MermaidCharming MermaidCharming

آخر الأخبار

جاري التحميل ...

طريقه عمل تنت توريد الخدود و الشفايف / Long lasting cheek and lip tint


طريقه عمل تنت توريد الخدود و الشفايف / Long lasting cheek and lip tint 


اهلا يا حلوات
صباح / مساء الجمال
عاملين ايه النهارده ؟ اتمنى تكونوا فى رواق و راحه بال
هقولكم النهارده على وصفه سهله  جدا جدااا و سريعه جدا و رخيصه جدا نعمل فى البيت بديل لمنتج غالى فى السوق و عامل صيحه جدا حاليا
هنعمل سوا التنت cheek and lip tint / المورد (كل واحد يشوف بيقول عليه ايه <3 ) و اوعدكم هتلاقوه ثابت جدا جدااا long lasting


المكونات سهله                                                             

- ميا مقطره من الصيدليه
(purified water )

- ميا ورد (rose water )

- عكر فاسى و ممكن نستخدم بداله لون طعام احمر
(بس حقيقه لون العكر الفاسى بيبقى احمر اكتر من لون الطعام )

- زيت وجه ( face oil )
اى نوع تكونوا بتستخدموه (nuxe / rosehip/ alomond/ grapeseed .....)










الطريقه مفيش اسهل من كده       


هحط من (2-4 مل )من الميا + هحط عليهم( 2-4 مل )  ميا الورد +هضيف عليهم ( .5 -1مل  من زيت الوجه  + شويه عكر فاسى او .5 مل من لون الطعام
بس كده نقلبهم سوا و نشوف تركيز اللون
و نحط فى علبه nail polish / علبه مانكير فاضيه تكون عندنا
و نستخدمه بقى
هيعجبكم جدااا و ثابت لساعات فعلا

انا من الناس اللى بحب التنت جدا بحبه احط على الشفايف قبل اى روج بيخلى لون الروج احلى و ازهى و اوضح
وكمان ينفع جدا فى لوكات الجامعه و الدوام الخفيفه اللى مش بنبقى محتاجين بلاشر كتير و كده و خاصه انه ثابت كمان
و حطين فيه زيت مرطب علشان ميسببش تحسس لاى حد



هتلاقوه الصوره اللى حطاها عامله منها سواتش للون / color swatch
يارب يعجبكم
خلصنا

                             دمتم جميلات ...... 

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming