MermaidCharming MermaidCharming

آخر الأخبار

جاري التحميل ...

أضرار استخدام البارابين فى منتجات العناية بالشعر والبشرة | PARABENS

منتجات خالية من البارابين

بسم الله الرحمن الرحيم
صباح/مساء الجمال والصحة والعافية عليكن بنات

النهاردة هنكمل موضوعنا اللي بدأناه سوا في التدوينات السابقة عن المنتجات المكتوب عليها خالي من (السلفات، السيلكون، البارابين،..... إلخ) والدور النهاردة على مادة البارابين.

\
وكملنا كلامنا المرة الثانية عن السيليكون بالتفصيل وشوفنا أن فيه حالات يستحسن نستخدم منتجات فيها سيلكون


يلا نبدأ تدوينة اليوم 

بنشوف كتير جدامنتجات مكتوب عليها paraben free ( خالى من البارابين)  

طيب السؤال  ايه أصلا مادة البارابين؟ وهل الباربين ضارولا مفيد ؟!!


البارابين:

 مادة مصنعة مش موجودة في الطبيعة وهي مادة خطيرة و مكونة من (حمض و كحول) بنستخدمها كمادة حافظة على نطاق كبير جدا. 

لـأن البارابين  مقاوم للفطريات والبكتيريا بالتالي بيساعدني أزود من عمر صلاحية المنتج  لذا بيدخل في كتير من المنتجات سواء التجميل / مزيلات العرق/الصابون / الشاور جل / الكريمات / المرطبات / الشامبوهات/منتجات الاطفال 

وأوقات مش بنلاقيه بأسمه مباشر بنلاقى مشتقاته مثال : 
                            

ethylparaben 

methylparaben 

propylparaben 

butylparaben 

السؤال هنا 

هل البارابين مادة خطيرة ولا آمنة؟
البارابين من المواد اللي ليها خطورة واضحة على المرأة.

طب أيه العلاقة بين البارابين وصحة المرأة؟

يطلق على البارابين لقب xenoestrogen وده معناه إنها مادة بتحاكي هرمون الاستروجين في جسم المرأة (شبيه للاستروجين الأنثوى)

مما يؤدى إلى خلل في وظيفة الهرمونات وعدم انتظام في الهرمونات وده مؤثر جدا للمرأة وفيه كلام كتير ودراسات على علاقة استخدام البارابين بالسرطانات و خاصة سرطان الثدي.

ولكن لازالت مرحلة الدراسات ومفيش إثبات بشكل واضح بس تم ايجاد البارابين فى أنواع من السرطانات الخبيثة؛ لأنه بيتراكم في جسمنا. 

وكتير من الشركات بتدافع وتقول أنها بتستخدمه بنسب قليلة!


 بس ده مش صحيح ده بهدف الأرباح والشق التجاري 
بس نأخذ بالنا أننا كبنات في اليوم الواحد بنستخدم منتجات كتير جدا لو كل منتج فيه نسبة من ماده البارابين ولو ضئيلة اتخزنت في جسمنا يبقى على مدار اليوم هتبقى النسبة الأجمالية اللي بيخزنها جسمنا كبيرة وضررها بيزيد مع الوقت.

علشان كده بنشوف زيادة كبيرة جدا في أعداد الإصابات بسرطانات الثدى والغدد الليمفاوية. 

وبما أن البارابين مجرد مادة حافظة مش مادة أساسية في التركيب فلما نستغنى عنها  هيأثر على صلاحية المنتج فقط.

(هنلاقي المنتج بدل ما صلاحيته سنة وسنتين هتكون حوالي 6شهورمثلا) 

ولو المنتجات بنستخدمها بشكل يومى يبقى هيخلص قبل ال 6 شهورو يبقى مفيش مشكلة في موضوع الصلاحية 
إما في حالة لو المنتجات دي مش بنستخدمها بشكل يومي وبنعتمد أن صلاحيتها مدة طويلة فهنا الحل أننا نشتري عبوات صغيرة الحجم
علشان تاريخ الصلاحية هيبقى أقصر
ومن حسن حظنا إن مادة البارابين  ليها بدائل يبقى الأحسن نبعد عنها حتى لو المنتج هيبقى أغلى فى السعر بس صحتنا أغلى وأغلى و تستحق نحافظ عليها و بالذات مادام فيه بدائل فمش مضطرين نعتمد عليه. 

نصيحة نأخد بالنا ونفحص المنتجات اللي بنشتريها فحص جيد ونبعد عن البارابين على قد ما نقدر وربنا يسلمنا جميعاا ..

خلصنا دردشة اليوم 
أتمنى أكون موفقة في المعلومات اليوم
 دمتم جميلات ....

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming