MermaidCharming MermaidCharming

آخر الأخبار

جاري التحميل ...

ماسك الطمى بالشاى الاخضر حاجه خيال /GREEN TEA CLAY MASK

ماسك الطمى بالشاى الاخضر حاجه خيال /GREEN TEA CLAY MASK 

اهلا اهلاااا بنات
مشتاقه انى اتكلم معاكم
عندى مواضيع كتيررر بحضرها ليكم يارب تعجبكم
وبما انكم خلاص عرفتوا انى من محبين الماسكات الطبيعيه للبشره و من عشاق الشاى الاخضر فهتلاقوه قاسم مشترك فى معظم الماسكات الطبيعيه اللى بعملها بنفسى فى البيت

من الوصفات المتجربه الموثوق فيها للبشره
الوصفه دى :

معلقه طمى + معلقه شاى اخضر + معلقه صغيره نشا + نعجنهم بمعلقه  زبادى
و ممكن للناس اللى بشرتها حساسه تزود معلقه صغيره عسل 

طيب هنحس بايه بعده ؟

هتحس بترطيب و البشره مشدوده و ناعمه و منوره كده و المسام شكلها اقل و اصغيره
هتحسوا بنضافه فى البشره جدا يا بنات و نضاره و هتحس انه افراز الدهون اقل 

عامه هتكلم عن شويه فوايد لمكونات الماسك ده


الطمى مناسب دايما لانه بيتحكم فى افراز الزيوت من البشره و كمان بيقلل ظهور الحبوب
وهنلاقيه مناسب جدااااا لاصحاب البشره الدهنيه وبيخلص البشره من الدهون و الاوساخ المتراكمه و بيخلصنا من الخلايا الميته و بيقلل من ظهور الرؤوس السوداء و يمنح البشره نضاره و حيويه و اشراقه فعلا يا بنات


الشاى الاخضر سحرر و مهم بجد ندخله فى الروتين بتاعنا للبشره بيساعد على تقليل الحبوب جدااا و ممكن نستخدمه كاسكراب كمان و غنى بمضادات الاكسده اللى بتحمى البشره من الاثار المضره و العوامل الخارجيه و بياخر علامات تقدم السن و التجاعيد و بيتحكم ايضا فى افراز الدهون يا بنات


 وممكن يا بنات تشوفوا وصفات لانواع البشره المختلفه هنا اضغطوا عليها اتكلمنا عليها سوا قبل كده 
 و كمان ده ماسك بحبه جدا و فعال شوفان بالشاى الاخضر مقشر و مرطب و بيقلل من الحبوب اضغطوا لو حابين تجربوه 



النشا علشلن التفتيح و بيشد البشره

معلقه الزبادى للترطيب و النضاره

العسل وده لانه لطيف على البشره وكمان بيساعد فى انه يقلل ظهور الحبوب 


يارب يعجبكم و وبالانتظام بجد هتحسوا بفرق 
الماسكات دى بتفرق بس الاستمرار
يارب انا كمان اواظب معاكم
دمتم جميلات .......

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming