MermaidCharming MermaidCharming

آخر الأخبار

جاري التحميل ...

ماسكات لانواع البشره المختلفه


ماسكات لانواع البشره المختلفه 

الشاى الاخضر من الحاجات الل لازم نهتم بيها جدااا جدااا يا بنات فى الروتين اللى بستخده لبشرتنا لانه فعلا سحررر و ليه فوائد و 


استخدامات كتيررررر

وانا عن نفسى بعتمده فى كتير من الماسكات اللى بعملها او بحب يكون موجود فى المنتجات اللى بشتريها

النهارده مثلا هنتكلم سوا عن ماسكات ممكن نعلمها بالشاى الاخضرو نكمل مره تانى عن وصفات اكتر و اكتر بيه

يلا بينا 


ماسك  ينفع للبشره الدهنيه و المختلطه :


المكونات : معلقتين كبريتين من دقيق الارز ( ممكن الارز نطحنه عادى )

              معلقتين كبار من الشاى الاخضر

              معلقه كبيره عصير ليمون

نخلطه سوا لحد ما يبقى الخليط ناعم و نفرده على وشنا و نسيبه لمده 15-20 دقيقه و بعدين نشطف وشنا بالماء البارد و نستخدم 

التونرالمناسب وبعدين نرطب وشنا بالمرطب المناسب 

ممكن يتعمل مره او مرتين فى الاسبوع 

فايده الماسك ده : مقشر لطيف للبشره و بيحارب ظهور الحبوب و يخفف من اثار الحبوب القديمه 

                                     ______________________________________________


ماسك ينفع للبشره الجافه و العاديه و الطريقه :


المكونات : معلقه كبيره  شاى اخضر 
              
             معلقتين كبار عسل 

نخلطه سوا جيدا و بعدين نفرده على وشنا عل بشره نضيفه و نسيبه من 15-20 دقيقه و بعدين نشطف وشنا بماء بارد ونجففه 

ونستخدم التونر المناسب و نرطبه بعد كده




بعض من فوايد الاشاى الاخضر للبشره :


          يعتبر مضاد للبكتيريا و الالتهابات لانه غنى بمضادات الاكسده 

          يعالج البشره الدهنيه من حب الشباب الرؤوس السوداء لامتلاكه خصائص قابضه تقلل من المسام و افراز الدهون 

          يعتبر مقشرا يزيل الجلد الميت و الملوثات عن البشره 

          يحمى البشره من اشعه الشمس المضره و يقلل من اثار حروق الشمس 




 و دمتم جميلات ...

عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming