MermaidCharming MermaidCharming

آخر الأخبار

جاري التحميل ...

ما فوائد إنزيم Q10 للبشرة ؟ إنزيم الشباب ومكافحة الشيخوخة | EUCERINE Q10 ENZYME


بسم الله الرحمن الرحيم
يا صباح / مساء الجمال
اهلا بيكم من تانى
عاملين ايه النهارده ؟ 

جيالكم النهاردة بموضوع خفيف كده بقيت بقابله كثير في المستحضرات والسيرم الموجودة في الماركت أو الصيدليات (ما أكثرهم وكل يوم بيطلع جديد في عالم مستحضرات العناية)

يندرج موضوع النهاردة  تبعا لقائمة طويلة من المنتجات المقاومة للتجاعيد هنشوفها سوا.

موضوعنا عن  إنزيم Q10 أو زي ما بيقولوا عليه إنزيم مكافحة الشيخوخة 
هو عباره عن ايه و فايدته ايه هقولكم حالا ؟ ده محور موضوعنا

أولا ما هو إنزيم Q10؟
اسمه  UBIQUINONE أوإنزيم  مساعدQ10 أو Q10 اختصارا علطول

هو إنزيم بيتم إفرازه في الجسم بشكل طبيعي ومهم جدااا لجسمنا حيث إنه بيدخل في تصنيع الطاقة الخلوية لأعضاء جسمنا (القلب - الكبد ....)التي تعد مصدر الطاقة والأطباء بيستخدموه في علاج أمراض القلب و السكري.

  
حيث أن الجلد/البشرة أكبر أعضاء جسم الإنسان فبيساعد إنه يقلل الضرر اللي ممكن يصيب البشرة ويملك خواص مقاومة الشيخوخة.

 وكمان بيعمل على حماية خلايا الجسم من خطر الأكسدة حيث إنه بيعمل كمضاد للتاكسد ويساعد على حماية أعضاء الجسم المختلفة وبالتالي بيقاوم ويقلل من تأكسد البشرة.

ولكن للأسف بيقل إفرازه مع التقدم في العمر يعنى ممكن يبدأ يقل من بعد عمر العشرين كده وده ممكن بسبب عوامل خارجية مثل كثرة التعرض للشمس ومع تقدم السن بشرتنا بتصبح ارق فتبدأ التجاعيد والخطوط تظهر.

وممكن بسبب عوامل داخلية  زي سوء التغذية أو أمراض أو خلل جيني.

ومن هنا جاءت الصيحات بإن إنزيم Q10 هو إنزيم الشباب وإنه بيساعد يقلل من معدل فقد الكولاجين و الإيلاستين اللي كل ما بنتقدم في السن بيزيد وبيسبب التجاعيد، ده غير دوره المضاد للأكسدة.


تجربتي الشخصية مع كريم إنزيم Q10:       

أنا بسستخدمه بدافع الحماية من ظهور التجاعيد مش لازم تظهر وبعدين نشوف هعمل ايه

بحاول من بدري أسيطر على الموضوع واخد بالي من الخطوط اللي بتظهر.
بس كان عندى خط ظاهر فى جبيني شكله بقى اخف عن الأول تدريجي بس مراحش خالص واستخدمت عبوتين لحد دلوقتي 
عقبال ما تروح الخطوط دي خالص (بس مش بضايق منها)

بستخدمه قبل التعرض للشمس علشان أقلل من مشاكل التعرض للشمس و بالذات في الأيام اللي بيبقى فيها دوامات طويلة بره البيت بجانب طبعا الواقي من الشمس.

كمان ترطيبه عالي جدا وبيحافظ على بشرتي ودي من مميزاته الجميلة

عيبه بالنسبة لي أن حجمه مش كبير وسعره مش قليل 

هو بيوعد انه بيخفف من شكل التجاعيد فى 6 سابيع فهجربه بشكل منفصل مع  مامتى إن شاء الله و أبلغكم النتيج علشان أقدر احكم اكثر في الوعد اللى بيوعده ده
بس كده خلصنا كلامنا النهاردة
اللي ليها تجارب من منتجات الQ10 أو منتجات عجبتها من EUCERINEتشاركنا

  دمتم جميلات ....



عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming