCharming MermaidCharming

آخر الأخبار

جاري التحميل ...

العناية بالقدمين وعلاج تشقق الكعبين / CRACKED HEELS

التخلص من الجلد الميت بالقدمين

بسم الله الرحمن الرحيم
صباحكم /مساءكم رايق حسب توقيتكم
يارب تكونوا أمنين في بيوتكم مع عائلتكم
ويارب كل أحولنا تتغير للأحسن.


فيه ناس كتير بتعتبر أن من علامات جمال المرأة جمال القدمين وأن دلالة على مدى أهتمامها بنفسها وأن جمال المرأة يبدأ من الكعبين وبما أننا داخلين على صيف بعد الغمة الحالية الله يكشفها عننا جميعا وهنلبس حاجات مفتوحة في أرجلنا.
فمحتاجين أقدامنا تكون شكلها حلو 

فيلا بينا  ندخل على موضوع تدوينة النهاردة  هنتكلم عن أزاي نعتني بالقدمين من الجفاف  والتشققات  وخشونة الكعبين اللي حصلت في الشتاء (والدتي صاحبة فكرة التدوينة لانها كانت دايما بتعاني من خشونة الكعبين في الشتاء)

كتير مننا بيشتكي من خشونة الكعبين وتشققهم و علشان كده تعالوا نقول سوا خطوات بسيطة للعناية بالقدمين وهقولكم على طريقة وخلطة سهلة اوي وطريقة جديدة لقيتها عند اليوتيوبرز الأجانب نتخلص بيها من الجلد الميت بالكعبين.

أولا طريقة التخلص من الجلد الميت والناشف:

الخطوات 

1- ننقع القدمين في حمام دافىء لمدة 15 دقيقة وبعدها نغسل القدمين و نجففهم كويس جدا.
2- نستخدم الحجرالمخصص للقدمين  للتخلص من الجلد الميت (عادة أنا مع  كل شاور بستخدم الحجر بالمرة أثناء الشاور للتخلص أول بأول من الجلد الميت).
3- نستخدم مرطب قوي خاص بالقدمين (مش بحب الزيوت زي جوز الهند او اللافندرمع أن ترطييها عالي لأن امتصاص الكريمات بيكون أسرع).
وممكن نلبس بعدها كيس بلاستيك أو جورب بلاستيك و عليه الشراب العادي بتاعنا وننام بيه ونقلعه تاني يوم الصبح.
4-نلبس الجوارب حتى في البيت و الأحسن تكون جوارب قطن لأنها لطيفة على الجلد وكمان نلبس أحذية مريحة.

هقولكم وصفة لتقشير القدمين (للناس محبي الوصفات الطبيعية):

معلقتين كبار سكر خشن 
معلقتين زيت جوز الهند
 نقط من زيت النعناع

نخلط السكر مع جوز الهند وبعدها نضيف الزيت ونبدأ تفرك بيه القديم لمدة 10دقايق بعدها نغسل القدمين ونرطبها.
جميلة دي في تقشيرالجلد الميت بسبب السكر و الترطيب من جوز الهند و الانتعاش بسبب النعناع  وكمان بيكافح الفطريات
مقشر للقدمين

هقولكم عن الطريقة اللي لقيتها عند اليوتيوبرز الأجانب للتخلص من تشققات الكعبين مكنتش مقتنعة بيها لحد ما جربناها
طريقة سهلة جدا
محتاجين

1 كوب الليسترين listerine (غسول الفم) أي نوع.
1 كوب من الخل الابيض
2 كوب ماء دافىء
 وننقع  القدمين مش أقل من 15 دقيقة
لما نطلع القدمين هنتفاجىء أننا اتخلصنا من كل الجلد الميت و الناشف في القدمين.
أيه السند العلمي هقولكم مش عارفة اللي حابب يجربها هيشوف النتيجة.

طريقة التخلص من الجلد الميت بالقدم

العناية بالقدمين والتخلص من الجلد الميت

هقولكم كمان وصفة بسيطة صديقتي بتعملها و بتحبها للأهتمام بنعومة القدمين على ضمانتها هي:

5  معالق زيت لوز
5 معالق زيت النعناع
نصف كوب دقيق ذرة
كوب روزماري مطحون

نخلط كل المكونات معا جيد جدا و ندلك بيهم القدمين بعد غسلهم لمدة 10-15 ساعة و بعدها نغسل رجلينا بالماء الفاتر هنحس بنعومة علطول بعدها بعد الاستخدام ونرطب بالمرطب المخصص بتاعنا.

بس خلصنا
يارب يكون عجبكم و تجربوا الوصفات دي و تعجبكم النتائج لأنها شكوى دائمة في الشتاء
دمتم جميلات متألقات.
التخلص من تشققات القدمين
















عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming