MermaidCharming MermaidCharming

آخر الأخبار

جاري التحميل ...

خلية النحل بالجبنة/ BEEHIVE PIE

خلية نحل بالجبن


بسم الله الرحمن الرحيم 
صباحكم/مساءكم جميل صبايا 
كيف الأحوال

بما أننا كلنا تقريبا بوقت الحجر المنزلي مشغولين بالأكل والمواهب في المطبخ بتزيد 
حبيت أشارككم النهاردة وصفة مخبوز سهلة وطيبة ومناسبة للفطار أو العشاء أو السهرة الحلوة 
هنعمل مع بعض خلية النحل بالجبنة
سهلة جدا وطعمها جميل جدا مع مج كبير نسكافيه أو كوب شاي باللبن هتجبوا طعمها جدا
يلا نبدأ

المقادير:
4 كوب ونصف كوب دقيق
معلقة صغيرة بيكنج بودر
ربع معلقة صغيرة ملح
5معالق لبن بودرة
معلقة كبيرة خميرة
2 معلقة سكر كبيرة
كوب وربع ماء
نصف كوب زيت

الحشو 
جبنة مثلثات
أو جبنة كيري
أو شوكولاته نوتيلا (اختياري اللي تحبوه)

دهان الوجه
فنجان لبن 
بيضة
فانيليا سائلة 

الطريقة
العجينة دي أكثر من رائعة في المخبوزات بعتمد عليها جدا 
عجينة قطنية وهشة جدا ومظبوطة

أولا في كوب نضع الخميرة السكر والماء الدافئ ونتركهم معا 
ثانيا في بولة العجن 
نضيف للدقيق بعد نخله جيدا الملح والحليب البودر والبيكنج باودر 
ونخلط المكونات الجافة سويا (اللبن المجفف بيعطي نتيجة أكثر من رائعة أكثر من اللبن السائل)
وبعدها نضيف خليط الخميرة والماء والسكر على المكونات الجافة
ونبدأ العجن 
وبعدها نضيف الزيت 
ونبدأ العجن جيدا على الأقل 10 دقائق 
وبعدها نترك العجينة للاختمار في مكان دافئ ومظلم من ساعة لساعة ونصف.
خلية النحل بعجينة هشة

نحضر الصينية بتاعتنا ونضع فيها قطعة من الزبدة حتى لا يلتصق المخبوزات.

وبعدها نبدأ نقطع العجين المختمر قطع صغيرة جدا 
ونكون مجهزين الحشو بتاعنا 
ونعمل كرات صغيرةونحشيها جبنة(مربع الجبن الكيري بقسمه لأربعة) 
ونبدأ نرصها في الصينية 
ونترك بين كل كرة والثانية مسافة 1 سم لأنها لسه هتعلى وهتلتصق ببعض

ندهن وجه العجين بالخليط (اللبن والبيضة والفانيليا) 
ونرش سمسم أو حبة البركة زي ما نحب على الوش 

بعد ما خلصنا الصينية بتاعتنا 
نتركها حوالي 10 دقائق قبل الفرن 

وبعدها ندخل الصينية على فرن ساخن على 180  حوالي 15 دقيقة 
وبعدها نفتح الشواية علشان تاخد اللون الحلو الذهبي 
نطفي الفرن 

ممكن بعد ما نخلص وهي ساخنة 
نضع على الوش حليب مكثف محلى (للي بيحب الطعم الحادق والحلو سويا)
وممكن شربات/عسل خفيف 

وممكن لو حابين تتقدم حادق فقط 
بعد ما نطلعها من الفرن ساخنة ندهنها بالفرشاة زبدة خفيفة 

بس كده 
هتتبسطوا بيها جدا وهتلاقوا العجينة هشة وطرية جدا وطعم الجبن رائع

دمتم في عز وبركة.
دمتم سالمين.
أبقوا في منازلكم.
خلية النحل بالجبنة


عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming