MermaidCharming MermaidCharming

آخر الأخبار

جاري التحميل ...

كيك الشيكولاته الهش السريع بصوص الشيكولاته / chocolate cake




كيك الشيكولاته الهش السريع بصوص الشيكولاته / chocolate cake 

اهلا اهلا كيفكم صبايا 
عاملين ايه يارب طيبين 

النهارده هشارك معاكم حاجه جميله جداا ومعتقدش حد مش بيحب كيك الشوكولا 
دى بقى كيك الشيكولا كولا بصوص الشيكولا يعنى حاجه كده بتلعب على اوتار قلبنا 

المقادير للكيك :    
2كوب دقيق                        
3بيضات 
 كوب زيت     
  كوب سكر 
كوب حليب 
معلقه صغيره جدااا ملح  
3معالق كبار كاكاو خام او كوب الا ربع 
معلقه فانيليا سائله او باودر 
معلقه بكينج باورد كبيره

الطريقه  على خطوتين :

الاولى فى الخلاط هنضرب السوائل سوا 
البيض -اللبن -الزيت - الفانيليا -السكر 

 التانيه (النواشف سوا ) : فى بوله كبيره نخلط الدقيق و الكاكاو و ذره الملح و البيكنج بادورد و نخلطهم كويس جدا 

وبعدين نبدا  ننزل بالخليط السائل على الخليط الباود ر اللى فى البوله  واحده واحده و نقلب كويس ونخلطهم كويس جدا 
لحد ما نخلص كل الكميه و نوصل لقوام الكيكه الناجح 
تعرف القوام الصح للكيك (مثلا لو اخدت معلقه من الخليط و جيت تنزلها تانى هتلاقى الخليط بينزل من المعلقه كله ماسك ى بعض زى الميا مش بيقطع )
هقولكم على كام امنقطه بس 
لو لقيتو الخليط سايب اوى زودا شويه دقيق
لو لقتوه ماسك او و تثيل زودوا شويه لبن 

بس كده فى صنيه مبطنه بنقطه زيت و عليها رشه دقيق و ننزل الخليط و على فرن مسخن مسبقا على حراره 180 درجه لمده 20-30 دقيقه

بعد ما نطلعها نعمل فيها اخرام رفيعه بخله الاسنان و نبدا نسقيها (لبن + سكر ) 
هتشربه علطول و نسيبها تبرد خالص ممكن تتاكل كده خلاص و طعمها تحفه 

ممكن نزود الجريمه و نعمل صوص شيكولاته سريع على البارد و نخليها بركان شيكولاته 


صوص الشيكولاته 

فى الخلاط كوب سكر و 1/2 كوب لبن و 1/2 كوب زيت و 1/2 كاكاو ورشه فانيليا بتدى طعم حلو و كيس كريم شانتيه و اضربى فى الخلاط لحد ما يتقل 
ممكن تزودى معلقه شيكولاته بتحبيها معاها تغنى الطعم زياده 
و استخدمى اللى عاوزاه و شيلى الباقى فى التلاجه براحتك  
بس كده و فى وصفه تانيه هبقى اعمل صوص الشيكولاته على الساخن 
وبيطلع طعمهااااااااا تحفه و ممكن تتقدم للضيوف شكلها مغرى جداااا و كبير و صغير بيحبها

يارب تعجبكم 
                         
                                                                دمتم جميلات .......

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming