MermaidCharming MermaidCharming

آخر الأخبار

جاري التحميل ...

ازاى انظف فرش المكياج بطريقه سهله ؟ makeup brushes cleaning


 ازاى انظف فرش المكياج بطريقه سهله ؟ makeup brushes cleaning 

ازيكم يا حلوات 
يارب تكونوا مرتاحين البال 

النهارده هنتكلم سوا يا بنات عن حاجه خفيفه كده موضوع سهل و بسيط و فى نفس الوقت مهم علشان اهماله ممكن يضر بشرتنا 
موضوع النهارده يا حلوات هو 

ازاى انضف فرش المكياج بتاعى ؟ او البيوتى بلندر اللى بستخدمها ؟

هقولكم على طريقه سهله خالص و بتكون الفرش نظيفه جدا بعدها 

بس الاول ليه لازم انضفهم باستمرار ؟

هو المفروض مثلا ننضف الفرش بتاعتنا كل اسبوع تنضيف كويس و محترم كده ( بس صراحه اوقات بكسل و بعملهم كل اسبوعين مثلا ) 
عاده لو اهملنا تنضيف الفرش اللى بنستخدمها دى ممكن تبقى بيئه كويسه و مناسبه جداا للميكروبات و البكتيريا انها تنمو و تعيش فيها و بالتالى لما تيجى تستخدمى الفرش بتاعتك تانى هتبقى بتضرى بشرتك جدااا اكتر من انك بتحطى مكياج عادى 
وكذلك البيوتى بلندر بتاعتك 
(مثلا اوقات كنت بسمع من بنت صاحبتى بتحط مكياج يومى تقريبا انها عندها حبوب مش بتروح و بتروح من مكان تطلع فى التانى ولما سالنا دكتوره الجلديه و بعد استشارتها كانت من النقط اللى اتكلمت فيها نقطه  ادوات المكياج بتنقل الانفكشن من حته لحته ومش هتروح ومن هنا اهتميت بنقطه تنضيف الفرش الدورى و اوقات لو فيه مكان فيه حبه ولا حاجه ممكن استخدم ايدى احسن و بعدين اغسلها بشكل عميق علشان منقلوش لمكان تانى فى وشى ) 
ده غير ان الفرش لما بيتراكم عليها بقايا مكياج كتير مش بتساعدك فى التوزيع و البلند كويس خالص 
بالعكس ممكن تخلى الطبقات اللى انتى بتعمليها تكلكع و تتكتل و تبقى مظهرها مش حلو خالص  


طيب ايه الطريقه اللى بقولكم عليها سهله و بسيطه : 


هنجيب برطمان كبير /او مج كبير  (حجمه على حسب الفرش عندكم) 
و نحط فيه شويه شامبو من الاشمبو بتاعنا + بسلم شعر
 (علشلن نحافظ على الشعر بتاعها ناعم
 و بالذات لو فرش نضيفه شعرها طبيعى) + معلقتين او 3 خل 
(الخل من خواصه الحمضيه مقاومته للبكتيريا ) 
و نسيبهم كده مع بعض حوالى 30ساعه او اكتر 
ممكن حد يضيف غسول ديتول المقاوم للبكتيريا 

ملحوظه : ريحه الخل مش هتبان خالص مع الشامبو
 و البلسم مش هتحسوا بحاجه خالص 

وبعدين تحت حنفيه الميا (مش ضغط عالى من الميا )
 و نبدا على ال brush egg  الخضرا اللى فى الصوره دى كنت جيباها من 

موقع سوق مكنتش غاليه الصراحه المهم بالنسبه لى انها تقضى الغرض 

وابدا افرك الفرشه بتاعتى على ال brush egg دى بس بالراحه 
تحت الميا  و مكنش عكس اتجاه الشعر علشان الشعر ميفركش 

من بعض ههههههههه 

بس كده و هتلاقى بيطلع منها ميه ميكب اكتر من اللى بنحطه 
ههههههههههه  لو لسه مش نضيفه اوى ممكن تمشى الفرشه 

بتاعتك على صابونه طبيه تكونى بتستخديمها و ترجعى تفركيها تانى
 على ال brush egg  و تفضلى كده لحد ما ترجع للونها 

اللى بنكون نسيناه من كتر الميكب اللى عليها وبعدين نضغط 
عليها خفيف ننزل الميا اللى فيها و بس بعد كده  نحطهم  على فوطه 

قطن و نسيبها تنشف براحتها 

بس كده و ممكن يا بنات برضه تستخدموا johnson shower بيبقى برضه لطيف على شعر الفرش جداا 

وممكن الاسهل فيه اسبراى موجود جاهز brushes cleanser spray ممكن تلاقوه فى سيفورا او فيه فى براندات كتير زى elf مثلا و غيره 

بس تنضيفه مش بيبقى زى ما احنا بنحكى دلوقتى بيبقى سريع علشان لو عاوزه استخدم ال brush بسرعه 
بس كده 

وده شكل ال brushes بعد الشاور بتاعها 



موضوع سهل و بسيط بس لازم ناخد بالنا منه 
                                                
                                                     ودمتم جميلات ....

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming