MermaidCharming MermaidCharming

آخر الأخبار

جاري التحميل ...

طريقة عمل المندي الفراخ بالفرن/ MANDI CHICKEN AT HOME


بسم الله الرحمن الرحيم 
كيف الأحوال 
ندخل في الموضوع علطول النهاردة مش وصفة حلو 
النهاردة الغدا عندنا 
تقريبا أسهل وجبة غدا كله فى الفرن يستوي مش أسهل و لأ انجز من كده 
وصفة النهاردة مندي فراخ سهلة و سريعة و لذيذة.
و فعلا طعمه تحفة جداا طيب جدا و يشرف فى العزومات كمان 
يلا بينا 

المقادير 
فرخة 
2 كوب ارز بمستى 
3 أكواب ماء ساخنة أو شوربة حسب الرغبة 
ورق الغار / ورا لورا
حبهان 
قرنفل
2 فلفل حار
أعواد قرفة 
بهارات (ملح /فلفل / بهارات مشكله)

يلا نبدأ الطريقة 
أولا الفرخة يبقى الاحسن نتبلها من بليل و نسيبها في الثلاجة و تاني يوم تبقى على الفرن علطول 

تتبيلة الفراخ 
طبعا كل واحد حسب رغبته يتبلها أزاي بس هقولكم تتبيلة للمندي تحفة 
3 معالق دبس رمان / معلقة  صغيرة كزبرة ناشفة / معلقة هيل مطحون  صغيرة(حبهان مطون ) /معلقتين صغيرين ملح 
معلقة بهارات مشكلة / 3 فصوص توم مهروس ناعم /معلقة كبيرة  زبادي/ربع كوب زيت/ ربع كوب ميا مدوب فيه معلقة كركر ورشة صغيرة  زعفران  عارفين إن الزعفران غالي طبعا (طبعا كل واحد حسب اللي بيحبه يغير حاجات يضيف حاجات )
و نخلط كل الخليط بتاع التتبيلة سوا 
و نبيت الفرخة في التتبيلة ليلة كاملة او لو مش هنقدر 3 / اربع ساعات 

 في الصينية البيركس بتاعتنا
هنضع 2 كوب أرز بسمتي مغسول 
و نضيف عليهم 3 أكواب شربة ساخنة (أو 3 أكواب ماء و عليهم مكعب مرقة هي هي )

يلا نبدأ الطريقة 
أولا الفرخة يبقى الأحسن نتبلها من بليل و نسيبها فى الثلاجة و تاني يوم تبقي على الفرن علطول 

تتبيلة الفراخ 
طبعا كل واحد حسب رغبته يتبلها ازاي بس هقولكم تتبيلة للمندي تحفة 
3 معالق دبس رمان / معلقة  صغيرة كزبرة ناشفة / معلقة هيل مطحون  صغيرة(حبهان مطون ) /معلقتين صغيرين ملح 
معلقة بهارات مشكلة / 3 فصوص توم مهروس ناعم /معلقة كبيرة  زبادي/ربع كوب زيت/ ربع كوب ميا مدوب فيه معلقة كركر و  رشة صغيرة  زعفران  عارفين ان الزعفران غالي طبعا (طبعا كل واحد حسب اللي بيحبه يغير حاجات يضيف حاجات )
و نخلط كل الخليط بتاع التتبيلة سوا 
و نبيت الفرخة فى التتبيلة ليلة كاملة او لو مش هنقدر 3 / اربع ساعات 

 فى الصينية البيركس بتاعتنا
هنضع 2 كوب أرز بسمتي مغسول 
و نضيف عليهم 3 أكواب شوربة ساخنة (أو 3 أكواب ماء وعليهم مكعب مرقة هي هي )

بعدها هنغطى البيركس بحوالي 3 / 4 ورقات من ورق الألومنيوم / القصدير و نقفلهم من الجناب جامد و بالشوكة بتاعتنا نعمل فتحات في الورق الألومنيوم زي الصورة  ( لأن الفرخة بتاعتنا هتستوي على البخار )

وبعدين هنحط الفرخة بتاعتنا على الورق الألومنيوم اللى فيه فتحات 
و نغطي الفرخة بتاعتنا بورق ألومنيوم واحدة من فوق 

و بس كده ندخلها الفرن على درجة حرارة 200 يكون فرن ساخن مسبقا
حوالي بتاخد فى الفرن 50 دقيقة وعلى حسب كل فرن 
بنشيل الورقة الألومنيوم اللي فوق الفرخة و نخليها تحت الشواية تاخد وش الشوي و بس خلاص 

في الصور فيه حشوة على الوش دي أختيارى بس بتدى للأكل طعم جميل و غني أول مرة اكلتها كانت فى مطعم بره البيت و سألت على طريقتها و قالي كده 
أسمها حشوة / كشنة 
فى زيت ساخن بننزل بصنوبر يتحمر شوية (مكنش عندي صنوبر النهاردة وانا بعملها صراحة )

وبعد ما يتحمر ننزل بالبصل بتاعتنا نكون مقطعينه جوانح / حلقات اللي تحبوه 
و نفضل نقلب فيه باستمرار لما يبدأ اللون يحمر نزود البهارات (ملح / فلفل/ بهارات عربية أو بهارات مشكلة)
و لما خلاص نوصل لدرجة اللون الغامق ننزل بشوية زبيب معاه في الزيت 
مجرد بس الزبيب ينتفخ ما يتحرق 
و خلاص كده نصفيها من الزيت الساخن علشان ميغمقش جدا و نوزعه على الأرز بتاعنا دايما ببتقدم كده في العزائم و المناسبات 
وأوقات  بتتعمل كميات كمان من الكشنة و تخزنها 

خلصنا كل التفاصيل 
فعلا أكلة النهاردة مش بتاخد مجهود هي بتستوى كلها فى الفرن و طعمها ولا أطيب صراحة 
وحتى خطوة الحشوة دي اختياري لو مش عاوزة تعمليها 
بالهنا و الشفا 
دمتم بصحة و حب ..

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming