MermaidCharming MermaidCharming

آخر الأخبار

جاري التحميل ...

  1. ممكن اعرف نوع للشامبو والبلسم الشعر المقصف خالي من السلفات ؟

    ردحذف

الشامبو الخالى من السلفات فوائده وأضراره ؟ | SULFATES FREE SHAMPOO


هل السلفات مضر أو مفيد للشعر؟

بسم الله الرحمن الرحيم 

صباح/مساء الخيرات صبايا
كيف الأحوال

 النهاردة عاوزة اتكلم عن حاجة من الحاجات المنتشرة الأيام دي وموضة كثير ناس بتيجى تقول عاوزة شامبو يكون

خالى من السلفات ؟! 
هل السلفات مضر للشعر ؟! ده محور كلامنا النهاردة

أو نلاقي منتجات آخرى مكتوب عليها خالية من السيلكون ! و حاجات ثانية خالي من البارابين !

طيب هنتكلم عن كل واحدة فى دول ونوضح هل ده صح ولا غلط ؟؟ حقيقة ولا أي كلام وشغل تجاري؟


ايه الأضرار و ايه الفوائد؟!! 

أولا النهاردة هنبدأ كلامنا عن السلفات ...

أولا يعني ايه السلفات ؟

 السلفات هو مركب يختلط فيه الكبريت والكحول البلوري والفازلين وموجود في الماركت والمستحضرات على هيئة أشكال كثير جدا تختلف فى درجه القساوة و النعومة من منتج لمنتج.

و عادة هنلاقيه في الشامبوهات أو المنتجات تحت أسم SLS أو  SODIUM LAURETH SULFATE و على فكرة هو 

موجود في حاجات تانية كثير زي الصابون و شاور الاستحمام و المنظفات. 

السلفات هو المسئول عن الرغوة ويزيل الدهون و الأوساخ. 



طيب بما ان مادة السلفات هي المسئولة عن الرغوة وكل ما كان الرغوة أكثر كل ما كان تركيز السلفات أعلى و إضافة السلفات 

هي اللي بتخلي أسعار الشامبوهات أقل .. و فيه خطأ عندنا فى تفكيرنا أننا بنعتقد أننا كل ما كانت الرغوة أقل كل ما كان بينظف أكثر بس ده مش صح 

ممكن يكون بيدي لمعة للشعر على المدى القريب و لكن بالاستخدام الكثير ممكن يكون ليه أضراره 

علشان كده هنسأل ؟!!!


 هل السلفات مضر ولا مفيد ؟ و متي يجب استخدام شامبو يحتوي على السلفات؟


 السلفات بيجرد الشعر من طبقه الكيراتين المحيطة ده يعنى على المدى بيضر الشعر و يسبب التقصف و يجعده


لذا فيه حالات لازم نوقف استخدام شامبوهات فيها السلفات ولازم الشامبو يكون خالى من السلفات 

الحالات التي يجب استخدام شامبو خالي من السلفات كالتالي:


زى مثلا لو حد فروة رأسه حساسة أو بيعاني من أكزيما 
أو شعر يكون جاف وتالف أو مقصف 
بعد فرد الشعر ببروتين أو كيرايتن أو بعد الصبغه مثلا 


الحالات التي يمكن فيها استخدام شامبو يحتوي على السلفات:

زى مثلا لو حد فروة الشعر بتاعته دهنية أو فيها قشر كتير يبقى 

 السلفات حل مناسب لأنه أقوى مادة منظفة تساعدنا نقلل من الدهون وتساعدنا نتخلص من القشرة. 

تقريبا كده اتكلمنا عن السلفات بين الشائعات و الحقيقة  
وايه الحالات اللى يجوز استخدامه و ايه الحالات اللى لازم نبعد عنه فيها و ندور على بدايل خالية من السلفات.

إن شاء الله تكونوا عرفتوا متى نستخدم شامبو يحتوي سلفات ومتى خالي من السلفات.

و نكمل باقى كلامنا عن البارابين والسيلكون في مرات جديدة 

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming