حلى السميد السهله البارده / حلى ليالى لبنان / layali lebanon Dessert
صباح /مساء الحلى
عاملين ايه بنات
يارب فى احسن حال
تعالوا النهارده نعمل سوا وصفه حلى سهله اوى و جميله اوووى و لذيذه و بتتقدم على البارد تنفع جدا فى ليال الصيف من كتر ما بحبها بعتمدها دايما و بتبقى شكلها جميل و طعمها لذيذ للتقديم للضيوف
حلى النهارده اسمها (ليالى لبنان )
المكونات
كوب سميد
كوب سكر
لتر لبن او 5 اكواب لبن
ربع معلقه مستكه
ربع كوب ماء زهر
علبه قيمر /قشطه
فستق حلبى للتزيين
شربات / قطر
الطريقه
على نار متوسطه
هنحط كوب السميد + كوب السكر + اللبن + ماء الزهر + المستكه
و نفضل نقلب من غير ما نوقف لحد ما يتحول الى خليظ غليظ /متماسك زى قوام المهلبيه كده
نطفى النار بقى قولكم على حاجه حلوه بتخلى الطعم احلى نقسم الكميه
النص الاول هنحطه فى القارب بتاعنا و نفرده عادى
و النص التانى ممكن نزود عليه نص كميه الفستق بتاعنا و يكون مجروش
لما بنحط الفستق على ميكس سخن كده بيعطى طعم و ريحه رائعه
بس كده ونفرد النص التانى على النص الاول
كده كان القارب بتاعنا عباره طبقتين
الاولى ساده لونها ابيض
والتانيه غنيه بالفستق لونها اخضر جميل
بس كده و على التلاجه حوالى ساعتين تلاته
وبعدين عند التقديم
نفرد عليها علبع قشطه او قيمر
و نرش على الوش باقى كميه الفستق المجروش و ممكن اى مكسرات كمان بتحبوها و نحط عليه سيرب /قطر / شربات
بس كده
شوفتوا سهله ازاى
بس طعمها بجد لذيذ و غنى كده
طريقه السيرب / القطر / الشربات
كوب و نص سكر
كوب ميا
نص ليمونه
وعلى نار لمده 10 دقايق و بعدين سايبه يبرد
بيبقى قوامه وسط ولا خفيف ولا تقيل بيبى جميل جداا بنحط منه على قطعه الحلى بتاعتنا عن التقديم
اكتررر من رائع فعلا
بس كده
وصفه شهله و جميله فى الطعم و التقديم
دمتم جميلات ......