MermaidCharming MermaidCharming

آخر الأخبار

جاري التحميل ...

فوائد ماء الميسيلار ؟ تجربتي مع ماء ميسيلارغارنييه ؟/ GARNIER MICELLAR WATER

أهمية ماء الميسيلار

بسم الله الرحمن الرحيم 

صباح /مساء الخيرات بنات 

 النهاردة هنحكي سوا عن رأيى فى منتج موجود الأيام دي وبدأ يشكل خطوة مهمة فى الروتين اليومي للبشرة هو 


(micellar water ) ماء الميسيلار 

بقينا نسمع الكلمة دي الأيام دي كتير 
هنتكلم مع بعض عن هو عبارة عن أيه بالظبط؟ أهميته ؟ مفيد ولا ضجة على الفاضي ؟ 

و هنتكلم عن نوع GARNIER Micellar Water   ,  و أيه رأيي الشخصي فيه ؟ 



أولا ماء الميسيلار هو بيتكون من جزئين :


جزء بيحب للدهون  lipophilic و جزء محب للماء hydrophilic و ده يخليه لما نضع ماء الميسيلار على القطنة اولا جزء بيحاصر الدهون 


والزيوت زي المغناطيس و الجزء التاني بيساعد أن البشرة تتخلص من الأوساخ.


و كل ده من غير ما يجرد البشرة من كل الزيوت الطبيعية المفيدة اللى موجودة في البشرة عكس بعض المنظفات والغسولات القوية

فوائد ماء الميسيلار :

        
 بستخدمه مزيل ميكب أب بيخلصني من الميك أب بشكل كويس جدااا وكمان بيخلصني من الإفرازات الدهنية 

واستخدمه مثلا لو بره البيت ومش عارفة أغسل وشي فيه حجم منه صغير ينفع في شنط الخروج. 

لو بشرتك بتحتاج تنظفيها باستمرار من الأوساخ و التراب فهو بديل ماء كويس جداااااا (من الحاجات الأساسية والمهمة فى شنطة خروجي وبالذات لو يوم طويل )

فـأنصحكم أنكم تعتمدوه فى ال skin routine بتاعكم يا بنات 


جيد جدااا فى ترطيب البشرة لأنه بيحتوي على مغذيات و مكونات و زيوت تساعد فى استعادة البشرة ترطيبهاا و بتحافظ على درجه ال ph للبشرة. 


وكمان بيناسب البشره الحساسة و الدهنية و الجافة والمختلطة و العادية. 


يقوم بتنظيف و تطهير البشرة من غير ما يجردها من الزيوت المهمة  وبيحافظ على ترطيبها. 


فيه ناس لما بستخدمه كمزيل ميكب مش بتغسل وشها بالغسول بعدها  هو بيبقى مكتوب عليه كده بس أنا شخصيا مش بحب كده لأن برضه بحتاج أتاكد من النضافه و أن ميبقاش فيه اي بقايا للميكب على وشي. 
فوائد ماء الميسيلار


هتكلم بسرعة عن منتج ماء ميسيلار عجبنى و هو غارنيه ميسيلار بزيت الأرجان :

أنا استخدمت قبل كده النوع العادي اللي بدون زيت (ماء فقط) . 

بس كانت مشكلتي معاه بيحرق عينى جدااا و كمان مش بيشيل الماسكارا كويس و كنت بحتاج أفرك عيني علشان أشيل أي ميكب عليها .


فكان  نسبيا كويس معايا  بس مرجعتش اشتريه.

                           ______________________________________________


جربت النوع ده اللى بزيت الأرغان وأتفاجأت بيه من خلال تجربتي:



لقيته  فعلا مختلف ترطيب اعلى. 


حرقان عينى أقل ( يمكن أنا اللى عينى حساسة زيادة) بس مش بتحرقنى زي النوع الأول و بيشيل الماسكارا والكحل بسهولة بحط ماء الميسيلار على القطنة وبعدها أمسح عيني بفضل مثبتاه على عيني جوالي 30 ثانية وبعدها بمسح بيشيل الكحل والماسكارا من غير فرك هتلاقوا في الصورة موضحلكم بيشيل الكحل أزاي، وممكن تكرروا مرتين الطريقة دي من غير فرك للعين هتلاقوها نظفت خالص وشال كل المكياج.


ومش بحتاج أفرك عيني خالص ولا أجهدها ..نتيجته أحسن بكتير و حببنى فى غارنييه تاني بقوة ولما بيخلص برجع اشتريه مرة و اتنين و بيسيب بشرتي رطب جداا 



وعلى فكرة بعده بغسل وجهي بالغسول و بعدها بقطنة بالتونر أيضا


أنا بحب أطمن إن وشي نظيف تماما و مش عليه أي مكياج أو تراب من اليوم بره البيت. 


جربت أنواع تانية هبقى أكتب عنها فى مرة تانية إن شاء الله. 


بس كده النهاردة.

                                                                      
ودمتم جميلات....
ماء ميسيلار غارنييه بزيت الأرجان


عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming