MermaidCharming MermaidCharming

آخر الأخبار

جاري التحميل ...

فوائد زيت قرع العسل للشعر والبشرة ودوره في تقليل تساقط الشعر / PUMPKIN OIL

زيت قرع العسل
بسم الله الرحمن الرحيم
كيفكم بنات
بتبسط أوي بتشجعيكم وأي مسج بتوصل منكم سواء بتسألوا على حاجة لأن دي ثقة مبسوطة بيها جدا وأتمنى أننا نكون عيلة أكثر و أكثر وتشاركوني كل الأفكار.

النهاردة موضوع يخص الشعر من الزيوت اللي بدخلها في حمام الزيت بقالي شهور من كتر ما سمعت عنه كلام جميل عن فوائده  وعادة معظم الزيوت أو ماسكات الشعر بسأل صديقتي اللى حكيت عنها قبل كده الله يحفظها.


الموضوع عن
زيت قرع العسل / زيت اليقطين
أولا قرع العسل ده نوع من الفواكه لونه أصفر موجود في أماكن كثيرة في العالم زي نيوزيلاندا / أمريكا / أستراليا
مشهور جدا بيتعمل بيه حلويات والكعك  وكمان شوفت ناس بتستخدم الزيت ك DRESSING للسلطات.



طيب ايه الفائدة أو القيمة الغذائية المفيدة في اليقطين ؟

لما بحثت عنه لقيت  قرع العسل بيحتوي على العديد من الفيتامينات زي ج أ  A C E و كمان الكثير من المعادن زي الحديد و الماغنسيوم والبوتاسيوم وغني بمضادات الأكسدة والبروتين وكل ده يضيف قيمة  ويبقى مفيد لينا جدا في العناية بالشعر والبشرة.

بس أنا جربته للشعر بس حقيقة مش لبشرتي خالص على الرغم أنى شوفت ريفيوهات لناس بتقول أنه جيد جدا للبشرة الدهنية لأنه غني بالبروتين فبيساعد على التخلص من السموم والتخلص من الزيت الزائد للبشرة الدهنية  وبالتالى هيقلل من ظهور حب الشباب بس جربته لشعرى فقط.

عادة أي حاجه غنية بفيتامين ج بتبقى مضادات أكسدة قوية ومفيدة جدا للبشرة والشعر
و كمان أي حاجة بتحتوي على فيتامين إي  E بتبقى كمان بتعزز تجديد الخلايا
فدول لما بنشوفهم في مكونات أي منتج بيبقوا مشجعين جدا لينا أننا نجرب ونشوف النتائج.

فوائد زيت قرع العسل للشعر :
يحتوي قرع العسل على نسبة عالية من الماء حوالي 90 % و بالتالي هو مرطب قوي جدا لجفاف الشعر و كمان غني بالمعادن زي الماغنسيوم و البوتاسيوم وكمان الزنك والاوميجا فمغذي جدا للشعر و بالطريقة دى بيساعد على علاج و تقليل التساقط بشكل واضح 

ممكن تستخدموه بشكل مباشر كماسك للشعر 
هيغذي فروة الرأس
 والفروة الصحية مهمة جدا لأنها هي اللى هتديني شعر صحي 

و  يقلل التساقط و بيساعد فى إنبات الشعر 

و لقيت و أنا بدور عنه قبل ما أشتريه إنه كمان بيقلل من ظهور الشيب المبكر

تجرببتي الشخصية مع زيت قرع العسل :

كانت أول مرة أسمع عنه واشتريه وبقيت بضيفه على خليط الزيوت لما بعمل حمام زيت لشعري 

ساعدني إني لاحظت إن التساقط قل عن الأول. 
بقى عدد الشعرات اللى بيقع فى إطار العدد العادي فى اليوم 

الماسك اللى بعمله جدا و قولتلكم فرق معايا أنه قللي التساقط و حسن من الشعر بجانب الزيوت الثانية 

ربع كوب من زيت قرع العسل 

+ معلقتين صغيرين من زيت النعناع أو حوالي 2 مل كده 

وممكن أوقات أضيف زيت خروع وأوقات لا بكتفي بالنعناع وزيت قرع العسل
 وأدلك بيه شعري حوالى 5 دقائق وأسيبه ليلة كاملة 
وبغسله تاني يوم أو لو مستعجلة بسيبه 3 ساعات و بعدين أغسله .

مشكلتي معاه إني مش بحب ريحته أوي بس مش مشكلة كبيرة يعني


بيساعد النعناع جدا أنه يزود تدفق الدم لفروة الشعرويغذى الفروة و يوقف التساقط و ممكن يساعد كمان فى الإنبات بس انا ملحظتش لسه أنه نبت معايا فى شعري بيبي هير جديد 

أشتريته من موقع أيهيرب و فيه تدوينة كاملة عن المفضلات من ايهيرب للشعر (اضغط هنا) 

و ممكن كمان تستخدموا كود الخصم ده هيديكوا خصم إضافي على أي أوردر/ طلبية هتطلبوها من الموقع 
كود الخصم : AGY9953

بس كده خلصنا كلامنا النهاردة 

يارب يكون عجبكم واستفادتوا حاجة جديدة 

 دمتم جميلات .....

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming