MermaidCharming MermaidCharming

آخر الأخبار

جاري التحميل ...

طريقة عمل كيكة تارت بالمهلبية | PUDDING TART CAKE

كيك تارت بالمهلبية

بسم الله الرحمن الرحيم

عاملين ايه النهاردة

هنعمل سوا النهاردة وصفة حلى سريعة كنت شوفتها بالصدفة في فيديوهات المطبخ السريعة المنشرة على السوشيال ميديا و قولت أجربها 
وفعلا مش بتاخد وقت في التحضير وصفة منجزة و طعمها جميل جداا جدااا و شكلها حلو في التقديم وكمان تغييرعن الكيك العادي.

هنبدأ بالمكونات الأول و بعدها الطريقة:

المكونات:

مكونات عمل كيك التارت: 
2 عدد بيض
معلقة صغيرة من الفانيليا السائلة
كوب سكرالا ربع تقريبا
1/2 كوب زيت
1/2 كوب حليب
2 معلقة كبيرة من الحليب
1 كوب و نصف دقيق - أو كوبين من الدقيق 
ملعقة كبيرة بيكنج بودر

مكونات عمل التغطية بالمهلبية:
2 اكواب حليب
3معالق دقيق
1/2 كوب سكر
1 باكت فانيليا
1 معلقة زبدة
كيك تارت سهل و سريع

طريقة التحضير:
نبدأ أولا تحضير التارت الاسفنجي

الأول في البولة| الوعاء بتاعتنا هنضيف السكر على البيضتين و نخفقهم بالمضرب الكهربائي بتاعنا كويس جداا لحد ما لونه يبقى فاتح خالص والسكر يختفي ونضيف باكت الفانيليا أو معلقة صغيرة من الفانيليا السائلة
ونضيف الزيت الأول مع استمرار الخفق وبعدها  نضيف اللبن ونضربهم جيد جدا 

وفي وعاء آخر نخلط الدقيق و البيكنغ بودر (ممكن نضيف رشة ملح بسيطة جدا)
وبعدها نضيف الخليط السائل بتاعنا على البولة اللي فيها المكونات الجافة 
ونقلبهم كويس جدا لحد ما نوصل للقوام السائل المناسب للكيك.
(ممكن نزود الدقيق أو السوائل لحد ما نوصل للقوام بتاعنا أوقات المقدار بيختلف على حسب نوع الدقيق)

وفي صينية التارت  نبطنها كويس بمعلقة زيت ورشة دقيق علشان التارت بتاعنا ميلزقش 
نضيف الخليط بتاع في صينية التارت 
وعلى الفرن الساخن الجاهز على حرارة 200 بتاخد تقريبا 20 دقيقة وتكون استوت 
وطبعا نعرف أنها استوت بخلة أسنان
لو طلعت الخلة نظيفة يبقى التارت بتاعنا استوى

عقبال ما تتطلع من الفرن نكون جهزنا المهلبية 
في حلة صغيرة على النار نضيف اللبن و عليه الدقيق و السكر و نبدأ التقليب على النار 
هنفضل نقلب لحد ما نوصل للقوام التقيل بتاعنا قوام المهلبية 
وبعدها نضيف نضيف معلقة الفانيليا السائلة و معلقة الزبدة ونقلبهم شوية 
ونسيبهم يبرد (هنلاقي القوام بقى أتقل لما يبرد)

بس خلاص 
هنطلع التارت و نسيبه يبرد و نضيف عليه المهلبية عليه بعد ما بردت و نزينها زي ما نحب صوص شيكولاته أو التوفي أو زي ما تحبوا 
و كده خلاص على التقديم

 خلصنا بالهنا على قلوبكم 
دمتم جميلات 

كيك تارت بالمهلبية طعمه رائع


عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming