MermaidCharming MermaidCharming

آخر الأخبار

جاري التحميل ...

كل ما تود معرفته عن الشامبو الجاف من مميزات واستخدامات / BATISTE DRY SHAMPOO


دراي شامبو

بسم الله الرحمن الرحيم 
يا مساء / صباح الروقان 
أيا كان توقيتكم 
عاملين ايه أتمنى تكونوا بأحسن حال 
هكلمكم النهاردة عن منتج موجود في السوق من مدة ليست قصيرة وعامل ضجة وأحكي تجربة استخدامي الشخصية.  

الشامبو الجاف /dry shampoo 

أول سؤال 
ما هو الشامبو الجاف/ الدراي شامبو؟

هو عبارة عن بخاخ خالي من الماء (باودر ) بيفيدني جدا أنه يزيل الدهون الزائدة من الشعر (مش بينضف الشعرة) و بيساعدني كمان أنه يعطي فوليوم أكثر لشكل الشعر وبيساعد أن لو عاملة تسريحة تثبت اكثر(بس مش مثبت). 


أنا بستخدم النوع ده BATISTE /باتسيست 

معروف جدا من زمان إنتاج شركة بريطانية ومبيعاتها رقم واحد بالمقارنة بأي نوع تاني فمحبتش أجرب أي شركة ثانية صراحة علشان أقارنه بغيره. 
ليه روائح كثير جدا وكلها األى من بعض في الانتعاش.


طريقة الاستخدام الصحيحة للشامبو الجاف:

أولا- لا يستخدم أبدا على شعر مبلول أو ندى. 

ثانيا- أبعده مسافه حوالى 30سم وأرشه من بعيد وأوزع الرزاز كويس على شعرى (بلاش من قريب علشان مش يسبب بقع أو حكة في شعركم )

ثالثا- نتركه دقيقة أو دقيقيتن و بعدين نبدأ نعمل مساج هنلاقيه بيدمج بسهوله جدا وبيختفي الشكل الباودر نهائيا 
وبعدين نبدأ نمشط الشعر او نعمل الأستالينج اللي بنحبه. 

الشامبو الجاف مش بديل للشامبو العادي ولكنه وسيلة تساعدنا نريح شعرنا من الغسيل المتكرر اللي بيضره في معظم الأوقات 



تجربتي الشخصية مع استخدام الدراي شامبو :

بشوفه من وجهة نظري مفيد جدا أو بيحل أزمة جداا وحقيقي بحبه.


اولا مفيد لأنه بيخليني أقلل عدد غسلات الشعر لأن الغسل المتكرر اليومي للشعر مش صح بالمرة

 بيخلى أطراف الشعر تنشف و ممكن يسبب تقصف.

فدايما اغسل مرة عادي والمرة اللي بعدها استخدمه وبعدين المرة اللي بعدها أغسل شعري عادي. 

بينفعني جدااا لو في فترة مريضة أو تعبانة وشكل شعري مش حلو أو دهني زيادة عن اللزوم  بيخلصني من شكله اللي مش عاجبني. 


مفيد لو عندنا طلعات سريعة ومحتاجين شكل شعرنا صحي ورائحته حلوة ومنعش كده

 بلس أنه بيعمل فوليوم (بيكثف الشعر) وبيطول مدة ثبات التسريحة. 

نأخد بالنا بس يا ريت منستخدموش مرتين أو تلاثة مثلا ورا بعض (نستسهل) علشان ممكن يسببلنا حكة 

الأحسن بين غسلتين للشعر مثلا أو وقت الطوارىء والأزمات والطلعات السريعة. 

مفيد و عملي و رائحته منعشة جدااا


ملحوظة لو بعد الجيم أو ممارسة الرياضة عاوزة تستخدميه بلاش وشعرك مبلول وعرقان (ذكرنا سابقا أنه مينفعش على شعر رطب او مندى أو مبلول ) 

استنى بس شوية شعرك ينشف و أبداي استخدميه بالطريقة الصح و التعليمات اللي مكتوبة عليه 
هتحصلى على شعر شكله صحي و كثيف و كأنك غسلاه بالشامبو العادى 
(علشان كده بحس أنه صديق الرياضين المنجز والفعال ) 



بس كده خلصنا 
يارب يكون عجبكم و مكنش طولت عليكم  
  دمتم جميلات ........

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming