MermaidCharming MermaidCharming

آخر الأخبار

جاري التحميل ...

فوائد الزنجبيل للبشرة والشعر/GINGER FOR SKIN AND HAIR

فوائد الزنجبيل للبشرة والشعر

بسم الله الرحمن الرحيم
كيف الأحوال يا حلوات

بصوا أنا بكتب تدوينة النهاردة وانا سعيدة جدا لأني النهاردة جالي دعم من صديقة ليا عزيزة جدا على قلبي أول مرة تشوف المدونة النهاردة و عطتني دفعة تكفيني فشكرا ليها على كلامها و تشجيعها مش متخيلين الكلام الحلو بيفرق ازاي
كفاية رغي بقى ندخل في موضوع النهاردة

النهاردة هنتكلم سوا عن الزنجبيل و علاقته بالبشرة والشعر.

هو عادة أنا معرفتي بيه أنه بهار من البهارات وأعرف أن أكتر مكان كان بيتزرع فيه الصين و الهند بس حاليا بقى بيتزرع في أماكن تانية زي أمريكا الجنوبية.

ومعرفتي كمان من خلال دراستي  فوايده في علاج حالات تهيج القولون وعلاج الجهاز الهضمي أو الغثيان الصباحي (نصيحة للحوامل منكم  خلي دايما جنبك بسكويت بالزنجبيل في الصبح لو بتعاني من الغثيان كلي منه  أو أشربي  شاي بالزنجبيل صباحا هيفرق معاكي كتير جدا ) وأنه بيعالج الجروج  بيخفف من الألم

بس أول مرة أعرف عن استخدامات الزنجبيل في علاج مشاكل البشرة مثل الندوب و التصبغات.

بالصدفة كنت سمعت من طبيب في لقاء تليفزيوني بيتكلم عن ماسكات بالزنجبيل للتصبغات و الندب اللي بيعاني منها معظم البنات و خصوصا من الشمس كمان و بما أني عارفة حبنا كبنات للماسكات و أي حاجة طبيعية فقولت هعرضلكم الموضوع.

بحثت شوية لقيت أن فعلا الزنجبيل معروف بدوره في منتجات البشرة و العناية

الزنجبيل غني بمضادات الأكسدة حوالي 40 مركب بيساعدنا جدا في الحفاظ على شباب البشرة و بيقلل من ظهور التجاعيد وكده هنقلل من شيخوخة البشرة و نفضل نبان أصغر من سننا و بشرتنا صحية

و كمان غني بالمواد المنظفة والمطهرة وبيخلص البشرة من السموم  وبيخلصها من البكتيريا اللي بتسبب الحبوب و البقع وبينعم البشرة

 ومن المعروف ان الزنجبيل فعال في تنشيط الدورة الدموية وبالتالي هيخلي بشرتنا متوهجة و نضرة وفيها حيوية.
كمان بيستخدم في علاج حروق الشمس و يخفي الندوب اابيضاء (عادة الندوب البيضاء تسمى بالندوب الناقصة ودي ممكن تكون نتيجة إزالة تصبغات و بيكون لونها أبيض أو أفتح من لون بشرتنا)

أهمية و فوائد الزنجبيل للشعر:
(أوقات بنلاقي الزنجبيل في مكونات زيوت الشعر بتاع الأنبات و كمان في الشامبوهات بس مكنتش فاهمة أوي العلاقة)

زي ما قولنا الزنجبيل بينشط الدورة الدموية فده هيبقى فعلا في التسريع من نمو بصيلات الشعر

الزنجبيل غني بالأحماض الدهنية و الزنك وده يبقى مفيد جدا للشعر التالف  الهش و المتكسر و الشعر الخفيف
وبماأننا قولنا ان الزنجبيل ليه خصائص مطهرة فده ممكن يساعدنا في التخلص من قشرة فروة الرأس

هرجع تاني أقولكم الماسكات اللي الدكتور ذكرها للبشرة

ماسكات للبشرة بالزنجبيل:
انا من وجهة نظري بلاش لأصحاب البشرة الحساسة لأنه ممكن يسبب احمرار للجلد.

1- ممكن نستخدم شرائح من الزنجبيل الطازج
شرايح على البشرة في اماكن التصبغات و الندبات  ونفركها ببطء  حتى يجف على البشرة
بعدها نشطفها بالماء ونكررها في اليوم مرتين (ممكن صباحا و مساءا)
 والنتيجة تبان من بعد 6 أسابيع  او أكتر بتاخد وقت بس بتوصل لنتيجة مرضية

2-معلقتين من الزنجبيل الطازج المبشور
   معلقتين من العسل و نخلطهم سوا جيدا
ونضيف عليهم معلقة ليمون
و كمية مناسبة من زيت الزيتون يكون قوام الماسك و نضعه في الثلاجة حوالي نص ساعة
وبعدها نستخدمه على بشرتنا حوالي 20 دقيقة و نغسلها بعدها بالماء البارد
مفيد للتصبغات و البقع وكمان بيدي البشرة حيوية و ترطيب
(الزيتون و العسل خففوا من حدة الليمون و الزنجبيل)

3- معلقتين من الزنجبيل الطازج
معلقتين عسل
ومعلقة ماء الورد
ونخلطهم سوا و نضعه على بشرتنا حوالي 20 دقيقة
بيساعد على توهج البشرة و نضارتها

أنا كده نقلت كلام الدكتور مع شوية بحث علشان توصلكم المعلومة كاملة وتستفيدوا
دمتم جميلات











عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming