MermaidCharming MermaidCharming

آخر الأخبار

جاري التحميل ...

أفضل مكياج درج ستور (3)/ BEST DRUG STORE MAKEUP


هلا و غلا صبايا
يارب تكونوا مستأنسين و مبسوطين بالمواضيع اللى بنتكلم فيها 
وياريت تقترحوا عليا أكتر نتكلم فى  أيه تاني
النهاردة أخر جزء في موضوع مكياج ال DRUG STORE بتاعنا 
لو فيه حاجات تانى جربتوها و عجبتكم ياريت ترشحوها أجربها معاكم 
غير اوقات ببقى جربت حاجات و نسيتها و ثابتة على أنواع تانيه اللى بكون بصورها أو أوقات وقت ما بكتب الموضوع بيبقى دول للى قدامي أتكلم عنهم و أصورهم 
بعد كده لو زدت فى انواع ال DRUG STORE  أو جربت حاجة مميزة تاني هضيفها 
و تانى جزء اتكلمنا عن الايلانير و الماسكارا و البلاشر و ايه احسن المنتجات اللى اسعارها معقولة (للإطلاع اضغط هنا )

هنكمل بسرعة الحاجات اللي فاضل نتكلم عليها فى الأساسيات
الحواجب
انا عن نفسلا بحب ماسكار الحواجب جداا و اكتر نوعين بحبهم ELF و MAYBELLINE
درجه ال DARK BROWN
مميزاتهم ان الفرشه بتاعتهم مش عريضه اوى فسهل تتحكمى فى حجم الحاجب مش يعرض معاكي زيادة عن الطبيعي الحلو
و فرشه ELF كمان ارفع من مايبلين و ده يبقى مناسب لو بنوتة حواجبها رفيعة اصلا و محتاجه تمشطها بس مش بتعمل SHAPING اوي
بس ماسكارا مايبلين للحواجب بتعمل SHAPPING جميل
جربت ماسكرا كاركتر معجبتنيش صراحة الفرشه عريضه اوى

هقولكم على تكنيك رسم الحواجب اللى بعمله و بيدى شكل جميل و ناعم للحواجب
انا الاول بستخدم الماسكار املىء بيها الفراغات و تمشط شعر الحاجب لفوق و بعدين استنى شويه الماسكار تنشف و بعدين بحدد الحاجب بس من بره من تحت ومن فوق بحدده ببودر حواجب ممكن من أي باليت شادو عندك أو تستخدمي بودر حواجب مخصوص زي بودر حواجب ريميل لندن مثلا
و اعمل بالفرشه عند اول الحاجب كام شعرة بالبودر كده
بيبقى شكل الحاجب جميل و طبيعى كل ما كان شكل الحواجب حلو كل ما كان بيدى عمر اصغر للوجه و الحواجب الممتلئه العريضه نسبيا بتدى شباب أكتر للوجه
انا بحب الرسم بالقلم اوى سهل و منجز بس مش شاطرة أوي فيه اوقات بيعرض الحاجب معايا أوي  ممكن لو حد يستخدمه يبقى أشطر منى فيه علشان كده بحب البودر أملي بس الفراغات و shapping خفيف.
و طبعا فيه الرسم بالجيل بيبقى تقيل اتقل من انه يبقى خروج يومى بحسه عاوز خروج بليل أو سهرات و كمان الجيل مناسب أوي للى حواجبهم خفيفه خالص اما لو الحواجب تقيله و استخدمتى جيل بيبقى الشكل تقيل ومش حلو ممكن تحددي الحاجب بس من غير رسم كتير 
دى اراء و اذواق و بحاول اقولكم تجربتى

نيجى خلاص للأرواج
من أحسن أحسن الروجات فى الDRUG STORE حاليا هى ارواج مايبلين MATTE INK ثباتها فظيع و ناعمه و فيه درجات كتير حلوة وتستحق فلوسها جدا
فيه كمان ارواج ديبورا جميلة و ثباتها حلو بس ثبات ال LIQUID ROUGES احلى و اثبت من ال STICKS
جربت من ايسنس بس معجبنيش خالص ثباته وكان مكتوب عليه انه مات بس هو ساتن و فيه لمعة عادي
فيه ارواج اسمها VATEN ثباتها حلو جدا و سعره معقول جدا هتلاقوه اونلاين هو براند ايطالى

كده تقريبا خلصنا
هقولكم على حاجه حلوة اوى فى ESSENCE المثبت ده
انا مش بحس انه بيثبت الميكب اوى في النقطة دي مش هحكم عليه يعنى بس هو أحلى حاجه فيه انه بيعمل توحيد للميك اب بتاعك بشكل فظيع بيخلي الميكب مدموج اوى كده و مش بيبقى فيه أثار البودر او CAKEY TEXTURE
فهو جميل اوى فى النقطة دي

تقريبا كده خلصت
أسفة لو طولت عليكم
بس حبيت اقولكم احسن الحاجات فى كل حاجه و نتبادل التجارب
اللى عجبته حاجه و طلعت حلوة و تستحق التجربة يقول
وممكن نبقى نعلم موضوع للميكب ال HIGH END و أيه المفضلات فيه .

دمتم جميلات متألقات ...

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming