MermaidCharming MermaidCharming

آخر الأخبار

جاري التحميل ...

  1. طيب انا كدا اغسل شعري كل يوم ب شامبو عادي مش غلط ؟

    ردحذف

أسرع طريقة لتطويل الشعر في أسبوع (الأنفرجين ميثود) | INVERSION METHOD

شعر أطول في أسبوع/ أنفرجن ميثود

بسم الله الرحمن الرحيم 

مساء/ صباح الخير
عاملين ايه يا جميلات 
عساكم كلكم طيبين و مبسوطين 

هحكي معاكم النهاردة على موضوع جربته شخصيا من قريب وكانت تجربة لطيفة فحبيت اشاركها معاكم لعل و عسى حد يستفيد و تنجح  معاه. 

أولا قولتلكم قبل كده إني حاليا بحاول أهتم بشعري وأعالجه و كمان عاوزاه يطول و يكثف فالنهاردة هتكلم معاكم عن نقطة تطويل الشعر.

هنتكلم النهاردة سوا عن طريقة ممكن تطول شعرنا حوالى 4 سم أو أكثر في خلال 7 أيام بس (أسبوع) طبعا دي حاجة حلوة جداا وبالذات أن شعرنا مثلا بيطول في الشهر فى العادي من 1-2 سم ما بالك بقى ب 4 سم في أسبوع 

الطريقة أسمها INVERSION METHOD (انفرجين ميثود ) 


ومش عارفة صراحة ترجمتها للعربي الصح أيه 
بس هي تعتمد أننا هنعمل وضع مقلوب للجسم 

تعالوا أكلمكم بالتفصيل شوية عنها أتمنى متزهقوش 

أنا معرفتي بالطريقة دي كانت من اليوتيوبر و خاصة الأجانب هي طريقة مش جديدة بس معرفتي الشخصية بيها حديثا  ومش عارفة ايه السند العلمي بتاعها صراحة يمكن بفسره أننا لما بنعمل الوضع المقلوب ده بنزود و نحفز الدورة الدموية اللي بتوصل للشعر فبنأخد النتيجة دي (مش عارفة حاجة بالتحديد بس ده تفسيري )

ثانيا الوصفه اللى عجبني فيها أنها من غير تجارب منتجات أو فيتامينات أو صرف فلوس أو وصفات دى وضع لجسمك بتعمليه   كده وأنتِ في البيت فمش ضارة على أي حال.

ثالثا النتائج الكتير اللي بشوفها فى اليوتيوب عن الطريقة دي خلاني اتشجع جدا مش هخسر حاجة لدرجة أن فيه تيشرتات  بتتباع معمولة مخصوص على ضهرها تدريج ب السم علشان تعرف شعرك اول ما بدأت الطريقة كان طوله  قد أيه و وصل لكام بعد الانفيرجين ميثود.

طيب رغيت كتير تعالوا أقولكم هنعمل أيه بالظبط و حصل معايا ايه ؟


الطريقة على خطوتين :

الأولى : ندهن الفروة والمساج للشعر 

الثانية : هنأخد وضعية الأنفرجين (INVERSION POSE) 


طيب
 الخطوة الأولى
 دهان الشعر و المساج اختارِ الزيت اللي بتحبيه يعنى ممكن
 (زيت جوز الهند / سمسم / بذور العنب / الأرجان ....) 
ودفي الزيت شوية صغيرين يكون دافئ مش ساخن 
علشان تقدر فروتك تستحمله .

وهتعملي دهان بالزيت الدافىء لفروه الشعر.

و بعدين أعملِ مساج حوالى 4-5 دقايق بحركات دائرية.

(ممكن تدهني باقي الشعر  بالباقى من الزيت عادى بس المهم دهان فروة الراس أولا ) 

إضافة شرح

الخطوة التانية 
اللي ذكرناها هو أننا هناخد وضع الانقلاب

 ده حوالى 4 دقايق فالأفضل ناخد وضع مريح لينا ميتعبناش زى الصور دى مثلا وبفضل الوضع اللي في اول صورة
شرح طريقة الأنفرجن مثود

طريقة الأنفرجن ميثود لشعر أطول

(بنقلب راسنا لتحت ) ممكن نعتبرها استرخاء / استجمام (زى اليوجا كده ) 

وبعدين نبدأ نرفع رأسنا بالراحة  بلاش مرة واحدة علشان ما يصيبنا الدوار/ الدوخة.
وهنسيب الزيت فى شعرنا بعدها لمده 2-3 ساعات كده أو
 لو عاوزين ليلة كاملة براحتكم (بس انا مش بحب أبات/ أنام بالزيت كتير ) 
ونغسل بعد كده شعرنا عادي 




على الحال ده 7 ايام فقططططططططططط  ورا بعض بالظبط /نكرر الخطوتين دول كل يوم لمدة أسبوع متواصل 

نكررهم (ممكن لو مش عاوزين تغسلوا شعركم كل يوم ممكن يبقى الغسل يوم و يوم عادي بس بلاش أكتر من كده علشان الزيت ميسدش مسام فروة الرأس  أما لو عندكم دوام / شغل كل يوم وكده زيي هتبقى بتغسلوا  شعركم كل يوم عادي ) وممكن الشهر اللى بعده نعمل تانى نفس الطريقة 7 أيام ورا بعضها برضه وهكذا يبقى هي 7 أيام في الشهر فقط .

ممكن ناس فى أول كام يوم تحس بالوخز/ شكشكة  في رأسها من الزيت ده عادي و بتختلف من شخص للتانى بس عادي تكمل 
لو حد عنده مشاكل دوار أو ضغط أو حامل يفضل بلاش يعملها.

هنلاحظ أن بعد الاسبوع ده الشعر بيطول فى حدود ال 4 سم ممكن أقل شوية ممكن اكتر شويه (فروقات فردية )
ولما بنيجى نقيس الشعر فى آخر الشهر بعد مرور 3 اسابيع على التجربة دى ممكن نلاقي إن طول الشعر زاد ل 8 سم و بتختلف من شخص للثاني 

ده بجد حقيقة و تقريبا معظم البنات اللي جربوه الطريقة دي شعرهم طال فعلا مش خرافات وإحنا كبنات عرب عندنا هوس بالشعر الطويل. 


تجربتي الشخصية مع الانفرجين ميثود :

شعرى طال فى الشهر حوالى 5 او 6 سم فمبسوطة جداا طبعااا 


فيه ناس يتبقى أكتر و ناويه اكرر التجربة دى الشهور اللى جاية.

لحد أول السنه ان شاء الله و نشوف هوصل لطول قد ايه 

بستخدم دهان زيت سمسم أو بذور العنب و كنت بغسله يوميا خلال الأسبوع ده 


دي صور لنتائج منتشرة جدااا من طريقة الأنفرجين ميثود   

على النت ابحثوا هتلاقوا صور و تجارب كتير

 (مصورتش شعرى لكن ممكن المرة اللى جاية ممكن أعمل علامات على التيشرت و  أبقى أصورها و أشاركها معاكم)


شعر أطول في 7 أيام

طريقة سهلة لتطويل الشعر


طيب هقول كام ملحوظه فى الاخر علشان لو جت الفكره ي على دماغ حد 
لو شعرى مصبوغ مثلا ينفع استخدم الزيوت ؟
اه عادي ده دهان للفروة فى الاساس مش للشعر فأدهني الفروه بس ومش هيأثر على لون شعرك 

هل ينفع نعمل مثلا حمام الكريم بتاعنا او الخلطات اللى بنعملها أو حمام الزيت ؟
اه عادي ده اسبوع بس فى الشهر بعد كده باقى الأسابيع كملوا على روتينكم العادي والله يوفقكم 

لو حد جه على باله أسئلة تانى بخصوص الأنفرجين ميثود يبقى يقولى و هرد إن شاء الله 

كده تقريبا حكيتلم كل حاجة بالتفصيل يارب متكونوش زهقتوا و تجربوا و تنبهروا بالنتيجة
 دمتم جميلات ...




موضوعات ذات صلة:

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming