MermaidCharming MermaidCharming

آخر الأخبار

جاري التحميل ...

مشترياتي من اي هيرب | MY PURCHASE FROM IHERB


بسم الله الرحمن الرحيم

صباح / مساء الجمال عليكم صبايا

كنت اتسألت عن مكان موثوق أجيب منه الزيوت فانا بالنسبالي أكتر موقع بثق فيه وفي جودة المنتجات عندهم هو موقع أيهرب وبشتري منه كثير جدا.


بتلاقواعليه يا بنات منتجات كثير عناية بالجسم وعناية بالشعر والبشرة وكثير من المنتجات والمستحضرات وأدوات التجميل والمكياج اللي موجودين فى الصيدليات بأسعار مرتفعه موجودين عليه بأسعار أقل بكثير 
أنا مدمنة الموقع ده وكل منتجات موقع أيهيرب وأرشحه بقوة لكل اللي بيسأل على منتجات أصلي و ثقة.

فيه كمان منتجات عضوية وأغذية ومكملات وفيتامينات كثير للجيم والشعر وفيتامينات للصحة العامة.


اي هيرب موقع متنوع و ثقة هكلكم النهاردة عن منتجات بشتريها منه تقريبا بشكل معتاد وبالنسبالي من الأساسيات ولو حبيتوا الموضوع بعرضلكم دائما الطلبيات القادمة من ايهيرب.



مزايا موقع اي هيرب:


موقع أيهيرب بيشحن من أمريكا مباشرة فيه خدمة توصيل لحد البيت والدفع كمان عند الاستلام  بيأخذ تقريبا في حدود الأسبوع وبتكون الطلبية واصلة ويمكن قبل المدة كمان وبتوصل في أحسن حالة ومتقفل كويس
 موقع ايهيرب يوفر أكثر من شركة شحن مثال: أرامكس و DHL , YDVIوسمسا غيرهم 

دائما هتلاقوا يوميا تقريبا FLASH SALE على مجموعة من المنتجات سواء فيتامينات أو سيرم للبشرة أو كريمات أو منتجات عضوية وغيره.


وكمان أوقات كثير بيبقى فيه خصومات على منتجات أو براند معين لمدة من الوقت من تاريخ معين لتاريخ تاني.

وممكن كمان تستخدموا كود الخصم أيهيرب بتاعي لو حابين هيديكوا خصم إضافي تقريبا 10% على الأوردر بتاعكم 
AGY9953



طيب هنشوف سوا الطلبية اليوم دي فيها ايه معظمها أو كلها متعلقة بالشعر.



أفضل زيوت للشعر في اي هيرب: 


هتلاقوا فيها جزء من الزيوت اللي بقيت بستخدمها لشعري وبستخدمها فى حمام الزيت أو أعمل خلطات بيها مرة أو اتنين أسبوعيا (ده لما بكون مهتمة أوي بشعري مش دايما )
وفيه زيوت ثانية محتاجة أطلبها المرة اللي جاية وأجربها.
_____________________________

هتلاقوا زيت بذور العنب و كنا اتكلمنا عنه بالتفصيل سوا قبل كده (للإطلاع اضغط هنا )

GRAPESEED OILS FROM HERITAGE STORE
وده فعلا من الزيوت اللي بحبها جداا و بعتمد عليها في الترطيب للبشرة والشعر وبالذات إننا داخلين على الشتاء فنبدأ نعتمد أكثر على الزيوت في الترطيب.
_____________________________

و فيه زيت قرع العسل اتكلمنا فيه سوا من قريب (لمطالعة الموضوع اضغط هنا )

PUMPKIN OIL 
دي تاني مره أطلبه هو فيه ناس بتستعمله  SALAD DRESSING  وبيقولوا حلو بس أنا مجرتش
باستخدمه استخدام تاني خالص لشعري بضيف عليه نقط من زيت النعناع.
بيساعد فى تحفيز نمو الشعر و بيفرد التجاعيد اللي فى الشعر و بيخليها كيرلي جميل، بيقلل من التساقط.

_____________________________

وفيه زيت اللوز الحلو وده العشق بالنسبة لي وطبعا حكينا فيه سوا لغاية ما زهقتهم منى للإطلاع على فوائد و استخدامات زيت اللوز الحلو (اضغط هنا )

SWEET ALMOND OIL FROM NOW 
بستخدمه كتير جدا للشعر أو نقطة منه تحت عيني كل يوم قبل ما أنام ترطيب لتحت العين وبيفتح الهالات من درجة لدرجتين وبيدى شكل حلو لتحت العين بعيدا عن الإرهاق.
_____________________________

وفيه زيت الجوجوبا أول مرة أطلبه هجربه وأحكم عليه

بس طبعا سامعة عنه كتير جدااا بس تجربتي معاه لسه و لسه معرفش هدخله فى ايه بالظبط بس هقولكم هعمل بيه ايه بالظبط.
_____________________________________________

وأشتريت كمان زبدة جوز الهند COCONUT BUTTER FROM NOW 
مش أول مرة أطلبه وفيه نوع ثاني هنزلكم صورته مبستغناش عنه.
بستخدمها كتير بستخدمها تقريبا بشكل أسبوعي في خلطة الزيوت لشعري بعمل بيها حمام زيت
بيساعد في ترطيب الشعر و تغذيته بقوة.
بصوا فيه كلام كثير أوي عن جوز الهند بين إنه يعتبر من الزيوت التقيلة ولا من الزيوت الخفيفة وأنا صراحة احترت بس الأكيد اللي مفيش خلاف عليه إنه من أقوى الزيوت في الترطيب والتغذية.
ومرة عملت بيه مزيل مكياج ممكن أبقى أنزل طريقته لو حابين.                              _____________________________  

زيت المكاديما:

من الزيوت اللي ناوية أنزل موضوع عنها قريب أو تقريبا محضراه.
معروف جدا زيت المكاديميا و فيه مجموعات عناية بالبشرة والشعر كاملة بتحتوى عليه و بيبقى أسعارها عالية وده لأنه فعلا يتميز بترطيبه العالي وكمان خفيف على البشرة جدا.
بحب أضيفه على البلسم وأنا بغسل شعري بيطري شعري جدا.
و بحب اضيفه كمان على كريمات ترطيب الجسم
________________________________

و بالنسبه للشامبو ده اول مره أطلبهACURE SHAMPOO AND CONDITIONER 
كنت بدور على شامبو للشعر طبيعي ومناسب للكيرلي ف لاقيت الشامبو ده ف لسه مقدرش أحكم عليه دلوقتى ده أول استخدام
هجربه و أعملكم مراجعة ليه قريباا و التعليقات عليه إيجابية.

تعديل: نزلت تدوينة عن شامبو ACURE ومميزاته اللي شدتني والعيوب اللي معجبتنيش وسؤال هل اشتريه ثاني ولا ؟!!

استنوا باقي المشتريات من أيهيرب في المرات اللي جاية وأيه أكثر الحاجات اللي عجبتني
و قولولي أيه الحاجات اللى مدمنينها و مجربينها من الموقع.

خلصنا التدوينة النهاردة.
دمتم جميلات ...

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming