MermaidCharming MermaidCharming

آخر الأخبار

جاري التحميل ...

برياني تونة / TUNA BIRYANI

برياني التونة
هلا و غلا 
قولت ادخل دخله خليجى يتناسب من الوصفه بتاعت النهارده
اولا صراحه مش انا صاحبه الوصفه ولا انا اللى عملتها زوجى هو اللى عملها ومش عارفه جابها منين بس بشكره جدااا لانها طلعت تحفه وحبيت جدااا 
يلا اقولهالكم من غير رغى كتير 
 وصفه النهارده بريانى تونه (كان فيه وصفه تانيه للتونه لو حابين تشوفوها اضغط هنا )
عاده احنا متعودين على بريانى لحم / دجاج كده يعنى اول مره اعرف ان فيه بريانى بالسمك بس عرفت و حبييييت صراحه 
على فكره هى اكله سريعه يعى مش هتاخد نص ساعه تقريبا 
يعنى حلوه و سريعه و مختلفه 
يلا بينا 

المكونات :           

 علبتين تونه سواء بالزيت او الماء                            

(ممكن العدد اكتر او اقل على حسب الوجبه لكام فرد )
2 طماطم 
واحده بصله كبيره او 2 وسط 
2 فلفل حراق 
3/4 فصوص توم 
ملح -فلفل - كارى - بهارات عربيه او مشكله -بابريكا -جنزبيل -شطه (على حسب )
ممكن بطاطس (اختيارى ) 
ارز بسمتى 
عود قرفه - ورق لورى (ورق غار) - حبهان (هيل) - قرنفل 
معلقتين سمن /زبده 



الطريقه :

اولا هنغسل الارز كويس جدا و ننقعه شويه علشان نتخلص من النشا الزياده 
هنسلق الرز البسمتى 
ميا سخنه و نضيف عليها القرنفل /الحبهان/ القرفه/ورق الغار ولما الميا تغلى 
ننزل فيه الارز يتسلق (هياخد 5-10 دقايق ) و بعدين نصفىالارز من الميا الزياده (زى المكرونه )

نحضر التونه فى طاسه 
معلقتين /3 زيت و ننزل عليهم بالبصل اللمقطع قطع صغننه و نقلبه تقلبتين 
وبعدين ممكن ننزل بالبطاطس (بتكون مقطعه قطع صغننه اوى علشان تبقى سهل تتسوى ) وده اختيارى ممكن من غير بطاطس 
وبعدين التوم المفروم و الفلفل الاخضر القطع 
و ننزل عليهم بالبهارات اللى قولناها كلها (ملح-فلفل -كارى- بابريكا- بهارات مشكله-جنزبيل) 
ونقلبه كله كويس جدا 
ودقيقتين كده و ننزل بالتونه على الميكس ده و نقلبهم شويه سوا وبعدين الطماطم المقطعه قطع صغننه ونقلب كويس جدا
ونسيبهم سوا على نار متوسطه حوالى 5-7 دقايق هتبقى جاهز الميكس ريحته فظييييييييييعه و طعمه اصلا كده تحفه


اخر خطوه هنجيب الحله بتاعتنا و نحط فيها شويه سمنه او زبده و بعدين نرص نص كميه الارز و بعدين ننزل بكل كميه ميكس التونه و بعدين ننزل بباقى كميه الارز( التونه بين طبقتين ارز )  (زى الفته كده راق ارز وراق  لحمه و راق ارز ) و على الوش نحط شويه زبده او سمنه برضه 
ونسيب الحله على النار شويه الميكس بتاع 5-10دقايق وبعدين نقلبهم كلهم سوا و على التقديم علطول
فعلا طعمها حلووو جدااا مختلف جدااااا و مفيش اى زفاره للتونه 
بس كده يارب تكون سهله بالنسبالكم و تتبسطوا بمزاقها 

                                         دمتم جميلات ....


عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming