MermaidCharming MermaidCharming

آخر الأخبار

جاري التحميل ...

هل منتجات السيلكون مفيدة أم ضارة للشعر والبشرة؟! / SILICONE FREE

أضرار السيلكون على الشعر والبشرة

بسم الله الرحمن الرحيم
صباح/مساء الخيرات بنات
عاملين أيه؟ يارب التدوينة اللي فاتت تكون عجبتكم عن السلفات
جالي مسجات من بنات بتقول انها استفادت
أتمنى أكون أضفت جديد

واستكمالا لفكره المنتجات اللى بنقابلها كتير مكتوب عليها خالى من (السلفات، الباربين، السيليكون، الكبريت....إلخ)

هل دى حاجة صحيحة و مواد ضارة  لازم نبعد عن استخدامها ولا كله أمور تسويقية ووجودهم زي عدمه. 


أتلكمنا عن  موضوع المنتجات المكتوب عليها  خالي من السلفات المرة اللي فاتت ومتى نستخدم الشاميو بيحتوي على السلفات ومتى خالي من السلفات (للمطالعة اضغط هنا )


و هل السلفات ليه أضرار ؟ ولا مفيد ؟  ممكن تقرؤه لو حابين ..


المرة دي هنتكلم سوا عن المنتجات المكتوب عليها خالى من السيلكون



 هل خالي من السيلكون صح ولا غلط ؟ السيلكون مادة ضارة ؟ ولا السيليكون ليه فوائد ؟؟


طيب السيلكون ده عبارة عن ايه ؟

هو السيلكا أو ثاني أكسيد السيليكون و هو مادة مشتقة من الطبيعة وفيه منها نوعين


-  نوع غير  بلوري وده هو موضوعنا  اللي بنقدر نستخدمه  في مجالات كتيرة جداهنقول أمثله ليها حالا


-  نوع بلوري وده مش هنتكلم عنه علشان مش بيدخل في الصناعات التجميلية



استخدامات السيليكون:

  بيدخل في شامبوهات الشعر و البلسم و السيرم.

 بيدخل في المرطبات سواء للجسم أو الأيدين أو الوجه.

   بيدخل في مزيلات العرق ليمتص الرطوبة.

   بيدخل في منتجات التجميل مثال: الأرواج و كريمات الأساس و الباودر و غيره...



   طيب علشان نفهم أكثر عن السيليكون 

هو مادة شبه مطاطية (بلاستيك) جزيئاتها كبيرة وفيه بينها مسافات كبيرة فكرتها ببساطة بتعمل زى حاجز أو عازل بتساعدتي استفيد من المنتج و في نفس الوقت بتعمل غلاف أو حاجز من بره علشان مفقدوش بسهولة. 


السيليكون هو مادة متعارف أن جزيئاتها كبيرة نسبيا بالنسبة لحجم المسام وما بتخترق المسام بس ممكن تساعدني أن المكونات الموجودة في المنتج  تصل للبشره أوالشعر وما تفقدها البشرة أو الشعر بسهولة.


من خصائص السيليكون أنه كاره للمياه (hydrophobic) بس بيختلف في قوته من نوع للتاني

 يعنى فيه أنواع منه سهل إذابتها  والتخلص منها بالماء ومواد صعب التخلص منها بالماء  وبالتالي:

  نحاول نبعد عن المواد الصعب التخلص منها بالماء (بتبقى محتاجة سلفات  لأننا عرفنا قدرته قبل كده سوا)ونختار المواد السهل التخلص منها بالماء 

لتجنب أن السيلكون يكون طبقة عازلة مطاطية حول الشعرة أو البشرة
لأن الأنواع الصعب التخلص منها بالماء هتسبب أن الشعر يتقصف و ينشف 

لذا في حالة أن  شعري بيعاني من تقصف أو جفاف أو تساقط أو إكزيما

تجنب تماما  المواد دي تماما.

وأيضا بالنسبة للبشرة  يسبب جفاف البشرة.


هنعرض أمثلة على النوعين اللي بنتكلم عليهم علشان نحاول نميزهم لما نقرأ المكونات المذكورة على المنتج و نعرف نختار ايه ويكون مناسب  لينا: 




- المواد السهل التخلص منها بالماء (وجودها غير مضر أطلاقا ) / أو تحمل الرمز PEG , PPG 


     Dimethicone Copolyol
           Lauryl  Methicone  Copolyol
           Cyclomethicone


- المواد الصعب التخلص منها بالماء (ينصح بالابنعاد عنها ): 

         Dimethicone
         Amodimethicone
        Dimethiconol
         Cyclopentasiloxane
         Stearyl dimethicone
        Phenyl trimethicone
        Cetearyl methicone



  سؤال وارد في الأذهان

 لماذا نستخدم السيليكون فى منتجات الشعر ؟

لأنه بيعطي لمعان للشعر و نعومة وأحساس بالحيوية في الشعر وأيضا أحساس بملىء الفراغات.



وما  استخدمات السيليكون في منتجات العناية بالبشرة ؟ 

بيجعل المنتج سهل فى فرده أو مده على البشرة و بالتالي بستخدمه في منتجات للبشرة الدهنية و المنتجات المطفية (المات)

بيحافظ على الرطوبه بيساعد أن البشره  ما تفقدش الرطوبة بسهولة و بالتالى مش هنحتاج اننا نجدد كريم الترطيب كل كام ساعة.


بيعطي لمعان و بيداري  الحفر و التجاعيد  لأنه بيملىء الحفر والتجاعيد.



دلوقتي نقدر نجاوب على السؤال بسهولة هل السيليكون مضر ؟ 


الإجابة بوضوح هي مادة لا تخترق المسام فباتالي فهى مادة غير مغذية أو ضارة ولكنها  مصنفه أنها مادة غير مسببة للحساسية 


بالعكس تم تصنيف السليكون أنه آمن على  صحة الأنسان  وعلى البشرة و مصرح بيه من FDA 

و  بأيدينا نستطيع الاختيار بين المواد السهل التخلص منها بالماء و ده المناسب و الاصح فى الاختيار وبين المواد الصعب التخلص منها بالماء ودي اللي لازم نبعد عنها (وسبق ذكر المواد بالأسماء). 

بس لو مثلا شعرى بيعاني من تساقط أو جفاف أو اكزيميا أو تقصف يبقى أبعد عنه أفضل في المطلق.


 وفي أوقات ينصح استخدام منتجات تجميل(ميك أب)  تحتوى على السيليكون فى حالات الأشخاص الذين يعانون من            

حساسية  من  مواد الميك أب أو عندهم إكزيما 
ينصح استخدام مواد تجميل تحتوي على السيلكون علشان يكون عازل.




وفي ختام الموضوع

 ليه كان فيه حملات منع استخدام منتجات خاليه من السيلكون ؟ 

الحملات دي أول ما ظهرت  كان عند الغرب و ده ليه علاقة في الأساس  بأن استخدام السيلكون ليه أضرار في المعالجة بتاعته و اشتقاقه على البيئة وليس على الأنسان. 


 في الغرب الحملات أوقات كتير بيبقى ليها علاقه بالبيئة أو بالتجارب على الحيوانات أو حاجات شبه كده.


فلما نزل منتج خالي من السيلكون فده كان غالي جدااا ماديا فبدأت الفكره تنتشر و الموضوع أصبح تجارى بعيدا عن الضرر الطبي أو غيره.


خلصنا موضوع اليوم 

أتمنى يكون وافي ومفيد
 دمتم جميلات ......


عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming