MermaidCharming MermaidCharming

آخر الأخبار

جاري التحميل ...

كرات كفتة الدجاج الصحية بالكريمة /chicken balls in creamy sauce

وصفة صجية بالفراخ والصوص الكريمي اللايت

صباح / مساء الخيرات
خلى وصفة الغداء بتاعكم النهاردة علينا وأوعدكم هتتبسطوا
وصفة النهاردة برضه وصفة سهلة وصحية وطعمها لذيذ جدااا جداااااااا
بنحاول نلاقى وصفات صحية وفى نفس الوقت متحسسناش إننا بنتعذب في الأكل ولا إننا بنأكل أكل مش حلو
لو حبيتو الأكلات دي هعملكم وصفات تاني وثالث لحد ما تزهقوا مني
(أنا مش بخس ولا حاجة بس بحاول ميبقاش كله تقيل شوية وشوية يعني)

يلا نقول الوصفة النهاردة جربوها واحكموا وأنا كسبانة الرهان ده


المقادير             

صدر فرخة
بهارات (ملح -فلفل أسود - ملح - بابريكا - ثوم بودر - بصل بودر -زنجبيل - كركم - كاري  ولو فيه بهارات تانى بتحبوها زودا)
2 معلقة كبار شوفان مطحون
علبة كريمة طبخ  حجم صغير (  200 مل ) قليلة الدسم
معلقة نشاء
ليمون
 كوب لبن قليل الدسم



الطريقة          
في الكبة / أو المفرمة هنحط صدر الدجاج يتفرم فرم ناعم جدا و نضيف عليه تشكيلة البهارات
ثم نضيف عليها معلقتين الشوفان المطحون (الشوفان بيخليها متماسكة)
و نتركها شوية و نبدأ نشكلها كور أو الشكل اللي تحبوه  وندخلها الفريزر ربع ساعة أو الثلاجة نص ساعة.
ومنها على الجريل الممسوحة بالزيت أو القلاية أو في الفرن لما تستوي.




نجهز الصوص الكريمي بتاعنا اللذيذ


- فى حلة صغيرة على النار كوب اللبن ونذوب فيه معلقة كبيرة من النشاء و نضيف معلقة صغيرة من كلا من البهارات اللى ذكرناها فوق ونضيف علبة الكريمة قليلة الدسم.


- ونضيف عصرة ليمون/ معلقة عصير ليمون.


- ونبدأ التقليب لحد ما يتقل معانا الكريمة و توصل للقوام اللي بتحبوه


- ونضيف على الصوص كرات الدجاج اللي جهزناها.


بس كده خلصنا


شوفتوا سهلة وسريعة أزاي وكمان أوعدكم بطعم لذيذ وغنى كده.

مش هتأخذ وقت وكمان الصوص لذيذ والفراخ طعمها لذيذ 
اللي بعرف وصفات صحية وسهلة يكتبلنا ونجربها سوا
هنى وعافية
 دمتم جميلات ......
كرات الفراخ بصوص كريمي قليل الدسم

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming