MermaidCharming MermaidCharming

آخر الأخبار

جاري التحميل ...

أفضل مكياج درج ستور (1) /BEST DRUG STORE MAKEUP

بسم الله الرحمن الرحيم
اهلا يا حلوات
كيفكم يا بنات أن شاء الله بخير كلكن
جالى رسائل  حلوه على الموضوع اللى عرضنا قبل كده عن كريم البي بي و السي سي B.B و C.C. (للاطلاع اضغط هنا )

فاتشجعت أنزلكم موضوع تانى و لو حبيتوا أكتر هكمل و أقولكم تريكات حلوة فى الميكب اب زى مثلا لو الميكب بياكسد نعمل ايه ؟! و كده يعنى

النهاردة هنتكلم عن ميكب اب بميزانية منخفضة بس جودة و فينش عالي و مناسب جدا للدوام و الجامعات
لأننا عادة فى الجامعة او الدوام مش مطلوب مننا اننا نحط كريم أساس تقيل كل يوم إرهاق للبشرة  او أننا نبقى FLAWLESS أحنا لازم نتقبل بشرتنا بكل حاجه فيها نحاول نظبط بس التون بتاعنا نقلل الإحمرار مثلا و ندى لبشرتنا نضاره
 كان ميكب الدوام و الجامعة أرق وأبسط كل ما كان أحلى كل ما كان بيديكى مساحة إنك لما يبقى عندك مناسبة تقدرى تحسسي كل الناس بالتغيير و الاختلاف ببأقل تغيير تعمليه فى الميكب اب بتاعك
علشان كده حاولوا بنات يبقى ميكب اب الصبح خفيف و بسيط و الليل و السهرات نوعوا براحتكم (طبعا دى اراء و أذواق )

يلا نبدأ
البرايمر /PRIMER (أختياري مش لازم كل يوم )
اهميته انه بيقفل المسام و يخلى الفونديشن يبان SMOOTH و بيدي ثبات اكتر للميكب اب بتاعك احسن نوع DRUG STORE هو لوريال بيدى لوك مخملى كده و بيقفل المسام كويس جدااا و ثباته عالى
بحبه أكتر من برايمر مايبلين (مايبلين كويس جدا برضه بس فينش لوريال أحلى )
الفونديشن:
للدوام و الجامعات بميل أكتر بكتير لل B.B او ال C.C. لو حد عنده أحمرار فى بشرته او بيعاني من البهتان
هتلاقوا فى الصورة من مفضلاتي اللى لما بيخلص بجيبه تانى
PHARMACERIES F  ده فونديشن تغطيته اعلى من المتوسطة فيه نوعين منه نوع عامل الحماية من الشمس 25 و نوع عامل الحماية من الشمس 50 ومناسب لجميع انواع البشرة تقريبا

 بستخدم B.B. RIMMEL LONDON بحبه جدا جدا تغطيته من متوسطة لعالية بيقلل من شكل المسام جداا فيه عامل حماية من الشمس و بيرطب البشرة كمان اتكلمنا عليه بالتفصيل سوا قبل كده هتلاقوه فى اليينك فوق (تقريبا أكتر واحد بستخدمه )بستخدم درجة الميديوم هي غامقة شوية بس كويسة لاني بميل للاغمق من الفاتح و هتبقى مناسبة جدا للبنات أصحاب البشرة الحنطية

ومن الفونديشن الخفيف اللى يصلح برضه يومى قوامه خفيف  مش تقيل على البشره و تغطيته كويسة جدا و عالية نسبيا و درجاته كتير اوى  ومش بيأكسد أو يغير لونه MAYBELLINE FIT ME
واتكلمنا مرة سابقة أزاي نختارالفونديشن الدرجة الصح المناسبة لبشرتنا من غير ما نختار درجة تجير او يقلب رمادي على بشرتنا (للإطلاع هنا) 

الكونسيلر:
للتنوير تحت العين و ندارى الهالات السوداء
لو الهالات ظاهرة جدا ممكن نحتاج الأول مصحح لونه اورانج
من المصححات الجميله ELF و LAGIRL و
 فيه دايرة WHEEL  بيبقى فيها الوان مصححات (أورانج و أخضر و كونسيلر ) و بيبقى ليها أكتر من استخدام موجود النوع ده فى كريولان (بس ده تقيل على استخدام يومى )
ممكن نلاقيه فى RIMMEL LONDON و WET nWILD
اما الكونسيلر مش عارفة مصورتش ليه ؟!! (أسفة )
فيه أنواع كتير حلوه و مفضله و تصلح يومي
MAYBELLINE FIT ME و MAYBELLINE ANTI AGING اللى بسبونج من فوق و لونه أحمر من فوق
وفيه كونسيلر ELF تغطيته حلوه و خفيف القوام

علشان نثبت البى بى أو الفونديشن او الكونسيلرمحتاجين 
بودر:
لو هنثبت الكونسلر و دى خطوة مهمه علشان تزيد من ثباته و كمان يمنع أنه يخطط مع الحركة و الافضل انه يكون LOOSE POWDER لانها بتبقى خفيفه و ده لان الجلد فى المنطقة المحيطة بالعين بيكون أرق من باقي بشرتنا.
من الانواع المفضلة في الدرج ستورMAYBELLINE LOOSE POWDER
                                             AMANDA LOOSE POWDER
                                             FOREVER52 LOOSE POWDER     
  و من انواع الCOMPACT POWDER / البودرة المضغوطة
اللى بحبها و ثباتها جميل و خفيفه على البشرة جدا RIMMEL LONDON COMPACT POWDER
و كمان MAYBELIINE FIT ME COMPACT POWDER
هو لاين FIT ME ده جميل جدا صراحة بس بحب ريميل لندن أكتر فى البودر المضغوط.

حاسة إنى طولت عليكم اوى
طيب خلاص هكمل الموضوع فى تدوينة جديدة نكمل فيها باقى المكياج علشان متزهقوش منى

دمتم جميلات......

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming