MermaidCharming MermaidCharming

آخر الأخبار

جاري التحميل ...

وصفات الجمال بزيت اللوز الحلو لبشرة مثالية/ sweet almond oil masks

زيت اللوز الحلو للبشرة 

بسم الله الرحمن الرحيم 
كيف الأحوال بنات 
عساكم طيبين 
موضوع النهاردة عن زيت اللوز الحلو كنا أتكلمنا عنه قبل كده 
زيت اللوز من اكتر و اهم الزيوت الطبيعية اللى بتدخل فى مستحضرات طبيعية كتير و اللى بينصح بيها داكترة كتير لفوايده الكتيرة جدا للبشرة و العشر و مقاومة التجاعيد و اتكلمنا عنه بالتفصيل قبل كده و تجربتي ليه (للاطلاع اضغط هنا )
و اتكلمنا عن فايديته فى الهالات و ماسك العين 
و عرفتوا قد ايه أنا من عشاقه صراحة ومن الزيوت اللى بعتمد عليها جدا
النهاردة هنكمل كلامنا عنه بس هقولكم شويه خلطات مفيدة جدا للبشره برعاية زيت اللوز الحلو جمعتها و حبيت أفيدك بيها هتفرق فى نظام العناية بتاعكم صبايا 

خلطة زيت اللوز و الليمون والحليب 
معلقه صغيرة زيت لوز حلو 
معلقة صغيرة عصير ليمون
معلقة صغيرة حليب 
نخلطهم سوا و نوزعهم على بشرتنا توزيع جيد لان الماسك ده هيبقى سائل جدا  و نتركه حوالى نصف ساعة ثم نزيله بالماء

ماسك مفيد للترطيب و كمان بيحفز الكولاجين و بيقاوم التجاعيد 
اصلا زيت اللوز زي ما عرفنا سوا غني بفيتامين E اللى بيساعد أننا نقاوم البقع الداكنةو التجاعيد
وكمان الليمون بينضف البشرة بعمق و بيخلصنا من اجلد الميت و بالتالي البقع الغامقه للجلد
و حتى اللى بشرته حساسة وجود اللبن مع الليمون هيقلل من حمضيته و يخليه مش حاد على البشرة أو يتحسس منه 
علشان كده الماسك ده جميل فى التفتيح و التخلص من بقع الجلد و التصبغات 

خلطة زيت اللوز و النشا 
معلقة صغيره زيت لوز حلو 
و معلقة نشا 
ومعلقه لبن/ ماء 
ونخلطهم سوا لحد ما يعمل عجينة كده و يتماسك 
نحط الماسك على البقع الغامقة ممكن أماكن اثار حروق الشمس او التصبغات او حول الفم 
ولما ينشف على بشرتنا حوالى نص ساعة نشيلها نفركه 
ممكن نكرره مرتين اسبوعيا و تقريبا فى خلال شهر هتلاحظوا فرق يا بنات 
وصفات وخلطات بزيت اللوز الحلو لبشرة متألقة وصافية
خلطة زيت اللوز الحلو مع زبدة الشيا
معلقة صغيرة زيت لوز حلو 
معلقة صغيرة زبدة الشيا
معلقة صغيره حليب دافىء
نخلطهم سوا لحد ما الزبدة تسيح و يندجوا سوا و نفرده على وشنا حوالى ن ساعة و بعدين نزيله بالماء
ده ماسك جميل جدا خاصة للبشرة الجافة هيدى ترطيب عميق جدا للبشرة 

مقشر لطيف جدا للبشرة بزيت اللوز 
معلقة من زيت اللوز
معلقة من السكر حبيبات ناعمة
معلقة من العسل 
و نخلطهم سوا و نبدا نعمل بيه سنفرة /SCRUB لبشرتنا بحركات دائريه ناعمة و نسيبه بعدها على بشرتنا حوالى ربع ساعة
وبعدين نزيله بماء و نستخدم تونر و بعدها المرطب بتاعنا 
هتحسوا بنعومة فى البشرة غير طبيعية و منورة و نضرة جدا 
بيعمل المقشر على تغذية البشرة و إزالة الجلد الميت و ترطيبها بعمق.

ماسك زيت اللوز و الموز
واحد موزة مهروسة ناعم
معلقز زيت اللوز الحو 
و نفردها على بشرتنا و نتركه حتى يجف و بعدين نشطفه بالماء الفاتر 
الموز من الحاجات المرطبة جدا لانه مخزون الميا يه عالى جدا غير انه غنى بالعناصر و الفيتامينات المفيدة 
فالماسك ده مفيد جدا فى ترطيب و نعومة البشره 

بس بنات خلصنا لو أفتكرت ماسكات حديدة هبقى اضيفها 
يارب تستفادوا و تجربوا و تقولولى تجاربكم
دمتم جميلات 








عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming