MermaidCharming MermaidCharming

آخر الأخبار

جاري التحميل ...

4 أخطاء شائعة عند وضع الهايلايتر / HIGHLIGHTER MISTAKES YOU ARE DOING

بسم الله الرحمن الرحيم 
كيفكم يا صبايا 

من الأسئلة اللى وصلت صفحتنا من بنت جميلة كانت سؤالها 
انا ليه بحس لما بحط الهايلايتر (الإضاءة ) بشرتى لونها بيغمق لونى حتى لو بالنهار  عكس بشوف بنات تانية بيفتح لونها و بيبقى شكله جميل ؟
فده نبهنى  أننا نتكلم عن أخطاء الهايايتر التى ممكن أن تفسد الميك أب 
فالموضوع ده للبنت الجميلة بالتفصيل 
عادة الأضاءة بنستخدمها علشان نفتح اماكن فى الوش و تضيف تنوير و رونق و نضارة لبشرتنا. بس زيها زي أي حاجه لما نستخدمها صح نوصل لأحسن نتيجة أما لو استخدمناها بشكل خاطىء تدي نتيجة عكسية. بدل ما ينور البشرة هيخلي البشرة لونها رمادي أو بني. وطبعا فيه انواع مشهورة جدا HIGH END زي إضاءة اوفرا أو انستازيا و فينتي بيوتي 
و فيه إضاءات / هايلايتر DRUG STORE حلوين جدا برضه زي كاتريس CATRICE او WETnWILD  ويت اند ويلد او MAYBELLINE مايبلين 
 ممكن حد يفكر أن الغلط من أختيار الانواع بس لا !
الاخطاء اللى بنعملها ملهاش علاقه بالمنتج بتاعنا HIGHEND ولا DRUG STORE ؟ 
هو ده سؤالنا النهاردة و موضوعنا 

4 أخطاء شائعة عند وضع الهايلايتر / HIGHLIGHTER MISTAKES YOU ARE DOING 

  • اختيار اللون الخاطىء 
بمعنى لا يصح اختيار درجة لون متوسطة -غامقة أذا كانت بشرتك لونها فاتح (أصحاب البشرة البيضا ) 
و ايضا لا يصح اختيار درجه فاتحة اذا كانت بشرتك لونها من متوسط - قمحى - حنطى - للداكن 
ببساطة اهم عامل هو اختيار درجه اللون الصح المناسبة للون بشرتك ايا كان نوع الهايلايتر ايه سواء كريمى باودر او سائل.


  • وضع كميات كبيرة من الهايلايترأو وضع طبقات كتيرة من غير دمج جيد 
اوقات بنحط كميات كتير من الهايلايتر او بنفضل نعيد و نزود طبقات جديدة من الهايلايتر على أساس ان اللوك كده يبقى أحلى بس بالعكس اللوك النهائي بيبقى مش حلو.
  • استخدام فرشاة غير مناسبة فى الدمج 
بمعنى يا بنات لما استخدم النوع الباودر استخدم فرشاة مناسبه زى الفرشاة اللى شبه المروحة FAN BRUSH او فرشاة زى ال SETTING BRUSH REAL TECHNIQUE أو فرشاة زى فرشاة الدمج الخاصة بالشادو و نحط و ندمج بيها 
لو هنستخدم الهايلايتر الكريمي يبقى ندمج بالبيوتي بلندر كويس جدا أاو فرشاة زى اللى بنوزع بيها الفاونديشن 
  • عدم دمج الهايلايتر بطريقة صحيحة 
تالت سبب بشوف بنات بتعمله هو انها بتحط طبقة من الهايلايتر من غير دمج فتحس انه منفصل عن البلاشر أو البرونز أو الكونتور بتاعنا  علشان نوصل لنتيجة جميلة لازم الدمج يعنى لو بنستخدم الباودر نحطه بالفرشاة المناسبة برفق كده من غير ضغط و نبدا نحرك الفرشاة حركة دائرية و ندمج كله سوا 
ولو بنستخدم الكريمى بندمجه بالبيةتى بلندر بحركة الطبطبة برفق 

عاوزه اقولكم TIP صغيرة 
الهايلايتر بيبرز المكان اللى بنحطه عليه و يبينه و بيخلى عنينا تركز عليه فبلاش لو حد عنده مسام واسعة بنات يحط الهايلايتر على المسام هيبرزها أكتر و يخلينا نركز أكتر مع المسام و ده يبقى عيب فى المكياج مش حلو 
فالأحسن نبعد عن أماكن المسام الواسعة و نحط على عظمة الخد 
و لو عاوزين نحط على منطقة فيها مسام يبقى نركز جدا اننا نقفل المسام كويس جدا من و احنا بنجهز بشرتتنا قبل الميكب نستخدم التونر المناسب لينا 
و بعد المرطب نستخدم برايمر كويس قوي يقفل المسام كويس و يدينا لوك ناعم 
بس كده خلصنا 
اتمنى أكون ساعدت البنوتة الجميلة و ساعدت أى بنوتة تانيه و أضفت حاجه جديدة 
بسعد جدا بأى سؤ ال منكم 

دمتم جميلات...........

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming