MermaidCharming MermaidCharming

آخر الأخبار

جاري التحميل ...

كيف اتخلص من الهالات السوداء / عيون الباندا /DARK UNDEREYE CIRCLES



كيف اتخلص من الهالات السوداء / عيون الباندا /DARK UNDEREYE CIRCLES 


بسم الله الرحمن الرحيم 

ازيكم يا بنات 

 هنتكلم عن مشكلة بيعاني منها كثير أوي مننا وهي الهالات السوداء اللي بتضايقنا كلنا وبتدينا لوك مرهق وتعبان أوعيون (الباندا ) فيه نوعين منهم

 - النوع الأول: النوع البسيط اللى بيبقى بسبب قلة النوم أو قلة شرب الماء أوالإرهاق أو الأنيميا أوالتوتر أو فقدان الوزن.


-  النوع الثاني: اللي بيبقى وراثي وده الأعند والأصعب في العلاج وبيحتاج طبيب مختص شاطر وجلسات طبية.


فهنتكلم مع بعض عن الماسكات المتجربة والمضمونة اللي تساعدنا نقلل من شكلها اللي بيضايقنا، ونتخلص كمان من انتفاخ العين، وفي نفس الوقت لازم نعرف السبب، و نعالجه أو نحاول نتجنبه.


علاج الهالات السوداء:


1- ماسك الشاي الأخضر وزيت الأرجان:

  الطريقة: نفرغ كيس شاي أخضر فى شوية ماء + 3-5  نقط زيت الأرجان الأصلي أو زيت اللوز الحلو. 

ثم نضع القطعة القطنية الدائرية في الخليط لمدة عشر دقائق وبعدين نضع القطعتين حولين العين لمده 15 دقيقه

فوائده: يقلل من انتفاخ العين

         يمنع احتباس السوائل في الانسجة
        الشاي الأخضر من اقوى مضادات الاكسدة
        مهدىء للجلد و يجدد الخلايا و يقلل من الحساسية


2-ماسك البرتقال والجلسرين

الطريقة: نعصر نصف برتقالة +5  نقط زيت جلسرين أصلي بيور

ثم نضع القطعة القطنية في الخليط لمده 10 دقائق ثم نضعه حول العين لمده 15 دقيقة

فوائده: غني بفيتامين c اللى بيعمل على توحيد لون البشرة،
 وبالتالى علاج الهالات
           يعطي تنوير لمنطقة تحت العين




3- ماسك خيار +معلقه عسل + زيت جوز الهند:

الطريقة:  3 معالق من عصير الخيار و معلقة عسل ومعلقة من زيت جوز الهند الأصلي
ثم نضع القطعه القطنية في الخليط  لمدة عشر دقائق ثم حول العين لمده 15 دقيقة

فوائده: يرطب البشرة و يعالج الهالات

           يقلل من انتفاخ تحت العين و يعيد الحيوية
            يقلل من ظهور التجاعيد  والخطوط الرفيعة تحت العين




4- من خلال تجربتي الشخصية انا بحب جدا زيت اللوز الحلو 
وبعتمده دائما 

قبل النوم نقطتين صغيرين  ونعمل بيهم مساج لتحت العين و نسيبهم و ننام و نغسله الصبح غن شاء الله

فوائد زيت اللوز كتيره جداا و ممكن نعلم بيه ماسك لتحت العين كمان 
ميزته إنه مش بس بيقلل الهالات السوداء ده كمان مهم جدا في تاخير ظهور علامات التقدم في السن و بيقلل من ظهور الخطوط التعبيرية حول العين 
عملنا مقال كامل عنه  واستخداماته (للاطلاع اضغط هنا )


5 - ماسك عصير الطماطم بالليمون 

نأخذ معلقة من عصير الطماطم و نضيف لها معلقة من عصير الليمون و نمزجهم سوا (لو بشرتنا حساسة بلاش الماسك ده )
و نضعه على الهالات السوداء لمدة10 دقايق و بعدين نغسل وشنا بالماء


6- ماسك النعناع 

نجيب كام ورقة نعناع ونطحنهم مع شوية ماء صغيرين يكونوا شبه المعجون التقيل سوا كده 
و نفردهم على الهالات السوداء لمدة ربع ساعة و بعدين نغسل وشنا بماء بارد 


كل دى ماسكات وأكثر بتساعدنا إننا نقلل من الهالات السوداء 

وكمان ممكن  كمادات الشاي الاخضر فعاله جدا في تقليل الهالات السوداء والانتفاخات 
اتكلمنا عليها مع بعض ( للاطلاع اضغط هنا )


و قريب هحضرلكم موضوع عن إزاي نصنع سيرم القهوه / الكافيين فى البيت بنفسنا و قد ايه هو مفيد جدا للهالات و نتيجته مبهرة فى تقليل مظهر الهالات السوداء المزعج 

اول ما اعمله هزوده هنا ان شاء الله 

 في مرة تانية هنتكلم عن المنتجات اللي في الماركت والصيدليات وفعالة ومتجربة و نتيجتها تفيدكم في الترطيب حول العين و في علاج الهالات السوداء


أوصيكم جدا بترطيب منطقة تحت العين والجفن لإننا مهملين فيه شوية 

والجلد فى المكان ده أرق شوية من جلد البشرة ومحتاج اهتمام 

والترطيب أول الخطوات الصحيحة في علاج الهالات السوداء والاهتمام بمنطقة حول العين والتقليل من ظهور التجاعيد فيما بعد، والأهم من إننا نعمل ماسكات إننا نواظب مش مره  نقول خلاص مش جايب نتيجة مفيش حاجة بتبان نتيجتها من مرة استخدام  ولا اتنين بالمواظبة بنوصل للنتيجة اللي نفسنا فيها. 

و طبعا لو حد حالة الهالات عنده وراثية  أومستعصية أكيد زي ما قولنا استشارة الطبيب هي الأهم. 

كل اللى بنعمله سوا اننا بنساعد في الحالات البسيطة، وإننا نلاقى طريقتنا الخاصة فى العنايه ببشرتنا سوا والروتين المفيد الخاص بينا


 بس و كده خلصنا

إن شاء هتعجبكم الماسكات جدااا جداا لما تجربوها .....
                           
 دمتم جميلات .......

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming