MermaidCharming MermaidCharming

آخر الأخبار

جاري التحميل ...

هل الماسكات الطبيعية تضر البشرة ؟ HARMFUL SKIN MASKS

الماسكات الطبيعية
Photo by John Tekeridis from Pexels
بسم الله الرحمن الرحيم

صباح/مساء البال الرايق بنات 
كيف حالكم 

من فترة كنت بسمع طبيب و كان بيتكلم أوقات ان الماسكات الطبيعية أوقات بتضر أكتر ما تنفع 
فحبيت أقرأ أكتر و فعلا لقيت أن فيه مكونات ممكن لو استخدمناها فى الماسكات ممكن يبقى فيه ضرر على بشرتنا 
مثال كان بيعطيه الطبيب ماسك البيض
البيض 
معروف طبعا بمميزاته في شد البشرة وعلاج التجاعيد والخطوط الرفيعة 
بس وضح الطبيب أن ممكن وجود البيض مع مكونات الماسك المختلفة أنها تزيد من الإصابة بالسالمونيلا 
و هو نوع من البكتيريا مشهور و معروف جدا 

و بما أننا كلنا كبنات أكتر حاجه بنحبها الماسكات و بالذات الماسكات الطبيعية بنعملها فى البيت بنحب فكرة جداا الماسك اللى بمكونات طبيعية بس لازم ناخد بالنا من بعض المكونات اللى بنضيفها يا صبايا. 
ناخد بالنا أن بشرتنا دي رقيقة و لازم معاملتها بعناية و برفق و بلاش المكونات التقيلة أو الحادة
هقولكم أمثلة لمكونات لقيت عليها كلام و تنبيهات.

المايونيز 
المايونيز أصلا بطبعه قوامه تقيل جدا فممكن يسد المسام و كمان يخلي البشرة تزيد من إفراز الدهون و خاصة لو بشرة دهنية اللي هي المسام أصلا بتبقى واسعة  هيبقى للأسف مشكلة كبيرة جدا و ممكن يؤدي لظهور حبوب دهنية هتأخد مننا وقت علشان تختفي و تتعالج  وتسبب مشاكل أكتر فى البشرة.

خل التفاح 
قابلت ماسكات بنات بتقول عليها من مكوناتها خل التفاح بس انا مش برجح ابدا استخدامه 
انا ممكن مع فعاليته فى علاج
بس للأسف خل التفاح لبشرتنا هيسبب تغيير فى لون البشرة و تصبغات مع الوقت و ممكن يسبب حفر فى الوجه.

النشا 
طبعا ماسك النشا من الماسكات المعروف بفاعليته في التفتيح و شد البشرة 
بس ممكن بنات مع التكرار المتواصل يسبب جفاف البشرة و احمرار. 
الأحسن اننا منعملوش علطول و كمان لما نستخدمه نضيف عليها مكون مرطب زي العسل / الزبادي/ زيت لوز الحلو.
علشان ممكن بنوتة تيجي تشتكي أن بشرتها جافة 
وببساطة هي شايفة أنها عمالة تعمل ماسكات طبيعية و مهتمة ببشرتها فليه يكون عندها جفاف ؟؟؟
فده ممكن يكون نتيجة الاستخدام المبالغ فيه للنشا فى الماسكات الطبيعية 
فناخد بالنا يا حلوات.

آخر حاجه حابة أنبهكم منها برضه لاني بشوف بنات كتير بتستخدم المقشرات للبشرة يوميا او غسول يحتوي على جبيبات مقشرة.
فحبيت انصحكم أن دي عادة مش صحيحة.
لأن ممكن يتسبب في حساسية للبشرة و تهيج و احمرار.
ولأن ده بيخلي البشرة تزيد من أفراز الدهون و الزيوت الطبيعية علشان تعوض اللى بتفقده و ده ممكن يؤدي لنتيجة عكسية أننا نلاقي أن ظهور الحبوب بيزيد.

وأوقات يا بنات لما بنعمل مقشر فى البيت بسكر مثلا بنستخدم سكر حبيباته كبيرة اعتقادا مننا ان كده نتيجة المقشر تبقى احسن .
بس العكس والله نستخدم حبيبات السكر الناعم 
كل ما كان الحبيبات أصغر و أنعم كل ما كان احسن لانها هتعمل على  تقشير و إزالة الخلايا الميتة من غير ما تسبب تهيج للبشرة او تسبب خدوش و جروح للبشرة من الحبيبات الكبيرة أو الخشنة.
وأنا عن نفسي لما بعمل تقشير لبشرتي ب scrub بيبقى تقريبا كل أسبوع مرة وممكن كل أسبوعين مرة.
يارب تاخدوا بالكم بنات من النقط دي و تتجنبوها .
و نعمل كل حاجه باعتدال لأن كل شىء زاد عن حده أنقلب ضده.
دمتم جميلات..


عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming