MermaidCharming MermaidCharming

آخر الأخبار

جاري التحميل ...

تيراميسيو سهل على البارد بدون فرن / COLD NESCAFE DESSERT

تيراميسيو سهل وسريع


بسم الله الرحمن الرحيم
صباح/ مساء الحلى عليكم 
كيف الأحوال

هنعمل النهاردة سوا حلى سهل و بسيط وعلى البارد بدون فرن  ومش متعب خالص فى الخطوات و معظم المكونات سهلة وكتغيير عن الكيك كحلى معتاد وبعتبرها منقذتي لما بحتاج حاجة حلوة للضيوف ومش متعبة وفيها تغيير شوية عن التيراميسيو الأصلية علشان تمشي مع الحاجات اللي موجودة في البيت. 


طيب يلا نبدأ سوا:

المكونات:
بسكوت سادة (أي نوع تحبوه) أنا بستخدم دايجستف معظم الوقت بس لو مش موجود عادي
هو الأساسي بسكويت سافويار. 

علبة كريمة صغيرة.

كيس كريم شانتيه بودر.

ربع علبة حليب محلى مكثف. 

ربع معلقة فانيليا سائلة 

كيس كريم كراميل (الباودر) ودى اختياري بس بتدي فعلا طعم جميل فعلا (بضيفه من عندي بس فرق معايا في الطعم)

ربع لبنة أو 6-8 قطع كيري أو( أي جبنة بتحبوها )

ونسكافيه 

ونص كوب لبن 


يلا بينا نقول طريقة التحضير:

أولا نحضر طبقه الكريمة 
كيس كريم شانتيه + ربع كوب لبن ساقع ومعلقة صغننة فانيليا سائلة و نبدأ نضربه كويس أوي  لحد ما يبقى فوم وهش كده 

بعدها نضيف علبة الكريمة الصغيرة بتاعتنا ونضرب برضه كويس سوا.

وبعدين نزود ربع  كوب من الحليب المحلى المكثف (ممكن تزودا الكمية بتاع الحليب المحلى بس أنا شخصيا مش بحبه مسكر أوى حقيقة)

ونبدأ نزود الجبن عادة بستخدم الكيري ونضرب كويس جدا الميكس بتاعنا ده (اللي بيحب طعم الجبنة أكثر ممكن يزودها شوية)
تقدروا تتحكوا في أنكم تزودوا التسكير عن طريق الحليب المحلى المكثف 
أو الحدق عن طريق الجبن الكيري.

و نضيف أخيرا كيس الباودر الكريم الكراميل و حقيقة بيفرق في الطعم و بيخليه غني و مميز جدا 

كده حضرنا الطبقه الكريمي بتاعتنا الذيذة جدا 
حلى سهل وسريع على البارد بدون فرن

طيب فى بولة صغيرة هنحضر معلقه نسكافيه وشوية لبن ومعلقه سكر صغيرة وندوبهم سوا 

وبعدين نبدا نسقي البسكويت السادة بتاعنا فى النسكافيه بس منسبوش كثير علشان ميبوش في النسكافيه عاوزينه طري بس ماسك نفسه.

ونبدأ نرص البسكويت فى ال(القارب /الصينية/ طبق التقديم بتاعنا) 

ممكن نعمل طبقيتين بسكويت مش طبقه واحدة على بعض  بنفس الطريقة  

وبعدين نضيف نص كمية الكريمة بتاعتنا 

و بعدين نرجع نعيد تانى تانى طبقة من البسكويت بالنسكافيه 

نسقى البسكويت في النسكافيه و نرصه فى القارب بتاعنا جنب بعض وبعد ما نخلص 

نحط باقي الكريمة بتاعتنا نص الكمية الآخر. 

وممكن طبعا تبقى أكثر من طبقتين (هنزود كل حاجه فى المكونات) المكونات دي بتعملى قارب وسط كده. 

بس كده سهلة جداااااا و ممكن الزينة نرش كاكاو أو ممكن صوص شيكولاته أو صوص كراميل أو حاجات كثير كل واحد و اللي بيحبه.

أتمنى تعملوها و تعجبكم 

 دمتم جميلات ....
هنى وعافية...

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming