MermaidCharming MermaidCharming

آخر الأخبار

جاري التحميل ...

  1. الليالي البيض 13،14،15 من كل شهر الرجاء تصحيح المعلومة

    ردحذف
    الردود
    1. مكتوبة مرة 13و14و15 بالفعل صحيحة ومرة مغلوطة
      شكرا لمتابعتك والتصحيح
      وأتمنى المتابعة والتعليقات باستمرار <3

      حذف
    2. يعني اختر يوم من الايام لمده تلت شهور ورا بعض ولا اختر يوم من الشهر الهجري اللي هو 13و14و15

      حذف
  2. ينفع نقص 3 مرات في الشعر للاستفاده بيهم كلهم

    ردحذف
  3. قص الشعر بالليل ولا النهار

    ردحذف
  4. فيه وقت معين في اليوم بقص الشعر فيه؟

    ردحذف
  5. فيه موعد معين في اليوم بقص الشعر فيه؟

    ردحذف
  6. فيه موعد معين في اليوم بقص الشعر فيه؟

    ردحذف
  7. ينفع أعمل هدفين سوا ؟

    ردحذف
  8. ينفع اعمل هدفين سوا ؟

    ردحذف
  9. استفدت من موضوعاتك كتير .. اول مره اقرأ مدونات ومش عارفه ازاى وصلت وازاى اقدر اقرأ مدونات اكثر ليكى بس حابه اشكرك جدا على مجهودك وعلى البساطه في توصيل المعلومه والاهم من كدا الامانه في كل تفصيله بتقوليها
    ربنا يوفقك والف شكر

    ردحذف
  10. طيب ممكن تعرفينا السنه الجديده 2021 ايه ايام قص الشعر فيها

    ردحذف
  11. طيب اللي حاب يقص كثير من الشعر لانه تالف وتعبان اختار قمر جديد

    ردحذف

قص الشعر تبع التقويم الهجري وجدول قص الشعر لعام 2020/ LUNAR CALENDAR FOR HAIR CUTTING

قص الشعر وفق التقويم الهجري

بسم الله الرحمن الرحيم
صباح/مساء الصحة والعافية عليكم صبايا
كيف الأحوال هذه الأيام ؟
عساكم طيبين
أخدتوا على قعدة البيت والحجر ولا لسه مو مستأنسين؟

موضوع التدوينة النهاردة مكنتش حابة أكتبه لأنه نوع من أنواع المعتقدات القديمة المتوارثة من جيل لجيل مش كلام علمي أوي

هي موروثات من جدتي لوالدتي ليا ولأختي (كلام جدات يعني)

وهو موضوع قص الشعر تبع التقويم القمري (الأيام البيض) (13-14-15) من كل شهر هجري

الموضوع مصادفة جدا أني أتكلم فيه واللي عطتني الفكرة أختي

هحكي معاكم شوية أسمحولي

بما أننا قاعدين في البيت الأيام  وأنا كنت  محتاجة أقص شعري الأيام الحالية  والصالونات مغلقة حاليا وكلنا عندنا حالة من الخوف من الاختلاط ورهبة من الخروج بسبب الوباء الحالي اللي منتشر (فيرس كورونا/ كوفيد19) الله يزيح الغمة ويرفع البلاء
فقررت أقصه في البيت
وكنت خلاص نويت أني أقصه بس أختي نصحتني  استنى الأيام القمرية وأقصه فيها علشان ألاقي النتيجة اللي عاوزاها
فقولت وماله مش هنخسر حاجة وفعلا عملت كده وخدت بنصحيتها 
بس لسه قصاه محدش يسألني نتيجة الأيام دي (لسه شوية) علشان أقول حكمي.
وأنا مش قصاه بهدف التطويل
لأني مش بسعى للطول
وكمان لأن موضوع التطويل منتهي معايا بطريقة الانفرجين ميثود اللي عطتني أحسن نتائج تطويل شعر في مدة قصيرة جدا (للاطلاع أضغط هنا)
أنا فصه بهدف أني أحسن من حالته وشكله وكمان تغيير مطلوب للفترة الحالية

وهنا خطرت فكرة أني أتكلم معاكم في قص الشعر حسب التقويم القمري من باب الدردشة

فبحثت فترة عن الموضوع وكلام مصففين شعر أجانب ومعتقدات الناس
وقولت هقولكم الخلاصة وكمان هقولكم جدول قص الشعر لسنة 2020 تبعا للأيام القمرية وفقا للغرض من قص شعرك أيه
فخليكم معايا وبالكم طويل وأنا هفهكمكم كل حاجة

بس الأول أحب أنوه إني مش عالمة في الطاقة ولا ليا علاقة بالأبراج ولا الكلام ليه سند علمي ولا ليه علاقة بالدين وهو ما هو إلا موروث شعبي وفكرة ومعتقد عندنا (ممكن نقول خزعبلات)

بس فيه ناس عاملة فيه دراسات وكلام كبير مش مجال كلامي
بس أنا بخلي مسئوليئي من ربطه بالدين (كل بدعة ضلالة وكل ضلالة في النار)

يلا نبدأ

أولا الربط بين قص الشعر والأيام القمرية
وجدت ثقافات كتير وكلام كثير أكبر من أني أعرضه في تدوينة وغير كده بيشتت الذهن والعقل كثير فهلحق اللي لقيته بالبحث
حيث اني وجدت ناس مصدر رزقها انها تحدد جداول للناس تقص على أساسها الشعر وفيه جزء من التنجيم (أعوذ بالله) زي اللي موجود في ثقافات الصين وأهل التبت وهما من أشد المناصرين والمؤيدين لفكرة قص الشعر حسب التوقيت القمري
اعتقادا منهم
أن القاعدة التي تسري على النبات تسري على الأنسان والشعر
زي ما يوجد جدول للزراعة للإنبات والقلع والحصاد يبقى لازم يوجد جدول لشعر الأنسان والإنبات والقص
من وجهة نظرهم أن القمر والمد والجزرلهما تأثير على الماء والنبات وأنهم بيعتمدوا على التقويم القمري في الزراعة والإنبات وظاهرة المد والجزر لها اكبر تأثير على الماء والسوائل
وبما ان جسم الأنسان 2/3 من تكوينه ماء
يبقى بيتأثر بالقمر
وزي ما بنقص الأجزاء التالفة في النبات أو الميتة لكي يصل الغذاء للأجزاء السليمة
يبقى نقص أجزاء من الشعر علشان صحة باقي الشعر.

وبناء عليه ناس كثير مصدر رزقها عمل جداول للنساء والرجال لقص الشعر بشكل دوري كل شهر حسب الهدف من قص الشعر

وهنعرض الأهداف حالا
ووجهة النظر المؤيدة دي لقت استحسان عند كثير من الأجانب ومصففي شعر عالمين في بلاد الغرب وبيقصوا فعلا تبعا للتقويم القمري في أشهر الصالونات.

بس أيضا هناك وجهة نظر معارضة بتقول

وده لأنه مفيش أي سند علمي للكلام السابق وأن القمر ملوش أي علاقة أبدا بقص الشعر وأن طبيعي لما أقص الجزء التالف اللي بيضعف الشعر الشعر يتحسن  وأنه مش طبيعي هقص شعري كل شهر كل دورة قمر وأنه هلاقيه بيطول ؟؟

ولكن كان رد المؤيدين

 أن قص الشعر تبعا لجداولهم كل دورة قمرية بيسبب صدمة للشعر بيخليه يطول ضعف المعدل الطبيعي
فحتى لما أقص فأنا مازلت بوصل للنتيجة اللي عاوزاها والشعر بيطول.

فأنا عرضت وجهات النظر المؤيدة والمعارضة كاملة

وهقولكم أن في معتقداتنا العربية الموروثة أنه يستحسن قص الشعر في الأيام البيض من الشهر العربي (13-14-15)
حيث أن القص في الأيام دي بيطول ويزيد من كثافة الشعر بوضوح. 

وفيه وجهة نظر أخرى في تحديد التقويم القمري والوقت المناسب لقص الشعر

يتم تقسيم القمر إلى 4 دورات ينتهي في 29.5 يوما


دي صورة لأطوار القمر
وال4 دورات اللي أحنا هنتكلم عنها هما

القمر الجديد
الربع الأول
القمر الكامل/ البدر
الربع الأخير


يلا نبدأ

فترة القمر الجديد
هي الفترة المناسبة للتجديد والتقوية
من الأسم كده طور القمر الجديد يوحي بالتجدد والحيوية
فيقال أنها مناسبة للباحثين عن تقوية الشعر ومعالجة آثار التلف وأيضا هذه الفترة مناسبة للصبغات (التجديد) بيكون ثباتها أطول إذا تمت في فترة القمر الجديد.
ينصح بقص الشعر في فترة القمر الجديد لمن يبحث عن تقوية شعره وتجدده

تواريخ جميع الأقمار الجديدة في 2020

24 يناير
23فبراير
24مارس
23أبريل
22مايو
21يونيو
20يوليو
19أغسطس
17سبتمبر
16 أكتوبر
15 نوفمبر
14 ديسمبر

الربع الأول

الوقت المناسب لقص الشعر إذا كنت تبحثين عن الطول ونمو الشعر بشكل سريع
ولكن لا تجري تغييرات جذرية وكن ينمو الشعر بشكل أسرع وأكثر أشراقا 

مواعيد الربع الأول في 2020
3يناير
2 فبراير
2 مارس
1 أبريل
30 أبريل
30 مايو
28 يونيو
27 يوليو
25 أغسطس
24 سبتمبر
23 اكتوبر
22 نوفمبر
22 ديسمبر

طور القمر الكامل

وهو الوقت المناسب لزيادة الكثافة والحيوية
حتى لو كان النمو أبطأ
استثمر هذه الفترة في العناية بالشعر وحمامات الزيت والترطيب وحمامات كريم الشعر وجلسات الترميم

تواريخ الأقمار الكاملة في 2020

10 يناير
9 فبراير
9 مارس
8 أبريل
7 مايو
5 يونيو
5 يوليو
3 أغسطس
2 سبتمبر
1 أكتوبر
31 أكتوبر
30 نوفمبر
30 ديسمبر

الربع الأخير

هي فرصة جديدة للباحثين عن تجدد الشعر والذين يعانون من حساسية الشعر والتلف وترقق شعرهم
فرصة لقص الشعر لتجدده  ونموه أقوى (نمو الشعر بيكون بطئ في هذه المرحلة) ولكن خطوط الشعر تنمو أقوى

مواعيد الربع الأخير في 2020

17 يناير
15 فبراير
16 مارس
14 أبريل
14 مايو
13 يونيو
13 يوليو
11 أغسطس
10 سبتمبر
10 أكتوبر
8 نوفمبر
8 ديسمبر

هقولكم كام نصيحة خاصة بالقص 

للقص آداب الأفضل إتباعها 
آداب قص الشعر:

أولاحافظوا على النفسية ساعة قص الشعر 

يعني تجنبوا الحزن أو الضيق أو الزعل وقت قص الشعر
ثانيا المقص اللي بنقص بيه يكون حاد جدا بلاش يبقى بارد أبدا 
ومسكة المقصص تكون مسكة سليمة بين الإبهام والبنصر والإبهام هو المتحرك
ثالثا القص بيكون على شعر مبلول أو مندي ويفضل يكون القص وأنتِ جالسة
رابعا قص أطراف الشعر مش كثير أو على حسب حاجة الشعر.

في الختام 

أتمنى أكون أضفت معلومة ونقلت لكم الموضوع بالشكل السليم
وتحددوا الهدف المناسب ليكم اللي هتقصوا شعركم بسببه وممكن الناس اللي هتقص كل دروة قمرية تغيروا وتنوعوا من الهدف اللي بتقصوا الشعر علشانه 
يعني مرة تقصوا بهدف التكثيف ومرة بهدف التنعيم وهكذا
دمتم جميلات.



موضوعات ذات صلة:

أسرع طرق لتطويل الشعر.

فرد الشعر بالنشا.

فوائد ماء الأرز للشعر.




عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming