MermaidCharming MermaidCharming

آخر الأخبار

جاري التحميل ...

فوائد زيت اللوز الحلو للبشرة والشعر ؟! /sweet almond oil

زيت اللوز الحلو


بسم الله الرحمن الرحيم

صباح/ مساء الرواق و النقاء
كيف حالكم ؟ يارب فى راحة بال

موضوع النهاردة من ضمن سلسلة المواضيع اللي تخص الزيوت الطبيعية المفيدة لعل يارب جميعكم تستفادوا وتوصلوا للنتيجة اللي تتمنوها  اتكلمنا قبل كده عن زيت بذور العنب
يمكنك معرفه فوائد و استخدامات زيت بذور العنب اضغط هنا

من خلال استخدامي مؤخرا للزيوت (مكنتش من محبين الزيوت صراحة) استخدمت زيت اللوز الحلو ووقعت في حبه علطول من أهم الزيوت الطبيعية 
هكلمكم عنه شوية من حيث فوائده واستخداماته وممكن نعمل بيه ايه و ندخله في روتين بشرتنا أو شعرنا ازاي؟

 زيت اللوز الحلو (SWEET ALMOND OIL ) 


فيه نوعين من زيت اللوز
 النوع الأول زيت اللوز المر
 وده  استخدماته أقل شوية من الحلو (بيبقى فيه مادة سامة مش بنستخدمه غير بعد تنقية و معالجة) 
النوع الثاني زيت اللوز الحلو 
استخدماته  منتشرة أكتر و طبعا ده لأنه غني جدا بالفيتامينات وفيتامين H والأحماض الأمينية والمعادن و ده بيخلي ترطيبه عالى جدا.

استخدامات زيت اللوز الحلو للبشره:

بيفتح لون البشرة و بيساعد على محاربة التصبغات 
يستخدم للتقليل من الهالات السوداء
(هكلمكم عنها بشكل خاص لأني مجرباه في النقطة دي )
بيساعد على ترطيب البشرة وتقشيرها تقشير خفيف 
فعال في ترطيب الأيدين والرجلين 
فعال جدااا في ترطيب الشفاه و بالمداومة عليه بيعطي الشفاه لون وردي جميل 


استخدامات زيت اللوز الحلو للشعر: 

يعمل على ترطيب الشعر وإعطاءه لمعان  ونعومة .
يعالج التقصف والجفاف.
بيحفز نمو الشعر.



تجربتي الشخصية مع زيت اللوز الحلو :

أولا لازم تبقى حريصة أن زيت اللوز اللي اشترتيه يكون موثوق فيه. 
أنا عادة بستخدم زيت اللوز من امتنان أو من شركة NOW الأمريكية.
بيبقى لونه ذهبي فاتح أوي كده وملوش ريحة خالص
(لو جيباه من العطار أو مكان مش متاكدة منه و لقيتي لونه غامق أو ليه ريحة يبقى متأكسد وبلاش منه ) 

أنا بستخدمه (كل يوم قبل ما أنام بحط نقطه تحت عيني فعلا ساعدني جدا إن تحت عيني مترطب و قلل الهالات معايا بنسبه مثلا 30% (أسباب الهالات كتير نبقى نتكلم عنها فى مرة بالتفصيل )

وأوقات بعمل ماسك للعين
بضيف زيت اللوز الحلو إلى اللبن المجفف لحد ما القوام يبقى عجينة متماسكة كده
بحطها تحت عيني لمدة ربع ساعة وبعدين أشيلها (بيخلي مظهر حوالين العين صحي و مشرق) 

وأوقات بستخدمه كمقشر لبشرتي: بحط معلقتين زيت + سكر و أعمل بيه سكراب لبشرتي و شفايفي 

وأوقات بستخدمه كمرطب لبشرتي (زيت ليلى ) بعد ما أخلص بشرتي تماما وأنظفها كويس كام نقطة على إيدي وأوزعه على بشرتي بنظام الترتيب كده وتصبحوا على خير. 

تجربتي مع زيت اللوز الحلو للشعر:

مكنش السيرم بتاع شعري موجود واستخدمت منه لشعري وفعلا اتبسطت جداااا انا شعري كيرلى اتفأجات إنه حافظ على الكيرلي بتاع شعري جدااا من غير ما ينشف ولا يهيش بالإضافة لللمعة الحلوة والهيشان قل ّجدا. 
ومن هنا بدأت اعتمد عليه في أوقات (مثلا في أوقات البحر أو البسين لما بخاف شعري يهيش بحط قبل نزول الميا كمية وافية منه وبعد الخروج من الميا ممكن أعيد عليه حاجة بسيطة ) بيحافظ على الكيرلي و بيدى روح للشعر. 

فعلشان كده بقولكم حبيته استخدماته كتير ودايما مفيد  وممكن يدخل فى كل حاجة و تعتمدي عليه بقوة 

يارب موضوع النهاردة يكون خفيف على قلبكم 
                                                   
 دمتم جميلات ...........

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming