MermaidCharming MermaidCharming

آخر الأخبار

جاري التحميل ...

طريقة عمل كيك السينامون /CINNAMON CAKE


كيك السينامون



بسم الله الرحمن الرحيم 



عاملين ايه يا حلويات 

صباحكم / مساءكم جميل يا حلويات 
وحلويات علشان النهاردة هنقول وصفة حلوة لكيك طعمه لذيذ جدا جداااا 
طبعا أنا من البداية كده من محبين روايح الخبز و الكيك فى البيت بتدي راحة و بركة للبيت و بتعمل أجواء حلوة كده 
هنقول النهاردة وصفة كيك لذيذ جميل لما يبقى عندنا ضيوف هيبقى شكله جميل و طعمه ولا أجمل و كمان ينفع للفطور الصبح مع مج نسكافيه و بداية جميلة ليومنا 


موضوع النهارده وصفتنا   طريقة عمل كيك السينامون  / CINNAMON CAKE  ولا أجمل و لا أشهى منها 

اللي بيحب السينامون رولز  CINNAMON ROLLS طبعاا (أعتقد إننا كتير اللي بنحبها ) هيحب الوصفة دي جدا لأن السينامون رولز بيأخد شوية وقت وأحنا بنعمله فب البيت (بس طعمه يستحق الصراحة) 
النهاردة كيك السينامون CINNAMON CAKE   هيدينا طعم ملوش مثيل وأحلى و بمجهود أسهل وأسرع.

يلا رغينا كتير معاكم يلا نبدأ الوصفة. 



كيك سينامون سهل وطعمه لذيذ


المكونات :          

4 بيضات 
معلقة فانيليا صغيرة
معلقة خل كبيرة 
نص كوب زيت نباتى 
كوب سكر ناعم 
كوب لبن 
معلقتين زبادي 
رشة ملح 
2كوب و نص دقيق منخول 
معلقة كبيرة بيكينج باودر
                                                                                                          
الحشو :                                                                                    
 معلقتين قرفة
معلقين كاكاو 
معلقتين سكر 

الصوص :          

8-6 حبات جبنة كيرى / مثلثاث
ربع كوب حليب محلى مكثف 
ربع فنجان لبن  (بحب الصوص حادق  شوية مش مسكر أوي و دي أزواق ) 
كيك سينامون


يلا بينا نبدأ 

الطريقة:            

أولا في الخلاط بتاعنا أو بالمضرب المخصص للكيك أو العجان الأسهل ليكم و اللي يريحكم 

هنبدأ نضرب ال 4 بيضات و معلقة الفانيليا 
ثم نضيف معلقة الخل و نكمل خفق 
و نضيف السكر تدريجيا مع استمرار الخفق 
ثم نضيف نص كوب الزيت النباتى تدريجيا و نكمل خفق ونضيف رشة الملح ومعلقتين الزبادي و نكمل الخفق الجيد 
ونبدأ نضيف كوب اللبن واحدة واحدة و نخفق جيداا 


فى البولة بتاعتنا نحضر كوبيتين ونص الدقيق يكون منخول جيدا (ننخله مرة واتنين كل ما كان منخول أكتر يد نتيجه أحلى فى الكيك )
و ننزل على الدقيق بتاعنا بالخليط اللى عملناه وواحدة واحده بالمضرب و نخلطهم سوا جيدا لحد ما نوصل للقوام المثالى للكيك 

و نحضر الحشوة بتاعتنا نضيف معلقتين السكر ومعلقتين الكاكاو ومعلقين القرفة وندمجهم سوا 


وفي صينية مبطنة جيدا بمعلقة زيت و نرش دقيق خفيف نبطنها جيدا (بحب القالب المفرغ من النص في الكيكات اللي بصوص بيبقى جميل في التقديم و طبعا أي قالب كيك زي الفل)


ننزل بنص الخليط بتاعنا في القالب وبعدين نضيف الحشوة بتاعتنا (قرفه + سكر + كاكاو ) و بعدين ننزل باقي / النص الباقي من خليط الكيك 

وخلاص كده و نخبط على الصينية من كل الجوانب علشان نساوي الكيك و نفرغ منه أي فقعات هواء موجودة جواها

على فرن سخن مسبقا ندخلها في الرف الأوسط على حرارة 180-200 بتقعد حوالى 30-40 دقيقهةو نختبرها الأول قبل ما نطلعها ب خلةااسنان 


وخلاص كده الكيك الذيذ جاهز (طعمه ورائحته خيال فوق ما تتخيلوا )

الجناش / التزيين زي طبعا ما تحبوا أنا محضرة الصوص ده ممكن حد تاني يبقى محضر صوص الشيكولاته والكراميل مثلا و مكسرات كل واحد زى ما يحب 


حطيت عليها الصوص التحفه دى ورشيت عليها شيكولاته و بقت جاهزه على التقديم 

كيك فخم لذيذ طعمه يبسط  ومناسب للتقديم جدا 
وبالهنا عليكم جميعا 

   دمتم جميلات ...

كيك سينامون بطعم خرافي وصوص كريمي



عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming