MermaidCharming MermaidCharming

آخر الأخبار

جاري التحميل ...

شامبو أكيور خالي من السلفات والسيلكون/SHAMPOO ACURE

شامبو أكيور/SHAMPOO ACURE

بسم الله الرحمن الرحيم

صباح / مساء الجمال عليكم 

النهاردة هكتب ريفيو صغير و سريع مش هطول عليكم زي عادتي 
بس خلاص المفروض عرفنا بعض و بقيتو تستحملوني 

من المنتجات اللى طلبتها من ايهيرب فى الطلبية الأخيرة كان شامبو ACURE و حد سالنى حلو ولا ايه رأيي فيه 
قولت أجربه الاول و اعمكلم ريفيو عنه 
وده موضوع مفضلاتي من ايهيرب للشعر (للاطلاع اضغط هنا )

براند ACURE من البراندات اللى ليها منتجات كتير حلوة فى السكين كير و الهير كير SKIN AND HAIR CARE 
كنت مجربة منهم قبل كده THE ESSENTIAL ARGAN OIL زيت الأرجان للوجه و كان من احلى زيت الأرجان اللى جربته وده اللى شجعنى أطلب الشامبو ده لأنه فى تركيبه الأرجان 

انا لسه فى اول كام غسلة بيه 

انا كنت بدور على شامبو للشعر الكيرلى و اللى بيعانى من التلف و كنت بحاول يكون طبيعي مفهوش مواد كيمائيه كتير 
فلقيت الشامبو ده عجبنى الوصف بتاعه و شكله حبيت أجربه بالاضافه انه خالى من السيلكون و البارابين و السلفات و اتكلمنا بالتفصيل على المواد دى امتى نستخدمها و امتى نبعد عنها (للاطلاع هنا) 
و لقيت ريفيوهات كتير عنه ايجابية و فيه أنواع تانى منه بالنعناع و جوز الهند و الليمون بس حبيت أجرب ده المرة دى علشان الترطيب اللى فيه و أنه مكتوب انه مناسب للشعر الكيرلى 


هو شامبو بزيت الأرجان  اللى معروف بترطيبه و بيدخل فى منتجات كتير فى الشعر و البشرة و زيت بذور قرع العسل و فيه كمان خلاصة الالوفيرا و البابونج و البلاك بيرى و منتجات تانية مرطبة فى تركيبته هو من المنتجات العضوية 
انا بفضل دايما نشترى الاشمبو و البلسن تبعه علشان النجموعة على بعضها بتكمل بعضها و بتعطى نتيجة أحسن 

هقول رأيي فيه ؟

من وجهة نظري و تجربتي 


 - التعبئة جيدة جدا و مش بيهدر كميات زيادة 
- الشامبو لونه أبيض و البلسم لونه شفاف 
- رغوته كثيفه جدا و حلوة و تنظيفه للشعر جيد جداا 
- ريحته شبه ريحة اللوز ريحته طبيعية اوى مش زى الروائح الغربية و الورود و كده  انا بالنسبالي ده عادي بس حتى لو حد مش بيحب الوائح دي هى مش بتدوم بعد الشاور بتختفي
- هو بيرطب الشعر جدا ترطيبه عميق 
- بعد الشاور  هتلاقى الكيرلز بتاعتك متقسمة حلو  جدا DEFINED CURLES و دى ميزة جميلة اوى 
- هتلاقى شعرك مترطب جدا و طرى (بحسه بيسيبه دهنى شويه بسيطه مش دهنني مزعج الصراحة ) بس انه يبقى GREASY شوية ممكن تبقى مناسبة جدا للناس اللى شعرها جاف جدا  مضايقنيش اوى فى دي بس كنت أتمنى لا 
- طبعا خالي من السلفات و البارابين و السيلكون و الكبريتات 
تقييمى ليه ياخد 4/5 علشان النقطة اللى تخص انه دهني ممكن تبقى ميزة لحد غيري 
بس منتج يستحق الشراء و ممكن أكرره تاني لو ملقتش حاجه تقدملى المميزات دي 
و تقدروا تستخدموا كود ايهيرب بتاعى هيعطيكم خصم اضافى على اي اوردر تطلبوه AGY9953
كود خصم ايهيرب

بس كده...
دمتم جميلات 

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming