MermaidCharming MermaidCharming

آخر الأخبار

جاري التحميل ...

ما أهميه وفوائد البيوتين ؟ ما الفرق بين أقراص البيوتين والبيوتين السائل ؟ / BIOTIN DROPS

نقط فيتامين البيوتين السائل للشعر

بسم الله الرحمن الرحيم
أزيكم بنات 
كيف احوالكم ؟! راسلوني و طمنوني عليكم 
يترب تكونوا في أحسن حال

النهاردة هندردش سوا عن البيوتين وأيه أهميته وفوائده في علاج الشعر؟ وأيه أضراه أو آثاره الجانبية؟ وأخبار  تجربتي معاه  ايه ؟

 و هنتكلم عن BIOTIN DROPS أو البيوتين السائل  تحديدا؟ وكل الأسئلة حوله مثال:

 يفرق ايه عن الأقراص ومين أحسن فيهم؟ وبما أن دائما فيه حديث مستمر وأسئلة لا تنتهي عن أيه أحسن فيتامينات للشعر وتجيب نتيجة فعالة  

هتكلم معاكم النهاردة عن البيوتين واحد من أشهر فيتامينات الشعر على الأطلاق تحت أسامي كتير وبرندات كثير جدا وهعرضلكم تجربتي معاه.

أولا أول سؤال 


ما هو البيويتن ؟ 

يطلق عليه البيوتين  أو فيتامين H  أو فيتامين B7 هو واحد من مشتقات فيتامين B المركب و من خصائصه أنه بيذوب فى الماء 

فخطر ترسبه فى جسمنا قليل الحمد لله  وبالتالي لو أي حد أخده بجرعة أكبر من اللازم لقدر الله مفهوش خطر عليه.


هنلاقي فيتامين H موجود في الكتير من المواد الغذائية  بشكل طبيعي وده يسهلنا طرق الحصول عليه 


و موجود حاليا في صورة مكملات غذائية للناس اللي بتعاني من نقص فيتامين ال B7 


ده معناه إننا محتاجين  استشاره طبيب هو اللى يقولنا نأخده إذا لزم الأمر بعد التحليل ويشوف نسبته في جسمنا 
مش من دماغنا يا بنات 


وظيفة فيتامين البيوتين:

 بيساعد على زيادة كريات الدم الحمراء 

وبيساعد على نمو خلايا جديدة في الجسم  

وبيزود من الأحماض الأمينية فى جسمنا  فبيساعد على تدفق الدم إلى بصيلات الشعربقوة  وأنسجة البشرة في الجسم والأظافر. 

فوائد البيوتين  ؟ 

يحسن من حال الشعر جدااا وبيعطيه شكل صحي أكثر بكتير فيه لمعة 

بيساعد بشدة في وقف التساقط وبيساعد على نمو الشعر بشكل ملحوظ. 


يحسن من مظهر البشرة وبيعطيها حيوية وبيزود من الليونة  بالتالي هيساهم في علاج التشققات. 


يزيد من قوة الأظافر وسرعة نموها و بيعطيها قوة تمنع تكسرها بسهولة. 


بيساعد على خفض مستوى الأنسولين فى الدم. 



السؤال التالي: نعرف منين أننا محتاجين بيوتين ولا لأ؟

ما أعراض نقص البيوتين فى جسمنا ؟


تساقط و تقصف الشعر 

أنيميا 
شحوب الوجه و جفاف الجلد  وممكن نلاقي ناس بتعاني من تشققات في القدمين 
تقصف الأظافر 
آلم في العضلات

ما هي العناصر الغذائية التي تحتوي على البيوتين؟

الموز - القرنبيط -الفاصوليا - الفول السوداني - البيض - اللحوم الحمراء - التونة - الأسماك - السلمون - الأفوكادو - الشوفان - الحبوب الكاملة -الدواجن 

_______________

يبقى ممكن نحصل عليه بشكل طبيعي جدا من خلال أكلنا يوميا 
المشكلة أننا ممكن نكون بنعمل عادات غلط في الأكل تخلينا منحصلش من الأكل على الفائدة الكاملة
 أو نحصل عليه بنسبة كبيرة من خلال وجباتنا اليومية فممكن نعاني من نقص البيوتين فممكن نلجأ في الحالة دي  للمكملات 

وحاليا  هنلاقي حاليا البيوتين موجود فى مكملات كثير وصور كثيرة جدا في الماركت والصيدليات مثلا :

شامبوهات بيوتين - بلسم - زيوت- مكملات غذائية أقراص - أو سائلة (شراب). 

هتكلم عن تجربتي الشخصية  مع البيوتين: 

من حوالي سنتين
 كنت بعاني جدا من تساقط الشعر وكمان طوله ثابت مش بيتغير (بس مشكلة الطول مش أزمة أوي) 

جربت أقراص البيوتين تركيز 10.0000 ميكروجرام 


أخذت وقت عقبال ما حسيت بالنتيجة والفارق
 يعنى  بدأت احس أن شعري طول أكثر و قل التساقط بشكل واضح وحالته اتحسنت بعد شهر ونص أو شهرين من بداية تناول الأقراص وحسيت الفرق فى ظوافري أكثر من شعري. 

كنت بأخذ حبة واحدة فى اليوم. 


ولما وقفته محصلش تساقط ثاني الحمد لله. 


جربت عبوتين

 الواحدة فيهم كانت حوالي 100 قرص لمدة 3 شهور و كانت النتيجة بالنسبالي للمدة دي كويسة الحمد لله.


رجعت الأيام دى تاني للبيوتين 



بس المرة دي بستخدم BIOTIN DROPS الصورة السائلة من البيوتين أنا لسه فى أول شهر من استخدامه 

تجربتي مع البيوتين النقط السائلة (الشراب)

أحساسي المرة دي مختلف 

أولا من أول 3 اسابيع بدأت أحس الفارق. 

شكل شعري أحسن صحي أكثر بكثير. 


مش بعاني من هيشانه المبالغ فيه بسبب الرطوبة وبدأت ألاحظ إن شعري بدأ يطول (ودي نتيجة سريعة) 


ظوافري أقوى من الأول ومش بتتكسر بسهولة وبتطول أسرع. 


شكل بشرتي مختلف عن الأول حساه فيها نضارة أكثر أو الجلد مظهره أحسن

 (بس مش قادرة أحكم على النقطة دي أوي لأني بستخدم منتجات بشرة جديدة تانية حاليا) هرجع أكرر تاني إن شاء الله لحد ما أوصل للنتيجة المطلوبة لأن عندي مشاكل في شعري الفترة دي فقدامى مشوار طويل يا مسهل. 
  

من خلال تجربتي البيوتين  الحمد لله مش مسببلي زيادة في شعر الجسم أو حبوب الشباب.


ما هي مزايا البيوتين النقط السائلة عن البيوتين الأقراص:

اللي خلاني أجرب الشكل ده من البيوتين إن شوفت إقبال عليه بره مصر وترشيحات قوية وريفويهات كثير وسمعت كلام من 
أطباء إن نتائجه أحسن وأسرع وده اللي أنا محتاجاه في الفتره الحالية. 

و ده لأنه بيخصلنا من مشكلة أن الأقراص مش بتتتكسر بالكامل في المعدة و بالتالي مش بنقدر نحصل على كل المادة الفعالة 

وفيه تجارب على مالتي فيتامين من شركات مختلفة و لاحظوا أن القرص متكسرش كامل بعد 30 دقيقة (و ده الرقم المفروض في دستور الأدويه الأمريكي اللي بنقارن بيه معدل تحلل القرص )

بالتالي الصورةالسائلة أو النقط  بقدر أحصل على أقصى استفاده من الجرعة وأعلى نتائج ممكنة 


كمان بيخلصنا من مشكلة البلع لأني مثلا من الأشخاص اللي عندها صعوبة في بلع الأقراص أيا كان الحجم 

فده مناسب ليا جدا ولغيري اللي عندهم نفس المشكلة.

و ممكن كمان يكون مناسب أكثر للاشخاص اللى بتشتكي من مشاكل في االهضم لأي سبب طبى يخصهم. 


وكمان الصورة السائلة بتخلينى أقدر اتحكم في الجرعة جدا وده ممكن يبقى مناسب لو فيه أكثر من شخص بيأخذوه سوا بجرعات مختلفة. 


كمان البيوتين زي ما حكينا من الفيتامينات  الذائبة فى الماء فإذا هو مستقر فى الصورة السائلة مش هعاني من ثباته فى الصورة السائلة 


ونتيجة المزايا اللي عرضتها أنا عجبني أكثر البيويتن السائل عن الأقراص من حيث التحكم و السهولة والنتائج الملحوظة. 


أتمنى إنكم استفدتم من عرض التجربة  الشخصية مع البيوتين 


العبوة اللي فى الصوره أنا حاليا بأخذ منها حوالي 15 نقطة يوميا  ولسه في حوالي أكثر من نصف العبوة وده معناه أن اقتصاديا زيه زي الأقراص .

الجرعة ممكن تبدأوا بجرعة صغيرة قابلة للزيادة حسب استشارة الطبيب الخاص بكم وممكن تبدأوا ب 2500 ميكروجرام  مرتين صباحا ومساءا 

أقصى جرعة هي 10.000 ميكروجرام يوميا

مفيش أي إثبات على خطورة البيوتين و ال FDA أكدت أنه أمان و مفيش اأي حديث حول السمية بتاعته 

لأن الحمد لله جسمنا بيتخلص منه في البول. 

هرجع تاني أكد اعليكم يا بنات تسألوا الدكتور بتاعكم و ياريت لو هتأخدوه تكونوا متأكدين إنكم محتاجينه من خلال التحليل الشامل للمعادن و فيتامينات الجسم.



    دمتم جميلات ........







عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming