MermaidCharming MermaidCharming

آخر الأخبار

جاري التحميل ...

الفرق بين BB كريم و CC كريم وD.D كريم ؟ و تجربتى مع BB RIMMEL LONDON ؟





الفرق بين كريم B.Bوكريم C.Cوكريم D.D ؟ و تجربتى مع BB RIMMEL LONDON 

صباح / مساء راحه البال و العافيه ♥️
كيفكم يا صبايا
يارب تكونوا بتابعوا المدونه و بتعجبكم و بتلاقوا اللى نفسكم فيه اتمنى جدااا من قلبى
 واتمنى انكم تبقوا تسيبوا اى كومنت باى حاجه عاوزين نتكلم فيها سوا

طيب النهارده هندردش سوا عن المنتجات الابجديه اللى ممغرقه السوق من زمان و ايه الاحسن لينا ؟ وايه الفروقات اللى بينهم
موضوع النهارده هيبقى مشترك بين التجميل و بين العنايه بالبشره
يلا نبدا كلامنا
ايه المنتجات الابجديه اللى اقصدها  B.B/  C.C / D.D  /E.E./  Z.Z  واعتقد فيه كمان حاجات تانيه بس منجحتش اوى او مش مشهوره زى مثلا A.A


هقولكم بسرعه ظهروا ازاى ؟


كريم B.B.  ظهر على ايد طبيب المانى كان بغرض علاجى علشان اثار المعالجه بالليزر و بعد كده انتشر انتشار كبير جداا فى دول اسياا و كان غالبا لون واحد و منها انتشر فى اوروبا و امريكا و لقى سوق واسع جدا و بدات براندات كتير تنتجه  لانتاجه و بدا يتنوع فى درجاته علشان تناسب الوان البشره المختلفه مع انه كان معروف قبل كده بالمرطبات الملونه بس اوقات المنتجات لما بتتسمى اسماء جديده و تاخد شكل جديد بتبدا تكتسح السوق و الماركتنج عليه عامل كبير


 كريمات ال B.B  beauty balm  بتوعد البشره باكتر من فايده الترطيب وبيحمى من اشعه الشمس الضاره كمضاد للاكسده  فيه اختلافات فى نسب عامل الحمايه SPF  من براند للتانى وينعم البشره ويفتح البشره و بيعمل كبرايمر لامع ويخفى عيوب البشره و يوحد لونها و بيعمل على التجاعيد و يعالج حب الشباب

عاده ال بى بى هو اتقل من كريمات الترطيب العاديه بس اخف الفاونديشن و كريمات الاساس
تغطيته متوسطه و ثباته مش طويل اوى بس بيدى لوك خفيف و طبيعى للبشره و بيسمح لها تتنفس مش مخنوقه بطبقات كريم اساس تقيله

حقيقه متستنوش منه نقطعه ان يعالج حبوب الشباب دى لا هو ممكن يخفى اثارها و يخفى اثار الندوب بس مش هيعالجها
فيه منتجات تانيه مهمتها حب الشباب وممكن فى اوقات مش بيبقى مناسب اوى لاصحاب البشره الدهنيه او المعرضه لحب الشباب كتير اما لو بشره مختلطه او جافه او عاديه فهو مناسب كاستخدام يومى و علاجى فى نفس الوقت

طيب ايه الفرق بينه و بين ال C.C ؟
c.c /  colour corrector  / complex corrector

السى سى ظهر بعد نجاح ال بى بى فى الاسواق  و تم توزيعه تجاريا انه  بيوعد بكل مزايا ال بى بى  بس بيركز اكتر على لون البشره زى ما باين من اسمه

يعنى بيدى اشراقه حلوه جدا للبشره سواء مثلا بتعانى من بهتان /شحوب فى البشره او لو عندك احمرار فى امان فى بشرتك
او بتعانى انك بتحمرى لما ببتعرضى للشمس

هيبقى مناسب جدااا وهو اخف فى القوام من ال بى بى اصلا  وبيبقى فيه فيتامين h & c اللى المفروض بيعملوا على مقاومه التجاعيد (بس ال بى بى بيوعد بكده برضه ) بشوف ان الفرق بينهم مش كبير و انها مساله تجاريه بحته



طيب ايه بقى ال D.D / Dynamic Do All


المفروض انه بيوعد انه بيعمل كل فوائد ال بى بى و ال سى سى بس بيركز اكتر على التجاعيد و شكل المسام

بس بما انى عديت ال 25 سنه و المفروض اننا ننتبه فى المنتجات بتاعتنا على العنايه بالتجاعيد و على الاقل ناخر ظهورها بفكر اجرب ال D.D. و احكم بفكر فى ال D.D. NUXE لانى سمعت عليه مدح كبير لما جربه هنزل ريفيو عنه
المفروض اصلا ان الB.B. & C.C. بيقاوموا  التجاعيد

علشان كده بقولكم ان موضوع الحروف و المنتجات ده موضوع تجارى و ان الفروقات مش كبيره بينهم
علشان كده دوروا على اللى يناسبكم
اللى بيدور على الترطيب او اللى بيدور على حمايه اكتر من الشمس اللى بيدور على الاحمرار فى وشه او البهتان
اختار المنتج اللى يناسب بشرتك بعيدا عن فكره الحروف لانها لعبه تجاريه  و الفروقات مش كبيره


هتكلم عن تجربتى مع ال B.B. RIMMEL LONDON /ريميل لندن :

جربت قبله  البى بى من غارنيه كان سىء مش حلو وعرفت انه كان اختيار غير مناسب لبشرتى لانه دهنى بزياده
بس جربت انواع تانيه حبيت ادى فرصه لانى محتاجه حاجه خفيفه للدوام
وحبيت جدا بى بى nyx & la girl





بس  اللى دايما  مهما بجرب حاجه تانيه و ارجعله تانى هو ريميل لندن
الفورميلا بتاعته مش تقيله خفيفه
مش مدهننه فمناسبه لبشرتى المختلطه
 و لما بتتثبت بلووس باودر بتبقى الدنيا تمام
التغطيه متوسطه بيخفى العيوب بشكل كبير
 و بيوحد تون البشره جدااا و بيقلل من شكل المسام ومش بينشف البشره
على نقطه انه بيتاكسد او لا
مش بيعالج حبوب بس بيداريها بشكل لطيف
مش بحسه بيتاكسد بدرجه كبيره (اكسده خفيفه مقبوله )
سعره معقول

ملحوظه انا دايما بفضل التركيبات الطبيه للدوام او الجامعات او الخروج الخفيف مش الاساس التقيل اخف و الطف و نتفادى كتير من مشكال البشره بس مش معنى اننا قولنا ان ال بي بي او ال سى سى علاجى يبقى نهمل الروتين بتاع بشرتنا
لا طبعا عادى روتين بشرتنا اليومى او الترطيب او علاج الحبوب او السيرم عادى جدااا ده بس كفر للخروج ضرره اقل
بس كده خلصنا موضوع النهارده
يارب تكونوا حبيتو
   
                                                           دمتم جميلات ..

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming