MermaidCharming MermaidCharming

آخر الأخبار

جاري التحميل ...

ماسك الشوفان لجميع انواع البشره / GREEN TREE OAT MASK



ماسك الشوفان لجميع انواع البشره / GREEN TREE OAT MASK 

اهلين اهيلن 
ازيكم يا بنات عاملين ايه 
يارب تكونوا فى احسن حال و مشرقين دايما و محققين كل اللى نفسكم فيه 
يلا النهارده هكلكم عن ماسك بحبه بحبه جدا جدااا و بما انى من محبين الماسكات للبشره فهقولكم دايما اى ماسك بجربه و بحسه فارق

ماسك الشوفان 

هقولكم الماسك عباره عن ايه و اكلمكم شويه عن فوايده 

عباره عن معلقه شوفان كبيره +معلقه زبادى + معلقه شاى اخضر + معلقه وسط نشا

و نخلطهم سوا كويس جداااو نسيبه شويه و بعدين نحطه على وشنا لمده 15-30 دقيقه 

و ده هنحس بايه بعده ؟!

نضاره و تفتيح و ترطيب جداا جدااا  رهيب و نضافه للبشره كده كانها 

baby skin وهنلاقى المسام بتاعتنا شكلها صغنن نونو كده
 و البشره هتحسوها بتلمع وفيها اشراق كده يا بنات 

الشوفان فوايده حلوه اووى للبشره علشلن فيه ماده اسمها السابونين 
و دى ماده بتنضف البشره زى الصابون علشان كده هو 
منظف و مقشر قوى للبشره وينفع مع جميع انواع البشره حتى الحساسه
غير ان الشسوفان كمان مرطب للبشره لانه غنى بالفيتامينات 
و مضادات الاكسده مما يساعد كمان على حمايه البشره 
من الاضرار ومن اثار التعرض للشمس و المواد الكيماويه 
كمان بيعمل على التخلص من خلايا البشره الميته 
و بيققلل من حجم المسامات و بيقلل من افراز الدهون 
وهنلاقى الشوفان حاليا فى منتجات تجميليه كتير سواء سكراب او مرطبات او ماسكات 

و طبعا الزبادى دوره فى الترطيب بتحس البشره طريه جدا و ناعمه


و النشا ليه تاثير واضح على شد البشره و التفتيح 




و الشاى الاخضر ده فوايده كتير جدااا و اتكمنا عليها قبل كده منها انها غى بمضادات الاكسده اللى بتقاوم التجاعيد و التقدم فى 


السن كمان بيحارب ظهور الحبوبو بيعالج اثار الشمس و التصبغات  و بيقلل من افراز الدهون و بيساعد انك بتتحكمى فيها جداا و بيساعد على علاج حب الشباب 
علشان كده الماسك ده رهيييب رهيييب من اجمل ماسكات البشره و يمكن بحبه اكتر من اى facial sheet بجيبه جاهز 
وكل حاجه من مكوناته مفيده جداااا 
و ممكن تلاقوا هنا ماسكات تانيه بالشاى الاخضر مفيده جدا لانواع البشره المختلفه اضغط هنا 
يارب تجربوه و يعجبكم 

                            دمتم جميلات .......


عن الكاتب

MERMAID CHARMING BY DR- HADIR

التعليقات


جميع الحقوق محفوظة

MermaidCharming