MermaidCharming MermaidCharming

آخر الأخبار

جاري التحميل ...

ماسك للشعر التالف/ MASK FOR DAMAGED HAIR

ماسك الموز والأفوكادو للشعر التالف

بسم الله الرحمن الرحيم 
صباحكم/ مساءكم جميل صبايا 
كيف الحال ؟

بما أني الأيام بعاني إن شعري تالف جدا فصديقة قريبة لقلبي نصحتني بالماسك ده و عجبني جدا و طرى شعرى جداا و خلاه صحي فحبيت أشاركه معاكم لعل وعسى حد فيكم يا بنات يلاقي اللى بيدور عليه.
كتير مننا بيعاني من تلف الشعر من الخروج ومن الشمس و من أوقات كتير شغل البيت و بيتعرض طول اليوم للتراب أو الرطوبة أو بنعرض شعرنا لحرارة كثير بيبي ليس / سشوار 
فبيكون معرض للتلف جدا فالماسك ده علاج قوي لتلف الشعر و مكوناته طبيعية وطريقة تحضيره سهلة جدا.

وعادة أحنا كبنات دائما نبحث عن شعر صحي وأنيق لأنه دائما يبعث الثقة فينا وإننا نحصل على شعر صحي وجميل محتاج عناية وطريق العناية يجب معرفة الأول نوع شعرنا علشان نقدر نحدد العناية المثالية لكل نوع شعر ونحدد احتياجات شعرنا وتقدروا تحددوا نوع شعركم  زي ما اتناقشنا سوا قبل كده (للاطلاع اضغط هنا) .

العناية بالشعر مرة أو مرتين في الأسبوع عن طريق حمامات الزيوت الطبيعية أو ماسكات للشعر تقدر تُحدث فارق كبير في شعرنا. 
موضوع النهاردة واحد من أكثر الماسكات فعالية في ترطيب الشعر وإصلاح التلف.


ماسك الأفوكادو للشعر التالف والجاف


مكونات الماسك :
موزة
ثمرة أفوكادو
معلقة عسل 
معلقة زبادي كبيرة (اختياري)

طريقة تحضير الماسك: 

هنقوم بهرس الموزة ناعم جدا و نضيف ليها نصف ثمرة الأفوكادو مهروسة ومعلقة صغيرة عسل ونقوم بمزجهم جيدا لغاية ما يبقى قوامهم زي العجينة السائلة كده 

ونضعه على شعرنا كله و نخليه يلمس كل شعرنا من الجذور للأطراف وبس كده نلبس كاب الاستحمام بتاعنا ونسيبه على شعرنا ساعة.
  
أنا بعمله بالهاند بلندر كله على بعض بيطلع ناعم خالص كريمي زي الصورة كده
 بالظبط بعدين نغسل شعرنا بالشامبو المناسب لينا و نرطبه جيدا 
هتحسوا بالفرق و انتو بتغسلوا شعركم بنات.

نصائح سريعة للعناية بالشعر:

 إننا نتجنب غسل الشعر بالماء الساخن والأحسن طبعا الماء الفاتر لأن الماء الساخن بيجرد الشعر من الزيوت الطبيعية، ونستخدم مشط خشب بدلا من الفرشاة عندما يكون مبتلا وممكن الفرشاة المخصصة للتصفيف والشعر مبلل WET BRUSH، ونبدأ بالتصفيف من الأطراف لأعلى ليس العكس ونتركه يجف طبيعيا وإذا احتاجنا تجفيفه بالسشوار| المجفف يكون الأفضل استخدام درجة الجرارة الأقل وليست الأعلى.

 فوائد ماسك الأفوكادو للشعر التالف :

الموز: غني بالفيتامينات المغذية والبوتاسيوم ومضادات أكسدة وكمان بيحتوي على نسبة من الماء علشان كده مرطب جميل للشعر و كنت بفكر والله أجرب شامبو فى THE BODY SHOP BANANA SHAMPOO اللي موجود فى ذا بودي شوب اللي بالموز سامعة عنه كلام جميل من صحباتي. شجعوني أجربه و أقولكم.

الأفوكادو ده غني عن التعريف مفيد مفيد في كل حاجة غنى بالأحماض الأمينية ومضادات الاكسدة و بحب زيت الأفوكادو مرطب قوي للشعر و بيقوي الشعرة نفسها 

العسل مفيد كمرطب للشعر ويساعده على مقاومة التلف وكمان الزبادي بيساعد في الترطيب بشدة.
بس كده خلصنا تدوينتا الصغيرة 
يارب تجربوه و يعجبكم 
دمتم جميلات ...

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming