MermaidCharming MermaidCharming

آخر الأخبار

جاري التحميل ...

أفضل مكياج درج ستور (2) /BEST DRUG STORE MAKEUP

بسم الله الرحمن الرحيم

عاملين ايه صبايا 
صباحكم / مساءكم جمال 
هنكمل سوا الموضوع إاللى بداناه عن المكياج الإقتصادى اللى اسعاره معقولة و الفينش تبعه جميل 
الجزء الأول تقريبا اتكلمنا فيه عن ال BASE البرايمر و الفونديشن و البودر و ايه مفضلاتى من DRUG STORE (للإطلاع اضغط هنا )
دلوقتى هنتكلم عن الماسكار
و دى بقى من اكتر الحاجات اللى بحبها فى الميكب اب
من احلى ماسكرات الdrug store ريميل لندن الاورانج volume lash scandaleyes
و فيه منها الاخضر بس سواد الأورانج احلى
و تدى فوليوم للرموش بس مش بتطولها اوى بس كثافه و سواد حلوين جداا ومش بتكتل على الرموش خالص مشكلتها بس انها لو جه عليها ميا بتهبب وفيه fade out وانتي بتحطيها فشيلي الزياردات من الفرشة قبل ما تستخدميها على رموشك.
و انى واحده بحبها سعرها جميل جدا برضه essence lash princess
اللى لون الكتابة عليها بالاخضر جميلة جدا مش بتكتل بتطول الرموش (بتدي طول اكتر من الكثافة) و سوادها حلو
فيه ماسكارا كمان بحبها و هى ماسكرات لوريال mega volume بحبها جدا بحسها بتطلع رموش من كل حته فى الجفن بس أغلى شويه و ميزتها انها حتى لو جه عليها ميا مش بتهبب رغم انها مش وتربروف WATERPROOF 
ملحوظة انا بفضل أشترى الماسكارا متكونش وتر بروف WATERPROOF لان الوتر بروف بتتعبنى جدا انى اشيلها و بتوقع رموشى فبتجنبها خالص

نتكلم عن الأيلانير EYELINER  اللى تقريبا كل البنات بتحبه
أنا شخصيا كنت فى فتره مضروب عقلى بيه و بحبه جدا بس حاليا بميل ان العين يبقى فيها شادو خفيف و ماسكارا
كل فترة اذواقنا و ميولنا فى الميكب بيتغير
بس بالتجربه AMANDA EYLINER جميل جدا فرشته مش رفيعه فتقدرى تتحكمى بسهولة جدا للناس اللى عندها مشكلة مش بتعرف ترسم كويس بالفرشاة الرفيعة هو DIPLINER
سواده مات MATTE  و ثباته جميل ومش بيهبب ولا بيسيح و سعره حلو جدا على كل ده

ننقل بقى على البلاشر
ايه بلاشر ثباته حلو و سعره مناسب
فيه من maybeliine حلوه درجات جميلة و سمعت عنها حلو بس لسه مجربتش
جربت دول من jordana  و اسعارهم حلوه جدا و ثباتهم حلو و فيه درجات جميلة تليق مع درجات البشره المختلفه
 فيه باليت فيها 4 انواع من elf جميلة جدااا و سعرها معقول إنها 4 درجات سوا و ثباتها وملمسها ناعم جدا
و فيه كمان حاليا CHEEK AND LIP TINT مورد الخدود و الشفايف فيه درجات كتير حلوه و بيدى لوك طبيعى و ناعم
و ممكن نعمله فى البيت و يكون ثابت جدا بالساعات (للإاطلاع اضغط هنا )

فيه بنات بتحب الهايلايتر HIGHLITER  حتى بالنهار بيحبوه
بشوف ان هايلايتر WET n WILD من أحلى  أحلى الهايلايترز ال DRUG STORE اضاءته جميله و ثابته  مفهاش جليتر و تنفع للنهار و ممكن تزودى منها او ترشى على الBRUSH بتاعتك الاول فيكس بلس و بعدين تحطى منها هتدى إضاءة اقوى
براند WET n WILD من البراندات الجميلة وأسعارها مناسبه هتلاقوا فيها حاجات كتير حلوه كجودة و فينش 
و كنا دردشنا سوا عن أشهر 4 اخطاء بنعملها فى تطبيق الهايلايتر تخلينا نغمق مش ننور (للاطلاع اضغط هنا)

مش عارفة حاسة برضه ان الموضوع بقى طويل اوى و بخاف تملوا او تزهقوا منى
فاضل حاجات صغيره
نكملها فى تدوينة جديدة علشان تركزوا ااكتر و مبقاش تقيلة على قلبكم

دمتم جميلات و داعمات ..

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming