MermaidCharming MermaidCharming

آخر الأخبار

جاري التحميل ...

فوائد زيت بذور العنب للبشرة و الشعر ؟ و تجربتي الشخصية؟/ GRAPESEED OIL

زيت بذر العنب للشعر والبشرة

بسم الله الرحمن الرحيم
أهلين أهلين 
عاملين ايه يا بنات يارب تكونوا بتقروا الموضوع الجديد النهاردة و أنتم في أحسن حال. 
النهاردة هنتكلم في موضوع خفيف كده عن زيت من الزيوت اللى بحبها جداا و بستخدمه في كل حاجة بشرة شعر.. كله كله..هو 


زيت بذور العنب (Grapeseed oil )  

طبعا أحنا فعلا مش سايبين العنب في حاله بنأكله وهو عنب و بنحبه كفاههة  و بننشفه ونعمل منه زبيب وحتى الورق بتاعه بنعمل بيه محشي ورق عنب من أعظم الأكلات.
 فمجتش على البذور بتاعته اللى هنسيبها فى حالها 
حتى بذور العنب بنستخلص منها زيت و فعلا حلو جدا و مفيد ومن أكثر الزيوت الخفيفة والمغذية
تعالوا اكلمكم شويه عنه و بستخدمه الفترة دي في ايه ؟ 


زيت بذور العنب :

هو زيت يتم استخلاصه كما هو واضح من بذور العنب بيحتوى على نسبة عالية جدا من المركبات الفينولية والأحماض الدهنية والفيتامينات حيث أنه غني بفيتامين ه و غني بمضادات الأكسدة (مادة بروانثوسيانين) علشان كده هو من المكونات الرائعة في مجال التجميل سواء كمركب رئيسي أو ثانوي و فوائده كتير سواء للشعر أو البشرة.

تجربتي الشخصية مع زيت بذور العنب

لأني الفترة دي معتمدة على الزيوت الطبيعية لأنى كان عندي مشكلة في شعري و في مرحلة أني بحاول استعيده تاني ويتحسن زي ما قولتلكم قبل كده. 


فبستخدم زيت بذور العنب من ضمنهم الأيام دي بحبه جدا لأنه زيت خفيف فمناسب كده كدهان يومي للشعر بيدى لمعان للشعر ومظهر صحي مش بهتان كده ومن غير ما يبقى دهني  وبيرطب الشعر جدا. 

وبدخله مع زيوت ثانية وبعمل بيهم حمام زيت مرتين في الأسبوع و ده لأنه زي ما قولنا غني بالأحماض الدهنية ومادة (اللونين) اللي بتساعد و تحفز نمو الشعر.

و فيه كلام أنه من الزيوت اللي بتساعد على مقاومة قشرة الرأس وده لأنه ليه خصائص مضادة للبكتريا و الفطريات (بس أنا محستش الموضوع ده فمش هحكم عليه صراحة) 


وفيه كمان ماسك للشعر بزيت بذور العنب

(كانت صاحبتي حكيتلي عنه و جربته فعلا) 

هو 2 معلقه طعام كبيرة من زيت بذور العنب

 + بيضة واحدة

 واأقلبهم كويس وأعلم بيه ماسك لشعري من الفروة للأطراف حوالي ساعتين وبعدين نغسل شعرنا كويس بالشامبو المناسب لشعرنا.


متخافوش مفيش ريحة بتفضل في الشعر ولا حاجة 
بيدى طريان و نعومة للشعر و شكل صحي و بيلمع و بيقلل من الهيشان 


ومش معنى أني بستخدم زيت بذور العنب لشعري الفترة الحالية أني مستغلوش بستخدمه لبشرتي عادى جدا

بيديني ترطيب لبشرتي والبشرة بتشربه بسرعة من غير ما يسيب أي ملمس دهني على البشرة  وده برضه لأنه خفيف.

ومن الزيوت اللي ممكن نستخدمها في المنطقة تحت العين وده لأنها بتقاوم التجاعيد لأنه غني بمضادات الأكسدة و كمان بيخفف من شكل الهالات. 

وكمان من فوائد زيت بذور العنب للبشرة أنه بيساعد أن المسام متتسدش من تراكم الدهون عليه وبيساعد أنه بيقلل من مظهرها اللي مش بنحبه بيبقى شكلها أخف (مش بيقلل وجودها بيقلل من شكلها اللي مش بنحبه) 

و بيساعد في توحيد اللون وممكن يقلل من آثر التصبغات الخفيفة اللي موجودة بالمواظبة عليه والاستخدام المستمر (ممكن التصبغات دى من آثار الشمس)

وبيساعد على نعومة البشرة (بستخدمه بالليل قبل ما أنام وبصحى الصبح حابة بشرتى جدا)

بس كده النهاردة علشان كده يا بنات متتردوش أنكم تضيفوا زيت بذور العنب لروتين العناية تبعكم سواء للبشرة أو الشعر 

ودمتم جميلات ....  








عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming